Gold-Silver Price Today: ಕಳೆದೆರೆಡು ದಿನಕ್ಕೆ ಹೋಲಿಸಿದರೆ ಚಿನ್ನ-ಬೆಳ್ಳಿ ಎರಡೂ ದುಬಾರಿ; ಇಂದಿನ ರೇಟ್‌ ಹೀಗಿದೆ

ಏರಿಕೆ, ಇಳಿಕೆ ಕಾಣುತ್ತಿದ್ದ ಚಿನ್ನ-ಬೆಳ್ಳಿ ಇಂದು ಎಷ್ಟಾಗಿದೆ? ಚಿನ್ನ ಖರೀದಿ ಮಾಡಬೇಕಿತ್ತು, ಬೆಲೆ ಎಷ್ಟಾಗಿದಿಯೋ ಅನ್ನೋ ಗೊಂದಲಕ್ಕೆ ಇಲ್ಲಿದೆ ಉತ್ತರ. ಚಿನ್ನ-ಬೆಳ್ಳಿ ದರ ಇಳಿಕೆ ಕಂಡಷ್ಟೂ ಖರೀದಿದಾರರಿಗೆ ಖುಷಿ. ಸದ್ಯಕ್ಕಂತೂ ಭಾರತದಲ್ಲಿ ಶುಭಸಮಾರಂಭಗಳು ಪ್ರಾರಂಭವಾಗಿದ್ದರಿಂದ ಚಿನ್ನ ಇನ್ನಷ್ಟು ಇಳಿಕೆ ಆಗಲಿ ಅಂತಾ ಕಾಯುತ್ತಿರುವುದಂತೂ ಸತ್ಯ.

ಚಿನ್ನದ ಇಂದಿನ ದರ
ಅಂದಹಾಗೆ ಚಿನ್ನದ ಬೆಲೆ ಇಂದು ಪ್ರತಿ ಗ್ರಾಂಗೆ ರೂ. 5,225 ಆಗಿದ್ದು, ಕಳೆದೆರೆಡು ದಿನಕ್ಕೆ ಹೋಲಿಸಿದರೆ ಕೊಂಚ ದುಬಾರಿಯೇ ಆಗಿದೆ.

ಬಂಗಾರಕ್ಕೆ ಯಾವತ್ತಿದ್ದರೂ ಕಿಮ್ಮತ್ತಿದೆ. ಆರ್ಥಿಕ ಕಷ್ಟಕಾಲಕ್ಕೆ ಆಗುವ ಏಕೈಕ ಬಂಧು ಎಂದರೆ ಅದು ನಾವು ಮಾಡಿಸಿಕೊಳ್ಳುವ ಒಡವೆಗಳು ಎನ್ನಬಹುದು. ಕಷ್ಟ ಕಾಲದ ಬಂಧುವಾಗಿ, ಸೌಂದರ್ಯ ಹೆಚ್ಚಿಸುವ ಆಭರಣವಾಗಿ, ಪ್ರತಿಷ್ಠೆ ಸಂಕೇತವಾಗಿ ಬಂಗಾರ ತನ್ನದೇ ಪಾತ್ರ ವಹಿಸುತ್ತದೆ. ಹೀಗಾಗಿ ಬಂಗಾರ ಎಲ್ಲರಿಗೂ ಪ್ರಿಯ. ಬೆಲೆ ಎಷ್ಟೇ ಏರಿಕೆಯಾದರೂ ಚಿನ್ನ ಖರೀದಿಸುವವರ ಸಂಖ್ಯೆಗೇನೂ ಬರವಿಲ್ಲ, ಚಿನ್ನದ ಅಂಗಡಿಗಳು ಗ್ರಾಹಕರಿಂದ ತುಂಬಿ ತುಳುಕುತ್ತಿರುತ್ತವೆ. ಇನ್ನು ಮದುವೆಯ ಸೀಸನ್ ಆದ್ರೆ ಹೇಳಬೇಕಾಗಿಲ್ಲ. ಬಲವಾದ ಮಾರಾಟ ಮುಂದುವರಿಯುತ್ತದೆ.

ಹಿಂದಿನಿಂದಲೂ ನಂಬಿಕೊಂಡು ಬಂದಿರುವಂತೆ ಚಿನ್ನ ಒಂದು ರೀತಿಯಲ್ಲಿ ಸೇಫ್ ಡಿಪಾಸಿಟ್ ಇದ್ದ ಹಾಗೆ. ಆರ್ಥಿಕವಾಗಿಯಾವುದೇ ಸಮಸ್ಯೆ ಎದುರಾದರೂ ಮೊದಲು ಮನುಷ್ಯನಿಗೆ ಕೈಬಿಡದ ಆಪದ್ಬಾಂಧವನೆಂದರೆ ಅದು ಬಂಗಾರ. ಹಾಗಾಗಿಯೇ ಜಗತ್ತಿನಾದ್ಯಂತ ಅದರಲ್ಲೂ ವಿಶೇಷವಾಗಿ ಭಾರತದಲ್ಲಿ ಚಿನ್ನಕ್ಕೆ ಹೆಚ್ಚಿನ ಮಹತ್ವ ನೀಡಲಾಗುತ್ತದೆ ಮತ್ತು ಪ್ರತಿಯೊಬ್ಬ ಸಾಮಾನ್ಯ ಮನುಷ್ಯನೂ ಒಂದಿಷ್ಟು ಚಿನ್ನ ಖರೀದಿಸುವಲ್ಲಿ ಉತ್ಸುಕನಾಗಿಯೇ ಇರುತ್ತಾನೆ.

ಮಾರುಕಟ್ಟೆಯಲ್ಲಿ ಇಂದಿನ ಬಂಗಾರದ ದರಗಳ ಕುರಿತು ಒಂದು ನೋಟ
ಒಂದು ಗ್ರಾಂ (1GM)
22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 5,225 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 5,706 ಎಂಟು ಗ್ರಾಂ (8GM)
22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 41,800 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 45,648

ಹತ್ತು ಗ್ರಾಂ (10GM)
22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 52,250 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ. 57,060 ನೂರು ಗ್ರಾಂ (100GM)
22 ಕ್ಯಾರಟ್ ಆಭರಣ ಚಿನ್ನದ ಬೆಲೆ - ರೂ. 5,22,500 24 ಕ್ಯಾರಟ್ ಬಂಗಾರದ ಬೆಲೆ (ಅಪರಂಜಿ) - ರೂ 5,70,600

ಬೆಂಗಳೂರು ಸೇರಿ ಪ್ರಮುಖ ನಗರಗಳಲ್ಲಿ ಚಿನ್ನದ ದರ ಎಷ್ಟಿದೆ?
ರಾಜಧಾನಿ ಬೆಂಗಳೂರಿನಲ್ಲಿ ಇಂದು 22 ಕ್ಯಾರಟ್ ಬಂಗಾರದ ಬೆಲೆ (ಹತ್ತು ಗ್ರಾಂ) ರೂ. 52,300 ಆಗಿದ್ದರೆ ಚೆನ್ನೈ, ಮುಂಬೈ ಹಾಗೂ ಕೊಲ್ಕತ್ತಾ ನಗರಗಳಲ್ಲಿ ಕ್ರಮವಾಗಿ ರೂ. 53,200 ರೂ. 51,400, ರೂ. 52,250 ಆಗಿದೆ. ದೇಶದ ರಾಜಧಾನಿ ದೆಹಲಿಯಲ್ಲಿ ಇಂದು ಚಿನ್ನದ ಬೆಲೆ 51,400 ರೂ. ಆಗಿದೆ.

ಬೆಳ್ಳಿ ದರ
ಬೆಳ್ಳಿ ಕೊಳ್ಳುವವರಿಗೆ ಕಳೆದ ಮೂರು ದಿನಗಳು ಸೂಕ್ತವಾಗಿತ್ತು, ಏಕೆಂದರೆ ಏರಿಕೆಯೋ ಇಲ್ಲದೆ, ಇಳಿಕೆಯೂ ಇಲ್ಲದೇ ತಟಸ್ಥವಾಗಿಬಿಟ್ಟಿತ್ತು. ಆದರೆ ಇಂದು ತನ್ನ ವರಸೆ ಬದಲಿಸಿದ ಬೆಳ್ಳಿ ದುಬಾರಿಯಾಗಿದೆ. ಇಂದು ಒಂದು ಕೆಜಿಗೆ 72,300 ರೂ ಆಗಿ ಬೆಳ್ಳಿ ಏರಿಕೆ ಕಂಡಿದೆ. ಚಿನ್ನದಂತೆ ಬೆಳ್ಳಿಯೂ ಸಹ ಹೂಡಿಕೆಯ ಸಾಧನವಾಗಿದ್ದು ಬಹಳಷ್ಟು ಜನರು ಬೆಳ್ಳಿಯ ಮೇಲೆಯೂ ಹೂಡಿಕೆ ಮಾಡುತ್ತಿರುತ್ತಾರೆ. ಚಿನ್ನ-ಬೆಳ್ಳಿಗಳ ಬೆಲೆಗಳು ಸಾಮಾನ್ಯವಾಗಿ ಯುಎಸ್ ಡಾಲರ್ ಹಾಗೂ ರೂಪಾಯಿ ಮಧ್ಯದ ಏಳು-ಬೀಳುಗಳ ಮೇಲೆಯೂ ಅವಲಂಬಿತವಾಗಿರುತ್ತದೆ.

ಬೆಂಗಳೂರಿನಲ್ಲಿ ಬೆಳ್ಳಿ ದರ
. ಬೆಂಗಳೂರಿನಲ್ಲಿ ಬೆಳ್ಳಿ ದರ ಇಂದು ಪ್ರತಿ 10gm, 100gm, 1000gm (1ಕೆಜಿ) ಬೆಳ್ಳಿ ದರಗಳು ಕ್ರಮವಾಗಿ ರೂ. 743, ರೂ. 7,430 ಹಾಗೂ ರೂ 74,300 ಗಳಾಗಿವೆ. ಇನ್ನುಳಿದಂತೆ ಚೆನ್ನೈನಲ್ಲಿ ಒಂದು ಕೆಜಿ ಬೆಳ್ಳಿ ದರ ರೂ. 74,300 ಆಗಿದ್ದರೆ ದೆಹಲಿಯಲ್ಲಿ ರೂ. 72,300 ಮುಂಬೈನಲ್ಲಿ ರೂ. 72,300 ಹಾಗೂ ಕೊಲ್ಕತ್ತದಲ್ಲೂ ರೂ. 72,300 ಗಳಾಗಿದೆ.

ವಿ.ಸೂ: ಇಲ್ಲಿ ಕೊಡಲಾದ ಎಲ್ಲ ದರಗಳು ಮಾರುಕಟ್ಟೆಯ ಬೆಲೆಗಳನ್ನು ಪ್ರತಿನಿಧಿಸುತ್ತವೆ ಹಾಗೂ ಜಿಎಸ್‍ಟಿ, ಟಿಸಿಎಸ್ ಹಾಗೂ ಇನ್ನಿತರೆ ಇರಬಹುದಾದ ಶುಲ್ಕಗಳನ್ನು ಒಳಗೊಂಡಿಲ್ಲ. ಹೆಚ್ಚು ನಿಖರ ಬೆಲೆಗಳಿಗಾಗಿ ನಿಮ್ಮ ಹತ್ತಿರದ ಆಭರಣ ವ್ಯಾಪಾರಿಗಳನ್ನು ಸಂಪರ್ಕಿಸಿ.