Gas Price: ಕೇಂದ್ರದಿಂದ ಜನ ಸಾಮಾನ್ಯರಿಗೆ ಸಂತಸದ ಸುದ್ದಿ, ಗ್ಯಾಸ್​ ಬೆಲೆಯಲ್ಲಿ ಇಳಿಕೆ ಸಾಧ್ಯತೆ

ಕೇಂದ್ರ ಸರ್ಕಾರದ ನಿರ್ಧಾರದಿಂದ ಅನಿಲ ವಿತರಕರು CNG ಮತ್ತು PNG ಬೆಲೆಗಳನ್ನು ಕಡಿಮೆ ಮಾಡುತ್ತಾರೆ ಎಂದು ಹೇಳಲಾಗುತ್ತಿದೆ. ವಾಹನಗಳಲ್ಲಿ ಸಿಎನ್‌ಜಿ ಬಳಸುತ್ತಾರೆ. ಹಾಗೂ, PNG ಗ್ಯಾಸ್​ನ್ನು ಮನೆಗಳಲ್ಲಿ ಬಳಸಲಾಗುತ್ತದೆ.

ವರದಿ ಪ್ರಕಾರ, ಸಿಎನ್‌ಜಿ ಮತ್ತು ಪಿಎನ್‌ಜಿ ಬೆಲೆಗಳು ಸುಮಾರು 9 ರಿಂದ 11 ಪ್ರತಿಶತದಷ್ಟು ಕಡಿಮೆಯಾಗಬಹುದು. ಇದರಿಂದ ಜನ ಸಾಮಾನ್ಯರಿಗೆ ಲಾಭವಾಗಲಿದೆ ಎಂದು ಹೇಳಬಹುದು. ದೇಶೀಯ ಅಗತ್ಯಗಳಿಗಾಗಿ ಸುಮಾರು 50 ಪ್ರತಿಶತ ಅನಿಲವನ್ನು ವಿದೇಶದಿಂದ ದ್ರವೀಕೃತ ನೈಸರ್ಗಿಕ ಅನಿಲ (LNG) ರೂಪದಲ್ಲಿ ಆಮದು ಮಾಡಿಕೊಳ್ಳಲಾಗುತ್ತಿದೆ.

ದೇಶದ ಹೆಚ್ಚಿನ ಭಾಗಗಳಲ್ಲಿ ಅನಿಲ ಪೂರೈಕೆ ಬೆಲೆಗಳು ನಿಯಂತ್ರಣದಲ್ಲಿವೆ. ದೇಶೀಯವಾಗಿ ಉತ್ಪಾದಿಸುವ ಅನಿಲದ ಬೆಲೆಯನ್ನು APM ಗ್ಯಾಸ್ ಮತ್ತು APM ಅಲ್ಲದ ಗ್ಯಾಸ್ ಎಂದು ವಿಂಗಡಿಸಲಾಗಿದೆ.

ಇನ್ನು, US ಹೆನ್ರಿ ಹಬ್, ಕೆನಡಾ ಮೂಲದ ಆಲ್ಬರ್ಟಾ ಗ್ಯಾಸ್, UK ಆಧಾರಿತ NBP ಮತ್ತು ರಷ್ಯನ್ ಗ್ಯಾಸ್ ಎಂಬ ನಾಲ್ಕು ಜಾಗತಿಕ ಮಾನದಂಡಗಳ ಸರಾಸರಿ ಬೆಲೆಯನ್ನು ತೆಗೆದುಕೊಳ್ಳುವ ಮೂಲಕ ಬೆಲೆಯನ್ನು ನಿರ್ಧರಿಸಲಾಗುತ್ತದೆ. ಕೋವಿಡ್-19 ಸಮಯದಲ್ಲಿ ಜಾಗತಿಕವಾಗಿ ಗ್ಯಾಸ್ ಬೆಲೆಗಳು ಅತ್ಯಂತ ಕಡಿಮೆ ಮಟ್ಟಕ್ಕೆ ಇಳಿದಿವೆ. ಈ ಹಿನ್ನೆಲೆಯಲ್ಲಿ ದೇಶೀಯ ಬೆಲೆಗಳೂ ಇಳಿಕೆ ಕಂಡಿವೆ.

ಪ್ರತಿ MMBTU ಗೆ (ಬ್ರಿಟಿಷ್ ಥರ್ಮಲ್ ಘಟಕಗಳು) 1.79 ಡಾಲರ್ ಕಡಿಮೆಯಾಗಿದೆ. ಇದು ಒಎನ್‌ಜಿಸಿ ಮತ್ತು ಆಯಿಲ್ ಇಂಡಿಯಾ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿದೆ. ಆದರೆ ಸಿಎನ್‌ಜಿ ಮತ್ತು ಪಿಎನ್‌ಜಿ ಉತ್ಪಾದಿಸುವ ನಗರ ಅನಿಲ ವಿತರಣಾ ಕಂಪನಿಗಳಿಗೆ ಇದು ಸಕಾರಾತ್ಮಕ ಅಂಶವಾಗಿದೆ.

ಭಾರತದಿಂದ ಆಮದು ಮಾಡಿಕೊಳ್ಳುವ ಕಚ್ಚಾ ತೈಲದ ಬೆಲೆಯ 10 ಪ್ರತಿಶತದಷ್ಟು ಹೊಸ ಅನಿಲ ಬೆಲೆಗಳನ್ನು ನಿಗದಿಪಡಿಸಲಾಗುತ್ತದೆ. ಪ್ರತಿ ತಿಂಗಳು ಕಚ್ಚಾ ಬೆಲೆಗಳ ಆಧಾರದ ಮೇಲೆ ದರ ಬದಲಾಗುತ್ತದೆ.

ಕೇಂದ್ರದ ಇತ್ತೀಚಿನ ನಿರ್ಧಾರದಿಂದ ದೆಹಲಿಯಲ್ಲಿ CNG ಬೆಲೆ ರೂ.73.59ಕ್ಕೆ ಇಳಿಯಲಿದೆ. PNG ದರ 47.49 ಕ್ಕೆ ಇಳಿಯಬಹುದು. ಮುಂಬೈನಲ್ಲಿ ಸಿಎನ್‌ಜಿ ದರ ರೂ. 79, PNG ದರ ರೂ. 49ಕ್ಕೆ ಇಳಿಕೆಯಾಗಲಿದೆ. ಎಪ್ರಿಲ್​ ತಿಂಗಳಲ್ಲಿ ಸದ್ಯ LPG ಗ್ಯಾಸ್​ 1105.50 ರೂ ಇದ್ದು, ಇದರಲ್ಲಿಯೂ ಇಳಿಕೆ ಆಗುವ ಸಾಧ್ಯತೆ ಇದೆ.