IKEA Bengaluru: 3 ಗಂಟೆ ಕಾದ್ರೂ ಪರ್ವಾಗಿಲ್ಲ ಅಂತಿರೋದ್ಯಾಕೆ ಜನ, ಅಂಥಾದ್ದೇನಿದೆ ಒಳಗೆ?

ತುಮಕೂರು ರಸ್ತೆಯ ನಾಗಸಂದ್ರ ಮೆಟ್ರೋ ಸ್ಟೇಷನ್ (Nagasandra Metro Station)​ ಬಳಿ ನಿರ್ಮಾಣಗೊಂಡಿರುವ ಐಕಿಯ ಶಾಪಿಂಗ್​ ಮಾಲ್​ಗೆ ಜನಸಾಗರವೇ ಹರಿದು ಬರ್ತಿದೆ. 2018 ರಲ್ಲಿ ಭಾರತಕ್ಕೆ ಕಾಲಿಟ್ಟ ಸ್ವೀಡಿಷ್ (Swedish) ಪೀಠೋಪಕರಣಗಳ ದೈತ್ಯ ಐಕಿಯ (Ikea) ಕಂಪನಿ ದೇಶದಲ್ಲಿ ಸಾಕಷ್ಟು ಜನಪ್ರಿಯತೆ ಗಳಿಸುತ್ತಿದೆ ಎಂದು ತಿಳಿದುಬಂದಿದ್ದು, ಹಲವು ಗ್ರಾಹಕರನ್ನು ತನ್ನತ್ತ ಸೆಳೆಯುತ್ತಿದೆ. ಗೃಹಬಳಕೆಯ ಪೀಠೋಪಕರಣಗಳ ಮಾರಾಟ ಮಳಿಗೆ ‘ಐಕಿಯ’ ನಗರದಲ್ಲಿ ತನ್ನ ಮಳಿಗೆಯನ್ನು ಜೂನ್‌ 22ರಂದು ಆರಂಭಿಸಿದೆ. ಐಕಿಯ ಸ್ಟೋರ್​ ಓಪನ್ ಆದಾಗಿನಿಂದಲೂ ಜನಸಾಗರವೇ ಇಲ್ಲಿಗೆ ಹರಿದು ಬರುತ್ತಿದೆ. ಮೂರು ಗಂಟೆಗಳ ಕಾಲ ಕಾದು ಒಳಗೆ ಹೋಗ್ತಿದ್ದಾರೆ. ಕೇವಲ 500 ರೂಪಾಯಿಯೊಳಗೆ ಐಕಿಯದಲ್ಲಿ ಏನೆಲ್ಲಾ ಸಿಗುತ್ತೆ ಅಂತ ನಾವು ಇಂದು ಇಲ್ಲಿ ತೋರಿಸಿದ್ದೇವೆ ನೋಡಿ..

ಮನೆ ಅಂದ್ಮೇಲೆ ಕುರ್ಚಿಗಳು ಇರಲೇಬೇಕು. ಡಿಫ್ರೆಂಟ್​ ಡಿಫ್ರೆಂಟ್​ ರೀತಿಯ ಚೇರ್​ಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಈ ಮೇಲೆ ಫೋಟೋದಲ್ಲಿ ಇರುವ ಸಿಂಪಲ್​ ಚೇರ್​ ಐಕಿಯ ಸ್ಟೋರ್​ನಲ್ಲಿ ಲಭ್ಯವಿದೆ. ಇದರ ಬೆಲೆ ಕೇವಲ 349 ರೂಪಾಯಿಗಳು.

ಮನೆಯಲ್ಲಿದ್ದರೆ ದಿನಕ್ಕೆ ಹಲವು ಬಾರಿ ಕಾಫಿ ಟೀ ಕುಡಿಯುವುದು ಸಾಮನ್ಯ. ಆದರೆ, ಇನ್ನುಮುಂದೆ ಕಾಫಿ, ಟೀ ಮಾಡುವುದು ತುಂಬಾ ಸುಲಭ. ಅದು ಹೇಗೆ ಅಂತೀರಾ? ಐಕಿಯ ಸ್ಟೋರ್​​ನಲ್ಲಿ ಕಾಫಿ, ಟೀ ಮೇಕರ್​ ಬಂದಿದೆ. ಇದರ ಬೆಲೆ ಕೇವಲ 148ರೂಪಾಯಿಗಳು

ಮನೆಯಲ್ಲಿ ಕೆಲಸ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಕೊರೋನಾ ಬಂದಾಗಿನಿಂದ ಅಂತೂ ವರ್ಕ್​ ಫ್ರಮ್​ ಹೋಮ್​ ಮಾಡುವವರ ಸಂಖ್ಯೆ ಹೆಚ್ಚಿದೆ. ಇಂಥವರಿಗಾಗಿಯೇ ಇಲ್ಲಿದೆ ನೋಡಿ ವರ್ಕ್ ಲ್ಯಾಂಪ್​. ಇದರ ಬೆಲೆ 349 ರೂಪಾಯಿಗಳು.

ಏನೇ ಅಡುಗೆ ಮಾಡಿದರೂ ಅದನ್ನು ಕಚೇರಿಗೆ ಅಥವಾ ಮತ್ತೆಲ್ಲಿಗೂ ತೆಗೆದುಕೊಂಡು ಹೋಗಬೇಕು ಅಂದರೆ ಬಾಕ್ಸ್​​ಗಳು ಬೇಕೆ ಬೇಕು. ಇಂತಹ ಲಂಚ್​ ಬಾಕ್ಸ್​ಗಳು ಐಕಿಯ ಸ್ಟೋರ್​ನಲ್ಲಿ ಕೇವಲ 249ರೂಪಾಯಿಗಳಿಗೆ ಸಿಗಲಿದೆ.

ಮನೆ ಹೊರಗಡೆ ಮಾತ್ರ ನೀಟ್​ ಇದ್ದರೆ ಸಾಲದು, ಮನೆಯೊಳಗೂ ಕೂಡ ಅಂದ ಚೆಂದ ಅಷ್ಟೇ ಇಂಪಾಂರ್ಟ್​ಟೆಂಟ್​. ಮನೆಯೊಳಗೆ ಅಂದ ಚೆಂದ ಹೆಚ್ಚಿಸುವುದರಲ್ಲಿ ಸ್ಕ್ರೀನ್​ಗಳು ಕೂಡ ಪ್ರಮುಖ ಪಾತ್ರ ವಹಿಸುತ್ತವೆ. ಮೇಲೆ ಫೋಟೋದಲ್ಲಿ ಕಾಣುತ್ತಿರುವ ಈ ಸ್ಕ್ರೀನ್​ಗಳು ಐಕಿಯದಲ್ಲಿ 499 ರೂಪಾಯಿಗಳಿಗೆ ಸಿಗಲಿದೆ.

ಬೆಳಗ್ಗೆ ಎದ್ದರೆ ಕಾಫಿ, ಟೀ ಕುಡಿದರೆ ಮೈಂಡ್ ಫ್ರೆಶ್ ಆಗುತ್ತೆ ಎಂದು ಹಲವರು ಹೇಳುತ್ತಾರೆ. ಹೀಗಾಗಿ ಕಾಫಿ, ಟೀ ಕುಡಿಯಲು ಚೆಂದದ ಕಪ್​ ಇದ್ದರೆ ಮತ್ತಷ್ಟು ಜೋಶ್​ ಬರುತ್ತದೆ. ಇಂತಹ ಚೆಂದದ ಕಾಫಿ, ಟೀ ಕಪ್​ ಐಕಿಯ ಶೋರೂಮ್​ನಲ್ಲಿದೆ. ಇದರ ಬೆಲೆ ಕೇವಲ 179 ರೂಪಾಯಿಗಳು.

ಮನೆಗೆ ಎಂಟ್ರಿಯಾಗುವ ಮುನ್ನ ಹೊರಗಡೆ ಚೆಂದ ಡೋರ್​ ಮ್ಯಾಟ್​ ಇದ್ದರೆ ಒಂಥರ ಖುಷಿ ಸಿಗುತ್ತದೆ. ಇಂತಹ ಚೆಂದದ ಡೋರ್​ ಮ್ಯಾಟ್​ ಐಕಿಯ ಸ್ಟೋರ್​ನಲ್ಲಿ ಸಿಗುತ್ತೆ ಇದರ ಬೆಲೆ 399 ರೂಪಾಯಿಗಳು

ಮಳೆಗಾಲ ಶುರುವಾಗಿದೆ. ಯಾವಾಗ ಬೆಂಗಳೂರಿನಲ್ಲಿ ಮಳೆ ಬರುತ್ತೆ ಅಂತ ಹೇಳೋಕೆ ಸಾಧ್ಯವೇ ಇಲ್ಲ. ನಿಮ್ಮ ಜೊತೆಯಲ್ಲಿ ಛತ್ರಿ ಇದ್ದರೆ ಸೇಫ್ಟಿ. ಇಂತಹ ಛತ್ರಿಗಳು ಕೇವಲ 349 ರೂಪಾಯಿಗಳಿಗೆ ಐಕಿಯ ಸ್ಟೋರ್​ನಲ್ಲಿ ಸಿಗುತ್ತದೆ.

ಊಟದ ವಿಚಾರಕ್ಕೆ ಬಂದರೆ ಐಕಿಯ ಸ್ಟೋರ್​ನಲ್ಲಿ ಉತ್ತಮ ಕ್ವಾಲಿಟಿಯ ಪ್ಲೇಟ್​ಗಳು ಕೂಡ ಲಭ್ಯವಿದೆ. ಮೇಲೆ ಇರುವ ಈ ಪ್ಲೇಟ್​ಗಳು ಕೇವಲ 149 ರೂಪಾಯಿಗಳು .