Aadhaar Update: ಆಧಾರ್​ ಕಾರ್ಡ್ ಹೊಂದಿರುವವರಿಗೆ ಬಿಗ್​ ಶಾಕ್​, ಜನಸಾಮಾನ್ಯರಿಗೆ ಹೊಸ ತಲೆನೋವು!

ಇನ್ನುಂದೆ ಆಧಾರ್​ ಅಪ್​ಡೇಟ್​ ಮಾಡಿಸವುದು ಸುಲಭದ ಮಾತಲ್ಲ. ಯುಐಡಿಎಐ ನೀಡಿರುವ ಮಾಹಿತಿ ಪ್ರಕಾರ, ಹೆಸರು ಹಾಗೂ ಹುಟ್ಟಿದ ದಿನಾಂಕ ಬದಲಾವಣೆ ಮಾಡಿಸೋದು ಕಷ್ಟ ಅಂತೆ.

ಆಧಾರ್​ ದುರ್ಬಳಕೆ ತಡೆಯೋಕೆ ಈ ರೀತಿ ಮಾಡಲಾಗಿದೆ ಎಂದು ಯುಐಡಿಎಐ ಮಾಹಿತಿ ನೀಡಿದೆ. ಆಧಾರ್​ ಅಪ್​ಡೇಟ್​ ಮಾಡಲು ಬೇಕಿರುವ ದಾಖಲೆಗಳ ಕುರಿತು ಯುಐಡಿಎಐ ಜನವರಿ 25ರಂದೇ ಹೊಸ ಆದೇಶ ನೀಡಿತ್ತು.

ಇದುವರೆಗೂ ಆಧಾರ್​ ಸಾಫ್ಟ್​ವೇರ್​ ಅಪ್​ಡೇಟ್​ ಆಗಿರಲಿಲ್ಲ. ಈ ವಿಚಾರದಲ್ಲಿ ಸಾಫ್ಟ್​ವೇರ್​ ಹಿಂದಿನ ದಾಖಲೆಗಳನ್ನೇ ಪರಿಗಣಿಸುತ್ತಿತ್ತು. ಆದರೆ ಏಪ್ರಿಲ್​ 1ರಿಂದ ಆಧಾರ್​ ಸಾಫ್ಟ್​ವೇರ್​ ಅಪ್​ಡೇಟ್​ ಆಗಿದೆ. ಇದರಿಂದ ಜನಸಾಮ್ಯಾನರಿಗೊಂದು ದೊಡ್ಡ ಸಮಸ್ಯೆ ಉಂಟಾಗಿದೆ.

ಹೊಸದಾಗಿ ಆಧಾರ್​ ಅಪ್​ಡೇಟ್​ ಮಾಡಲು ಬೇಕಿರುವ ದಾಖಲೆಗಳನ್ನು ಯುಐಡಿಎಐ ಪ್ರಕಟಿಸಿದೆ. ಹೆಸರು ಹಾಗೂ ಜನ್ಮದಿನ ಬದಲಾವಣೆಗೆ ಬೇಕಾದ ದಾಖಲೆಗಳ ಸಂಖ್ಯೆಗಳನ್ನು ಕಡಿಮೆ ಮಾಡಲಾಗಿದೆ.

ಜನನ ದಿನದ ಬದಲಾವಣೆ ಆರು ದಾಖಲೆಗಳಲ್ಲಿ ಒಂದನ್ನು ಮಾತ್ರ ಪರಿಗಣಿಸಲು ನಿರ್ಧರಿಸಿದೆ. ಅಂದ್ರೆ ಇನ್ಮುಂದೆ ಪಾಸ್​ಪೋರ್ಟ್​, ಸರ್ಕಾರಿ ನೌಕರರ ದಾಖಲೆ, ಪಿಂಚಣಿ ಕುರಿತಾದ ದಾಖಲೆ, ಶೈಕ್ಷಣಿಕ ಪ್ರಮಾಣ ಪತ್ರ, ಲಿಂಗತ್ವ, ಅಲ್ಪಸಂಖ್ಯಾತರ ಪ್ರಮಾಣ ಪತ್ರ ಹಾಗೂ ಜನನ ಪ್ರಮಾಣ ಪತ್ರವನ್ನು ಆಧಾರ್ ಜನ್ಮ​ ದಿನದ ಬದಲಾವಣೆಗೆ ಪರಿಗಣಿಸಲಾಗುತ್ತದೆ.

ಇದರಲ್ಲಿ ಯಾವುದಾದರೂ ಒಂದು ದಾಖಲೆ ಇಲ್ಲದಿದ್ರೂ, ಅವರು ಜನನ ಪ್ರಮಾಣ ಪತ್ರ ಮಾಡಿಸಿಕೊಳ್ಳಬೇಕಾದ ಸ್ಥಿತಿ ನಿರ್ಮಾಣವಾಗಿದೆ.

ಆಧಾರ್ ಕಾರ್ಡ್‌ನ ಪ್ರಾಮುಖ್ಯತೆ ಮತ್ತು ಅಗತ್ಯಗಳನ್ನು ಪರಿಗಣಿಸಿ, UIDAI ದೇಶದ ನಾಗರಿಕರಿಗೆ ಉತ್ತಮ ಸೇವೆಗಳನ್ನು ಒದಗಿಸಲು ಕಾಲಕಾಲಕ್ಕೆ ಹೊಸ ಸೇವೆಗಳನ್ನು ಪರಿಚಯಿಸುತ್ತಿದೆ. ಈ ಸರಣಿಯಲ್ಲಿ , UIDAI ತನ್ನ ಟೋಲ್ ಫ್ರೀ ಸಂಖ್ಯೆಯ ಸೌಲಭ್ಯಗಳಲ್ಲಿ ನಾಗರಿಕರ ಅನುಕೂಲಕ್ಕಾಗಿ ಕೆಲವು ಹೊಸ ಸೇವೆಗಳನ್ನು ಪ್ರಾರಂಭಿಸಿದೆ.

ಆಧಾರ್ ಕಾರ್ಡ್ ಹೊಂದಿರುವವರು ಈಗ ಟೋಲ್ ಫ್ರೀ ಸಂಖ್ಯೆ 1947 ಗೆ ಕರೆ ಮಾಡುವ ಮೂಲಕ 24x7 IVRS ಸೇವೆಗಳನ್ನು ಪಡೆಯಬಹುದು ಎಂದು UIDAI ಮಾಹಿತಿ ನೀಡಿದೆ.