Farming Tips: ಓದಿದ್ದು 8ನೇ ತರಗತಿ, ಬಾಳೆ ಕೃಷಿಯಿಂದ ಲಕ್ಷಗಟ್ಟಲೆ ಆದಾಯ ಗಳಿಸ್ತಿರೋ ರೈತ!

ಸಾಂಪ್ರದಾಯಿಕ ಕೃಷಿಯ ಬದಲು, ಹೊಸದನ್ನು ಪ್ರಯತ್ನಿಸಿದರೆ ಖಂಡಿತಾ ಲಕ್ಷಗಟ್ಟಲೆ ಗಳಿಸಬಹುದು. ಇಂತಹ ಅನೇಕ ರೈತರ ಯಶೋಗಾಥೆಗಳನ್ನು ಕೇಳುತ್ತಲೇ ಇರುತ್ತೇವೆ. ಈಗ ನಾವು ಗುಜರಾತಿನ ರೈತನೊಬ್ಬನ ಯಶೋಗಾಥೆಯ ಬಗ್ಗೆ ಮಾತನಾಡುತ್ತಿದ್ದೇವೆ. ವ್ಯವಸಾಯದಲ್ಲಿ ಚೆನ್ನಾಗಿ ಗಳಿಸಿದ್ದಷ್ಟೇ ಅಲ್ಲ, ಒಳ್ಳೆ ಖ್ಯಾತಿಯನ್ನೂ ಸಹ ಈ ರೈತ ಗಳಿಸಿದ್ದಾರೆ.

ಭಾವನಗರ ಜಿಲ್ಲೆಯ ಈ ರೈತ ಸಾಂಪ್ರದಾಯಿಕ ಕೃಷಿಯನ್ನು ಬಿಟ್ಟು ಕೆಂಪು ಬಾಳೆ ಕೃಷಿಯನ್ನು ಕೈಗೊಂಡರು. ಕೆಂಪು ಬಾಳೆಹಣ್ಣುಗಳು ಸಾಮಾನ್ಯವಾಗಿ ದಕ್ಷಿಣ ಭಾರತದಲ್ಲಿ ಹೇರಳವಾಗಿ ಕಂಡುಬರುತ್ತವೆ. ಆದರೆ ಅಲ್ಲಿಯೂ ಈ ರೀತಿಯ ಬಾಳೆಹಣ್ಣುಗಳು ತುಂಬಾ ದುಬಾರಿಯಾಗಿದೆ. ಇದಕ್ಕೆ ಕಾರಣ ಈ ಬಾಳೆಹಣ್ಣಿನ ಪೌಷ್ಟಿಕಾಂಶ. ಕಷ್ಟಪಟ್ಟರೆ ಯಶಸ್ಸು ನಿಮ್ಮನ್ನು ಹಿಂಬಾಲಿಸುತ್ತದೆ ಎಂಬುದನ್ನು ಗುಜರಾತ್‌ನ ಈ ರೈತ ಸಾಬೀತುಪಡಿಸಿದ್ದಾನೆ.

ಈ ರೈತನ ಹೆಸರು ನರ್ವಾನ್ ಸಿಂಗ್. ತನ್ನದೇ ಆದ ವಿಶೇಷ ಕೃಷಿಯಿಂದ ಉತ್ತಮ ಆದಾಯ ಪಡೆಯುತ್ತಿದ್ದಾರೆ. ಈ ರೀತಿಯ ಕೃಷಿಯಿಂದ ಎಷ್ಟು ಆದಾಯ ಬರುತ್ತದೆ ಎಂದು ನೋಡೋಣ.

ಭಾವನಗರ ಜಿಲ್ಲೆ ಜೆಸ್ಸಾರ್ ತಾಲೂಕಿನ ಶೇರ್ಡಿವಾಡರ್ ಗ್ರಾಮದ ನರ್ವರ್ ಸಿಂಗ್ ಸಾವಯವ ಕೃಷಿ ಮಾಡಿ ಲಕ್ಷಾಂತರ ರೂಪಾಯಿ ಗಳಿಸುತ್ತಿದ್ದಾರೆ. ಕೆಂಪು ಬಾಳೆಯೊಂದಿಗೆ ಅಂತರ ಬೆಳೆಯಾಗಿ ತರಕಾರಿಯನ್ನೂ ಬೆಳೆಯುತ್ತಿದ್ದರು. ಈ ಕೃಷಿಯಲ್ಲಿ ಆಧುನಿಕ ರಾಸಾಯನಿಕ ಗೊಬ್ಬರ ಇತ್ಯಾದಿಗಳನ್ನು ಬಳಸದೆ ನೈಸರ್ಗಿಕ ಕೃಷಿಯನ್ನೇ ಆಶ್ರಯಿಸಿದರು.

ನರ್ವಾನಸಿಂಗ್ ಅವರು ತಮ್ಮ ಜಮೀನಿನಲ್ಲಿ ಬಾಳೆ ಜತೆಗೆ 30ಕ್ಕೂ ಹೆಚ್ಚು ಬಗೆಯ ತರಕಾರಿಗಳನ್ನು ಹಾಕಿದ್ದರು. ಕೃಷಿಯಲ್ಲಿನ ವಿವಿಧ ಪ್ರಯೋಗಗಳಿಗಾಗಿ ಅವರು ಅನೇಕ ಬಹುಮಾನಗಳು ಮತ್ತು ಪ್ರಶಸ್ತಿಗಳನ್ನು ಪಡೆದರು. ಉದ್ಯಾನವನಗಳ ಇಲಾಖೆಯಿಂದ ಅವರನ್ನು ಸನ್ಮಾನಿಸಲಾಯಿತು.

ನರ್ವಾನ್ ಸಿಂಗ್ ಗೋಹಿಲ್ಯಾ 9.3 ಎಕರೆ ಸಾವಯವ ಕೃಷಿ ಮಾಡುತ್ತಾ ಲಕ್ಷಗಟ್ಟಲೆ ರೂಪಾಯಿ ಸಂಪಾದಿಸುತ್ತಾರೆ. ಜಮೀನಿನಲ್ಲಿ ಬಾಳೆ ತರಕಾರಿ ಜತೆಗೆ ಶೇಂಗಾ, ಈರುಳ್ಳಿಯನ್ನು ಅಂತರ ಬೆಳೆಯಾಗಿ ಹಾಕಲಾಗಿದೆ. ಹೀಗೆ ಮಾಡುವುದರಿಂದ ಇಳುವರಿ ಹಲವು ಪಟ್ಟು ಹೆಚ್ಚುತ್ತದೆ. ಇತರ ರೈತರು ವರ್ಷಕ್ಕೆ ಮೂರು ಋತುಗಳಿಗೆ ಆದಾಯವನ್ನು ಪಡೆದರೆ, ನರ್ವಾನ್ ಸಿಂಗ್ ಈ ಕೃಷಿಯಿಂದ ದೈನಂದಿನ ಆದಾಯವನ್ನು ಗಳಿಸುತ್ತಾರೆ.

ಎಂಟನೇ ತರಗತಿವರೆಗೆ ಓದಿದ್ದು, ವಿವಿಧ ಪ್ರದೇಶಗಳಲ್ಲಿ ಸಾವಯವ ಕೃಷಿ, ತೋಟಗಾರಿಕೆ ಕಲಿತು 9 ಎಕರೆಗೆ ಭೂಮಿಯಲ್ಲಿ ವಿಭಿನ್ನ ಪ್ರಯೋಗ ಮಾಡಿ ಇಂದು ಯಶಸ್ಸು ಕಂಡಿದ್ದೇನೆ ಎಂದು ನರ್ವಾನಸಿಂಗ್ ಹೇಳಿದರು.

ನರ್ವಾನಸಿಂಗ್ ಗೋಹಿಲ್ ಸಾವಯವ ಕೃಷಿಯ ಮೂಲಕ ವರ್ಷಕ್ಕೆ 4 ಟನ್ ಬಾಳೆಹಣ್ಣುಗಳನ್ನು ಉತ್ಪಾದಿಸುತ್ತಾರೆ. ಇವರ ಜಮೀನಿನಲ್ಲಿ ಬೆಳೆದ ಏಲಕ್ಕಿ ಬಾಳೆ ಕೆ.ಜಿ.ಗೆ 150 ರೂ.ಗಳಾದರೆ, ಕೆಂಪು ಬಾಳೆ ಕೆ.ಜಿ.ಗೆ 100 ರೂ, ಸಾದಾ ಬಾಳೆಹಣ್ಣು ಕೆಜಿಗೆ 50 ರೂಪಾಯಿ

Disclaimer: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯವಾಗಿದೆ. ಇದು ಎಲ್ಲರಿಗೂ ಸಮಾನವಾಗಿ ಅನ್ವಯಿಸದಿರಬಹುದು. ಫಲಿತಾಂಶಗಳು ವೈಯಕ್ತಿಕ ಪ್ರಯತ್ನಗಳನ್ನು ಅವಲಂಬಿಸಿರುತ್ತದೆ. ಇದಕ್ಕೆ ನ್ಯೂಸ್ 18 ಹೊಣೆಯಲ್ಲ. ಇದನ್ನು ಗಣನೆಗೆ ತೆಗೆದುಕೊಳ್ಳುವ ಮೊದಲು ಸಂಬಂಧಿತ ತಜ್ಞರಿಂದ ಸಲಹೆ ಪಡೆಯಿರಿ.