Facebook: ಫೇಸ್​ಬುಕ್ ಬಳಕೆದಾರರಿಗೆ ಬಿಗ್ ಶಾಕ್, ಇನ್ಮುಂದೆ ಈ ಸೇವೆಗಾಗಿ ದುಡ್ಡು ಕೊಡ್ಬೇಕು!

ನೀವು ಫೇಸ್‌ಬುಕ್ ಬಳಸುತ್ತಿದ್ದರೆ ಈ ಸುದ್ದಿ ನಿಮಗೆ ಮುಖ್ಯವಾಗಿದೆ. ಫೇಸ್‌ಬುಕ್ ಬಳಕೆದಾರರು ಈಗ ಸೇವೆಗಾಗಿ ಪಾವತಿಸಬೇಕಾಗುತ್ತದೆ.

ಹೌದು, ಇನ್ಮುಂದೆ ಈ ಸೇವೆಯನ್ನು ಪಡೆಯೋಕೆ ನೀವು ಫೇಸ್​​ಬುಕ್​ಗೆ ಹಣ ಕೊಡಬೇಕು. ಈ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಫೇಸ್ ಬುಕ್​ನ ಈ ಸೇವೆಗೆ ಬಳಕೆದಾರರು ಹಣ ಪಾವತಿಸಬೇಕಾಗುತ್ತದೆ. ಇದೀಗ ಟ್ವಿಟ್ಟರ್ ನಂತರ ಫೇಸ್ ಬುಕ್ ಕೂಡ ಹಣ ವಸೂಲಿ ಮಾಡುತ್ತಿದ್ದು, ಕೆಲ ಬಳಕೆದಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಬಳಕೆದಾರರು ಈಗ ಭಾರತದಲ್ಲಿಯೂ ಪಾವತಿಸಬೇಕೇ ಎಂಬುದನ್ನು ನೋಡೋಣ ಬನ್ನಿ..ಇನ್‌ಸ್ಟಾಗ್ರಾಮ್ ಮತ್ತು ಫೇಸ್‌ಬುಕ್‌ನ ಪರಿಶೀಲಿಸಿದ ಖಾತೆಗಳಿಗೆ ಪಾವತಿಸುವುದಾಗಿ ಮೆಟಾ ಭಾನುವಾರ ಘೋಷಿಸಿದೆ.

ವೆಬ್‌ಗೆ ತಿಂಗಳಿಗೆ $11.99 (ರೂ. 991.65) ಮತ್ತು ಮೊಬೈಲ್‌ಗೆ ತಿಂಗಳಿಗೆ $14.99 (ರೂ. 1,239.77). ಪಾವತಿ ಮಾಡಿದರೆ ಮಾತ್ರ ಬ್ಲೂ ಟಿಕ್ ಸಿಗಲಿದೆ.

ಈಗ ನೀವು ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿಯೂ ಬ್ಲೂ ಟಿಕ್‌ಗಳಿಗೆ ಪಾವತಿಸಬೇಕಾಗುತ್ತದೆ.

ಪ್ರಸ್ತುತ ಈ ವೈಶಿಷ್ಟ್ಯವನ್ನು ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ನಲ್ಲಿ ಪ್ರಾರಂಭಿಸಲಾಗಿದೆ. ಶೀಘ್ರದಲ್ಲೇ ಇದು ಭಾರತ ಮತ್ತು ಇತರ ದೇಶಗಳಲ್ಲಿಯೂ ಜಾರಿಗೆ ಬರಲಿದೆ ಎಂದು ಹೇಳಲಾಗಿದೆ. ಭಾರತದಲ್ಲಿ ಇದರ ಬೆಲೆ ಎಷ್ಟು ಎಂಬ ಬಗ್ಗೆ ಇನ್ನೂ ಮಾಹಿತಿ ಇಲ್ಲ.