Costly Mango: ಮನೆ ಟೆರೆಸ್​ ಮೇಲೆ ದುಬಾರಿ ಮಾವು ಬೆಳೆದ ವ್ಯಕ್ತಿ, 1 ಕೆಜಿ ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!

ತಮಿಳುನಾಡಿನ ಮಾಜಿ ಕೃಷಿ ಅಧಿಕಾರಿ ತಮ್ಮ ಮನೆಯ ಟೆರೆಸ್​ ಮೇಲೆ ದುಬಾರಿ ಮಾವಿನಹಣ್ಣನ್ನು ಬೆಳೆದಿದ್ದಾರೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಪ್ರತಿ ಕಿಲೋಗ್ರಾಂಗೆ ಸುಮಾರು 2.70 ಲಕ್ಷಕ್ಕೆ ಮಾರಾಟವಾಗುವ ಸಿಹಿ ನೇರಳೆ ಮಾವನ್ನು ಬೆಳೆಯುತ್ತಿದ್ದಾರೆ.

ಇದನ್ನು ಸನ್​ ಎಗ್​ ಅಂತಾಲೂ ಅಡ್ಡ ಹೆಸರಿನಲ್ಲಿ ಕರೆಯಲಾಗುತ್ತೆ. ಈ ಹಣ್ಣನ್ನು ಹೆಚ್ಚಾಗಿ ಜಪಾನ್‌ನ ಮಿಯಾಝಾಕಿ ನಗರದಲ್ಲಿ ಬೆಳೆಯುಲಾಗುತ್ತೆ. ಈ ಮಾವಿನಹಣ್ಣುಗಳು ಹಣ್ಣಾದಾಗ ನೇರಳೆ ಬಣ್ಣದಲ್ಲಿ ಕಾಣುತ್ತವೆ.

ಇತರ ಯಾವುದೇ ಮಾವಿನಹಣ್ಣುಗಳಿಗಿಂತ 25% ಹೆಚ್ಚು ಸಕ್ಕರೆ ಅಂಶವನ್ನು ಹೊಂದಿರುವ ಕಾರಣ ಅವು ಯಾವುದೇ ಪ್ರಭೇದಗಳಿಗಿಂತ ಹೆಚ್ಚು ಸಿಹಿಯಾಗಿರುತ್ತವೆ.

ಮಾವಿನ ಹಣ್ಣುಗಳನ್ನು ಹಣ್ಣುಗಳ ರಾಜ ಎಂದು ಕರೆಯುವಂತೆ ಈ ನೇರಳೆ ಮಾವಿನ ಹಣ್ಣನ್ನು "ರಾಜರ ರಾಜ" ಎಂದು ಕರೆಯಬಹುದು. ಪ್ರತಿ ಕೆಜಿಗೆ 2.70 ಲಕ್ಷ ರೂಪಾಯಿಗೆ ಈ ಹಣ್ಣನ್ನು ಮಾರಾಟ ಮಾಡುತ್ತಾರೆ

ತಮಿಳುನಾಡಿನ ಚೆಂಗಲ್ಪಟ್ಟು ಜಿಲ್ಲೆಯಿಂದ ಬಂದಿರುವ ಮಾಜಿ ಉಪ ಕೃಷಿ ಅಧಿಕಾರಿ ಶ್ರೀ ಕೃಷ್ಣನ್ ಅವರು ತಮ್ಮ ತಾರಸಿ ತೋಟದಲ್ಲಿ ಅತ್ಯಂತ ದುಬಾರಿ ಮಾವಿನ ಹಣ್ಣುಗಳನ್ನು ಬೆಳೆಯಲು ಹೆಮ್ಮೆಪಡುತ್ತಾರೆ.

ಈ ಬಗ್ಗೆ ಮಾತನಾಡಿದ ಕೃಷ್ಣ, "ಕಳೆದ ಎರಡು ವರ್ಷಗಳಿಂದ ಮಿಯಾಜಾಕಿ ಮಾವು ಬೆಳೆಯಲು ಪ್ರಾರಂಭಿಸಿದೆ. ಈ ಮಾವುಗಳು ಈಗ ಹಣ್ಣಾಗಿವೆ. ಜಪಾನ್‌ನಲ್ಲಿ ಅವರು ಹಸಿರು ಗುಡಿಸಲುಗಳನ್ನು ಸ್ಥಾಪಿಸಿ ಬೆಳೆಯಲು ವಿಶೇಷ ಗಮನ ನೀಡುತ್ತಾರೆ. ಆದರೆ ಇಲ್ಲಿ ಅದು ಇಲ್ಲದೇನೆ ಬೆಳೆದಿದ್ದೇನೆ ಎಂದಿದ್ದಾರೆ.

ಇನ್ನೂ ಕೃಷ್ಣ ಅವರು ಮಿಯಾಝಾಕಿ ಮಾವಿನ ಸಸಿಗಳನ್ನು ಕೇವಲ 2000 ರೂಪಾಯಿಗೆ ಮಾರಾಟ ಮಾಡುತ್ತಾರೆ. ಇದಲ್ಲದೇ ಅವರು ಸುಮಾರು 150 ಇತರ ಮಾವಿನ ತಳಿಗಳು ಮತ್ತು 200 ತಳಿಯ ಪೇರಲ, ಕುಂಡಗಳಲ್ಲಿ ಹಲಸಿನ ಮರಗಳು, ಬಾಳೆ ಮರಗಳು ಇತ್ಯಾದಿಗಳನ್ನು ಬೆಳೆದಿದ್ದಾರೆ. ವರದಿ: Thushal Chengalpattu