EPF Withdraw: ಮದುವೆ ಖರ್ಚಿಗೆ ಹಣ ಇಲ್ಲ ಅಂತ ಸಾಲ ಮಾಡ್ತಿದ್ದಿರಾ? ಅದರ ಬದಲು ಇಪಿಎಫ್​ನಿಂದ ಸುಲಭವಾಗಿ ಡ್ರಾ ಮಾಡಿ!

ಮದುವೆ ಅನ್ನೋದು ಪ್ರತಿಯೊಬ್ಬರ ಜೀವನದಲ್ಲೂ ಬರುವ ಪ್ರಮುಖ ಘಟ್ಟ. ಹಿಂದಿನಿಂದಲೂ ಮದುವೆ ಕಾರ್ಯಕ್ರಮಗಳನ್ನು ಸ್ವಲ್ಪ ಹೆಚ್ಚು ಹಣ ಖರ್ಚು ಮಾಡಿ ವಿಜೃಂಭಣೆಯಿಂದ ಮಾಡಲಾಗುತ್ತೆ.

ಖಾಸಗಿ ಸಂಸ್ಥೆಗಳಲ್ಲಿ ಕಾರ್ಯ ನಿರ್ವಹಣೆ ಮಾಡುವ ವ್ಯಕ್ತಿಯು ತನ್ನ ಆದಾಯದಲ್ಲಿ ಕೊಂಚ ಮೊತ್ತವನ್ನು ಉಳಿತಾಯ ಮಾಡಲು ಸಹಾಯಕವಾದ ಯೋಜನೆಯೇ ಪ್ರಾವಿಡೆಂಟ್ ಫಂಡ್ ಖಾತೆಯಾಗಿದೆ.

ಈ ಹಣವನ್ನು ನಮ್ಮ ಉದ್ಯೋಗ ಜೀವನದ ಕೊನೆಯಲ್ಲಿ ಬಳಸಬಹುದು. ಹಾಗೆಯೇ ಕಷ್ಟ ಸಂದರ್ಭದಲ್ಲಿಯೂ ವಿತ್‌ಡ್ರಾ ಮಾಡಿಕೊಳ್ಳಬಹುದು. ಅಂದರೆ ಕಷ್ಟ ಕಾಲಕ್ಕೆ ಆಗುವ ಉಳಿತಾಯವೆಂದರೂ ತಪ್ಪಾಗಲಾರದು.

ನಮ್ಮ ಮೂಲ ಆದಾಯದಿಂದ ಕಡಿತವಾಗುವ ಈ ಪ್ರಾವಿಡೆಂಟ್ ಫಂಡ್ ಮೊತ್ತದ ಮೇಲೆ ಕೇಂದ್ರ ಸರ್ಕಾರವು ಬಡ್ಡಿದರವನ್ನು ಜಮೆ ಮಾಡುತ್ತದೆ. ಪ್ರತಿ ವರ್ಷವೂ ಬಡ್ಡಿದರ ಜಮೆ ಮಾಡಲಾಗುತ್ತದೆ.

ನೀವು ಮದುವೆಗಾಗಿಯೂ ಕೂಡಾ ನಿಮ್ಮ ಇಪಿಎಫ್‌ಒ ಖಾತೆಯ ಮೊತ್ತವನ್ನು ವಿತ್‌ಡ್ರಾ ಮಾಡಿಕೊಳ್ಳುಬಹುದು. ಹೌದು, ತುಂಬಾ ಸುಲಭವಾಗಿ ನೀವು ಮದುವೆಗಾಗಿ ಇಪಿಎಫ್​ನ ಹಣವನ್ನು ಡ್ರಾ ಮಾಡಿಕೊಳ್ಳಬಹುದು.

ಈ ಖಾತೆಯನ್ನು ಹೊಂದಿರುವವರ ವಿವಾಹವಾಗಿದ್ದರೆ ಮಾತ್ರ ಮೊತ್ತವನ್ನು ವಿತ್‌ಡ್ರಾ ಮಾಡುವ ಅವಕಾಶವಿರುತ್ತದೆ. ಹಾಗೆಯೇ ಖಾತೆದಾರರ ಪುತ್ರ, ಪುತ್ರಿ, ಸಹೋದರ, ಸಹೋದರಿಯ ವಿವಾಹವಾದರೂ ಪಿಎಫ್‌ ವಿತ್‌ಡ್ರಾ ಮಾಡಬಹುದು.

ಆದರೆ ನೀವು ಈ ಸೌಲಭ್ಯವನ್ನು ಹೂಡಿಕೆ ಪಿಎಫ್‌ ಖಾತೆ ತೆರೆದು 7 ವರ್ಷವಾಗುವವರೆಗೂ ಬಳಕೆ ಮಾಡಲು ಸಾಧ್ಯವಾಗುವುದಿಲ್ಲ.ಸದಸ್ಯರು ಒಟ್ಟು ಮೊತ್ತದ ಶೇಕಡ 50ರಷ್ಟು ಮೊತ್ತವನ್ನು ವಿತ್‌ಡ್ರಾ ಮಾಡುವ ಅವಕಾಶವಿದೆ. ಇದು ಬಡ್ಡಿದರ ಸೇರಿ ಅನ್ವಯವಾಗುತ್ತದೆ.

ಆದರೆ ಪಿಎಫ್ ಖಾತೆಗೆ 7 ವರ್ಷವಾಗಿರಬೇಕಾಗುತ್ತದೆ. ಇನ್ನು ಶಿಕ್ಷಣ ಹಾಗೂ ವಿವಾಹಕ್ಕಾಗಿ ಮೂರು ಬಾರಿ ಮಾತ್ರ ವಿತ್‌ಡ್ರಾ ಮಾಡಿಕೊಳ್ಳುವ ಅವಕಾಶವಿದೆ. ನೀವು ಮನೆಯಲ್ಲಿಯೇ ಕೂತು ಪಿಎಫ್‌ ಮೊತ್ತ ವಿತ್‌ಡ್ರಾ ಮಾಡಬಹುದು. 72 ಗಂಟೆಯಲ್ಲಿ ಮೊತ್ತ ಲಭ್ಯವಾಗಲಿದೆ.