Bill Gates: ತಾತ ಆದ ಮೈಕ್ರೋಸಾಫ್ಟ್ ದಿಗ್ಗಜ, ಬಿಲ್ ಗೇಟ್ಸ್ ಮಾಜಿ ಹೆಂಡತಿಯ ಮೊದಲ ಮಗಳಿಗೆ ಹೆರಿಗೆ!

ಮೈಕ್ರೋಸಾಫ್ಟ್ ಸಹ-ಸಂಸ್ಥಾಪಕ ಬಿಲ್ ಗೇಟ್ಸ್ ತಾತ ಆಗಿದ್ದಾರೆ. ಬಿಲ್​ಗೇಟ್ಸ್​ ಹಿರಿಯ ಮಗಳು ಮಗು ಜೆನ್ನಿಫರ್ ಗೇಟ್ಸ್ ನಿನ್ನೆ ತನ್ನ ಮೊದಲ ಮಗುವನ್ನು ಸ್ವಾಗತಿಸಿದ್ದಾರೆ. ಈ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಜೆನ್ನಿಫರ್​ ಬರೆದುಕೊಂಡಿದ್ದಾರೆ.

ಜೆನ್ನಿಫರ್ ಗೇಟ್ಸ್ , ಬಿಲ್​ ಗೇಟ್ಸ್​​ ಹಾಗೂ ಮಾಜಿ ಪತ್ನಿಯ ಮೊದಲ ಮಗಳು. ಜೆನ್ನಿಫರ್​ ಗೇಟ್ಸ್​, ನಾಯೆಲ್​ ನಾಸರ್​ ಅವರನ್ನು ಮದುವೆಯಾಗಿದ್ದಾರೆ. ಈಗ ಈ ದಂಪತಿ ಮೊದಲ ಮಗುವನ್ನು ವೆಲ್​ಕಮ್​ ಮಾಡಿಕೊಂಡಿದ್ದಾರೆ.

ನವಜಾತ ಶಿಶುವಿನ ಮುಖವನ್ನು ಬಹಿರಂಗಪಡಿಸದೆ ದಂಪತಿಗಳು ತೊಟ್ಟಿಲಿಗೆ ಹಾಕುತ್ತಿರುವ ಚಿತ್ರವನ್ನು ಜೆನ್ನಿಫರ್​ ಗೇಟ್ಸ್ ಪೋಸ್ಟ್ ಮಾಡಿದ್ದಾರೆ.

"ನಮ್ಮ ಆರೋಗ್ಯವಂತ ಪುಟ್ಟ ಕುಟುಂಬದಿಂದ ಪ್ರೀತಿಯನ್ನು ಕಳುಹಿಸುತ್ತಿದ್ದೇನೆ" ಎಂಬ ಶೀರ್ಷಿಕೆ ಬರೆದಿದ್ದಾರೆ.

ಬಿಲ್​ಗೇಟ್ಸ್​ ಕೂಡ ತಾತ ಆಗಿರುವುದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ. "ಅಭಿನಂದನೆಗಳು ಜೆನ್ ಮತ್ತು ನಾಯೆಲ್. ನಾನು ತುಂಬಾ ಹೆಮ್ಮೆಪಡುತ್ತೇನೆ" ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.

ಇನ್ನೂ ಬಿಲ್​ ಗೇಟ್ಸ್​ ಮಾಜಿ ಪತ್ನಿ ಮೆಲಿಂಡಾ ಫ್ರೆಂಚ್ ಗೇಟ್ಸ್ ಕೂಡ ಸಂತಸ ವ್ಯಕ್ತಪಡಿಸಿದ್ದಾರೆ. "ಜಗತ್ತಿಗೆ ಸುಸ್ವಾಗತ. ನನ್ನ ಹೃದಯ ಉಕ್ಕಿ ಹರಿಯುತ್ತದೆ" ಎಂದು ಮಗಳ ಪೋಸ್ಟ್​ಗೆ ಕಾಮೆಂಟ್ ಮಾಡಿದ್ದಾರೆ.

ಬಿಲ್ ಮತ್ತು ಮೆಲಿಂಡಾ ಗೇಟ್ಸ್ ಅವರ ಹಿರಿಯ ಮಗಳು ಜೆನ್ನಿಫರ್ 2021 ರಲ್ಲಿ ನ್ಯೂಯಾರ್ಕ್‌ನ ವೆಸ್ಟ್‌ಚೆಸ್ಟರ್‌ನಲ್ಲಿರುವ ತನ್ನ ಮನೆಯಲ್ಲಿ ನಾಯೆಲ್ ನಾಸರ್ ಅವರೊಂದಿಗೆ ಮದುವೆಯಾಗಿದ್ದರು.

ಇನ್ನೂ 67 ವರ್ಷಗಳ ಬಳಿಕ ಬಿಲ್​ ಗೇಟ್ಸ್ ತಾತ ಆಗಿದ್ದಾರೆ. ಹೀಗಾಗಿ ನೆಟ್ಟಿಗರು ಕೂಡ ಬಿಲ್​ ಗೇಟ್ಸ್​ಗೆ ಶುಭಾಶಯ ತಿಳಿಸುತ್ತಿದ್ದಾರೆ.