Cooking Oils: ಅಡುಗೆ ಎಣ್ಣೆ ಬೆಲೆ ಏರುತ್ತಿದೆಯಾ? ಅದಕ್ಕೆ ಕಾರಣ ಇಲ್ಲಿದೆ

ಹಣದುಬ್ಬರವನ್ನು ತಡೆಯಲು ಸರ್ಕಾರ ನಡೆಸಿದ ಪ್ರಯತ್ನಗಳು ಹೆಚ್ಚು ಫಲ ನೀಡಿಲ್ಲ. ಕಳೆದ ವರ್ಷ ಸರ್ಕಾರವು ಆಮದು ಸುಂಕವನ್ನು ಕಡಿಮೆ ಮಾಡಿತು. ಅಡುಗೆ ಎಣ್ಣೆಗಳ ಬೆಲೆಯನ್ನು ಕಡಿಮೆ ಮಾಡಿತು. ಈ ವರ್ಷ ಮತ್ತೆ ಅಡುಗೆ ಎಣ್ಣೆ ದಾಖಲೆ ಮಟ್ಟದ ಬೆಳವಣಿಗೆ ಕಾಣುತ್ತಿದೆ. (ಸಾಂದರ್ಭಿಕ ಚಿತ್ರ)

ಭಾರತ ಸೇರಿದಂತೆ ವಿಶ್ವದಲ್ಲಿ ಅತಿ ಹೆಚ್ಚು ಬಳಕೆಯಾಗುವ ತಾಳೆ ಎಣ್ಣೆಯ ಬೆಲೆ ಈ ವರ್ಷ ಇಲ್ಲಿಯವರೆಗೆ ಶೇ.20ರಷ್ಟು ಏರಿಕೆ ಕಂಡಿದೆ. 2022 ರಲ್ಲಿ ಸೋಯಾಬಿನ್ ಎಣ್ಣೆಯ ಬೆಲೆಯು ಇಲ್ಲಿಯವರೆಗೆ ಶೇ.17 ರಷ್ಟು ಹೆಚ್ಚಾಗಿದೆ. (ಸಾಂದರ್ಭಿಕ ಚಿತ್ರ)

ಆಹಾರ ಮತ್ತು ಅಡುಗೆ ಎಣ್ಣೆ ಮೇಲೆ ಜಾಗತಿಕ ಮಟ್ಟದ ಹಣದುಬ್ಬರ ಸಹ ಪರಿಣಾಮ ಬೀರುತ್ತಿದೆ. ಕಳೆದ ವರ್ಷ ಅಂದ್ರೆ ಡಿಸೆಂಬರ್ ನಲ್ಲಿ ಆರು ತಿಂಗಳ ಗರಿಷ್ಠ ಮಟ್ಟಕ್ಕೆ ಬೆಲೆ ಏರಿಕೆಯಾಗಿತ್ತು. ಈ ಎಲ್ಲ ಘಟನೆಗಳು ಬಜೆಟ್ ಮೇಲೆ ಪರಿಣಾಮ ಬೀರಿವೆ. (ಸಾಂದರ್ಭಿಕ ಚಿತ್ರ)

ಬೆಲೆ ಏರಿಕೆಯಿಂದಾಗಿ ಸಾರ್ವಜನಿಕರು ಆಕ್ರೋಶ ಹೊರಹಾಕಿದ್ದರು. ಈ ಹಿನ್ನೆಲೆ ಮೋದಿ ಸರ್ಕಾರ ತಾಳೆ, ಸೋಯಾಬಿನ್ ಮತ್ತು ಸೂರ್ಯಕಾಂತಿ ಬೆಳೆಗಳ ಮೇಲಿನ ಆಮದು ಸುಂಕವನ್ನು ಕಡಿಮೆ ಮಾಡಿತ್ತು.(ಸಾಂದರ್ಭಿಕ ಚಿತ್ರ)

ಆಮದು ಸುಂಕ ಮತ್ತೆ ಕಡಿಮೆ ಮಾಡೋದರಿಂದ ಪ್ರಸ್ತುತ ಬೆಲೆ ಮೇಲೆ ಯಾವುದೇ ಪರಿಣಾಮ ಬೀರಲ್ಲ ಎಂದು ಉದ್ಯಮಿ ಗೋದ್ರೇಜ್ ಇಂಟರ್ನ್ಯಾಶನಲ್ನ ನಿರ್ದೇಶಕ ಡೊರಾಬ್ ಮಿಸ್ತ್ರಿ ಅಭಿಪ್ರಾಯಪಟ್ಟಿದ್ದಾರೆ. ಶುದ್ಧೀಕರಿಸಿದ ತಾಳೆ ಎಣ್ಣೆಯನ್ನು ಸಾರ್ವಜನಿಕ ವಿತರಣಾ ವ್ಯವಸ್ಥೆ (ಪಿಡಿಎಸ್) ಮೂಲಕ ಮಾರುಕಟ್ಟೆಗಿಂತ ಕಡಿಮೆ ಬೆಲೆಗೆ (ಸಾಂಕೇತಿಕ ಚಿತ್ರ) ಖರೀದಿಸಿ ಮಾರಾಟ ಮಾಡಬೇಕಾಗಿದೆ ಎಂದು ಹೇಳುತ್ತಾರೆ.

ಸರ್ಕಾರವು ಪಿಡಿಎಸ್ ಅಡಿಯಲ್ಲಿ ರಾಜ್ಯಗಳಿಗೆ ಗೋಧಿ ಮತ್ತು ಅಕ್ಕಿಯನ್ನು ಮಾತ್ರ ವಿತರಿಸುತ್ತಿದೆ ಎಂದು ಆಹಾರ ಸಚಿವಾಲಯದ ವಕ್ತಾರರು ತಿಳಿಸಿದ್ದಾರೆ. ರಾಜ್ಯ ಸರ್ಕಾರಗಳು ತಮ್ಮ ಪರವಾಗಿ ಯಾವುದೇ ಧಾನ್ಯವನ್ನು ಪಿಡಿಎಸ್ ನಲ್ಲಿ ಸೇರಿಸಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಬೆಲೆ ಏರಿಕೆಯಿಂದಾಗಿ ಕೇಂದ್ರ ಸರ್ಕಾರ ಆಮದು ಪ್ರಮಾಣ ಕಡಿಮೆ ಮಾಡಲು ಚಿಂತಿಸುತ್ತಿದೆ. ಹಾಗಾಗಿ ದೇಶದಲ್ಲಿ ಎಣ್ಣೆ ಕಾಳುಗಳ ಉತ್ಪಾದನೆಯನ್ನು ಹೆಚ್ಚಿಸುವತ್ತ ತನ್ನ ಗಮನವನ್ನು ಕೇಂದ್ರಿಕರಿಸುತ್ತಿದೆ. (ಸಾಂದರ್ಭಿಕ ಚಿತ್ರ)