New Traffic Rules: ಇದೊಂದು ಸಣ್ಣ ತಪ್ಪು ಮಾಡಿದ್ರೂ, ಕಟ್ಬೇಕು 25 ಸಾವಿರ ದಂಡ! ಬಂದಿದೆ ಹೊಸ ಟ್ರಾಫಿಕ್​ ರೂಲ್ಸ್​;​ ಚಾನ್ಸ್​ ತಗೋಬೇಡಿ!

Traffic Rules |ನಿಮ್ಮ ಬಳಿ ಬೈಕ್ ಇದೆಯೇ? ಅಥವಾ ಸ್ವಂತ ಕಾರು? ಇವೆರಡೂ ಇಲ್ಲದಿದ್ದರೆ ಸ್ಕೂಟರ್ ಇದ್ಯಾ? ಹಾಗಿದ್ದರೆ ನೀವು ಇದನ್ನು ಖಚಿತವಾಗಿ ತಿಳಿದಿರಬೇಕು. ಇಲ್ಲದಿದ್ದರೆ ನೀವು ದಂಡವನ್ನು ಪಾವತಿಸಬೇಕಾಗಬಹುದು.

ಸಾಮಾನ್ಯವಾಗಿ ಸಂಚಾರ ನಿಯಮ ಉಲ್ಲಂಘಿಸಿದರೆ ದಂಡ ವಿಧಿಸಲಾಗುತ್ತದೆ. ರಸ್ತೆಯಲ್ಲಿ ಹೋಗುವಾಗ ನಿಯಮ ಉಲ್ಲಂಘಿಸಿದರೆ, ಟ್ರಾಫಿಕ್ ಪೊಲೀಸರಿಗೆ ಸಿಕ್ಕಿಬಿದ್ದರೆ ದಂಡ ತೆರಬೇಕಾಗುತ್ತದೆ. ನಾವು ಆಗಾಗ್ಗೆ ಇಂತಹ ವಿಷಯಗಳನ್ನು ನೋಡುತ್ತೇವೆ.

ಆದರೆ ನೀವು ಇನ್ನೂ ಒಂದು ವಿಷಯವನ್ನು ತಿಳಿದಿರಬೇಕು. ಕೆಲವು ಸಂದರ್ಭಗಳಲ್ಲಿ, ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ದಂಡ ವಿಧಿಸಲು ಪೊಲೀಸರು ಕ್ಯಾಮೆರಾಗಳನ್ನು ಬಳಸುತ್ತಾರೆ. ಇವು ನಮಗೆ ಗೊತ್ತು. ಆದರೆ ಈಗ ಸಂಚಾರ ಪೊಲೀಸರು ಬೇರೆ ರೀತಿಯಲ್ಲಿ ದಂಡ ಹಾಕುತ್ತಿದ್ದಾರೆ.

ನಿಮ್ಮ ವಾಹನದ ಫೋಟೋಗಳನ್ನು ನಿಮ್ಮ ಫೇಸ್‌ಬುಕ್, ಟ್ವಿಟರ್ ಅಥವಾ ಇನ್‌ಸ್ಟಾಗ್ರಾಮ್‌ನಲ್ಲಿ ನೀವು ಹಂಚಿಕೊಂಡರೆ, ನೀವು ಆ ಫೋಟೋಗಳಲ್ಲಿ ಟ್ರಾಫಿಕ್ ನಿಯಮಗಳನ್ನು ಉಲ್ಲಂಘಿಸಿದರೂ ನೀವು ಭಾರೀ ದಂಡ ಕಟ್ಟಬೇಕಾಗುತ್ತೆ.

ಹೇಗೆ ಅಂತೀರಾ? ಇಲ್ಲಿದೆ ನೋಡಿ. ಟ್ರಾಫಿಕ್ ಪೊಲೀಸರಿಗೆ ಸೋಷಿಯಲ್ ಮೀಡಿಯಾ ಹೊಸ ಅಸ್ತ್ರವಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಫೋಟೋಗಳು ಮತ್ತು ವಿಡಿಯೋಗಳ ಬಗ್ಗೆ ಅವರು ವಿಶೇಷ ಗಮನ ಹರಿಸುತ್ತಿದ್ದಾರೆ.

ನಿಯಮಗಳಿಗೆ ವಿರುದ್ಧವಾದ ಫೋಟೋಗಳಿದ್ದರೆ ದಂಡ ವಿಧಿಸಲಾಗುತ್ತಿದೆ. ನೋಯ್ಡಾ ಟ್ರಾಫಿಕ್ ಪೊಲೀಸರು ಇತ್ತೀಚೆಗೆ ಈ ಚಲನ್‌ನ ಫೋಟೋಗಳನ್ನು ತನ್ನ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಹಂಚಿಕೊಂಡಿದ್ದಾರೆ. ಒಟ್ಟಾಗಿ ರೂ. 25,500 ವರೆಗೆ ದಂಡ ವಿಧಿಸಲಾಗಿದೆ.

ಸಂಚಾರ ಪೊಲೀಸರು ದಂಡದ ರಸೀದಿಯನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ರಸ್ತೆಗಳಲ್ಲಿ ಸ್ಟಂಟ್ ಮಾಡುವುದು ಅಥವಾ ರೀಲ್ ಮಾಡುವ ಮೂಲಕ ಸಂಚಾರ ನಿಯಮ ಉಲ್ಲಂಘಿಸುವುದು, ಬೈಕ್ ನಲ್ಲಿ ಹೆಲ್ಮೆಟ್ ಇಲ್ಲದೆ ಟ್ರಿಪಲ್ ಓಡಿಸುವುದು ಇದಕ್ಕೆಲ್ಲಾ ದಂಡ ವಿಧಿಸಿದ್ದಾರೆ.

ಟ್ರಾಫಿಕ್ ಪೊಲೀಸರು ಶೇರ್ ಮಾಡಿರುವ ಮೂರು ರಸೀದಿಗಳನ್ನು ನೋಡಿದರೆ, ಒಂದು ಫೋಟೋದಲ್ಲಿ ಕಾರ್ ರೂಲ್ಸ್ ಬ್ರೇಕ್ ಆಗಿದೆ. ಕಾರನ್ನು ಪಾದಚಾರಿ ಮಾರ್ಗದಲ್ಲಿ ನಿಲ್ಲಿಸಲಾಗಿದೆ. ಇದಕ್ಕಾಗಿ ಸಂಚಾರ ಪೊಲೀಸರು ರೂ. 25,500 ದಂಡ ವಿಧಿಸಿದ್ದಾರೆ.

ಇನ್ನೊಂದು ಕಾರು ಕೂಡ ನಿಯಮ ಉಲ್ಲಂಘಿಸಿದೆ. ಆದರೆ ಈ ವೇಳೆ ವ್ಯಕ್ತಿಯೊಬ್ಬ ಕಾರಿನ ಹಿಂಬದಿಯ ಮೇಲೆ ಕುಳಿತಿದ್ದ. ಈ ಕಾರಿಗೂ ಸಂಚಾರ ಪೊಲೀಸರು ಚಲನ್ ಜಾರಿ ಮಾಡಿದ್ದಾರೆ. ರೂ. 23,500 ದಂಡ ವಿಧಿಸಿದ್ದಾರೆ.

ಇನ್ನೊಂದು ಫೋಟೋ ನೋಡಿದರೆ ಅದರಲ್ಲಿ ಬೈಕ್ ಇದೆ. ಈ ಬೈಕ್ ನಲ್ಲಿ ಇಬ್ಬರು ಇದ್ದಾರೆ. ಹೆಲ್ಮೆಟ್ ಇಲ್ಲ. ಟ್ರಿಪಲ್ ರೈಡಿಂಗ್. ಸಂಚಾರ ಪೊಲೀಸರು ಈ ಬೈಕ್‌ಗೆ ರೂ. 19 ಸಾವಿರ ದಂಡ ವಿಧಿಸಿದ್ದಾರೆ.

ಹಾಗಾಗಿ ವಾಹನದ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವಾಗ ಎಚ್ಚರಿಕೆ ವಹಿಸಬೇಕು. ಇಲ್ಲದಿದ್ದರೆ ಭಾರೀ ದಂಡ ವಿಧಿಸಲಾಗುವುದು.