Bank Loan Torture: ಸರ್​ ಲೋನ್​ ಬೇಕಾ? ನಿಮ್ಗೂ ಹೀಗೆ ಕಾಲ್​ ಬರ್ತಾನೆ ಇದ್ಯಾ? ಇದರ ಹಿಂದಿನ ರಹಸ್ಯ ಇಲ್ಲಿದೆ!

ಸರ್​, ಮೇಡಂ ನಮಸ್ತೆ ನಿಮ್ಗೆ ಪ್ರೀ ಅಪ್ರೂಡ್​ ಲೋನ್​ ಒಂದಿದೆ ಇಂಟ್ರೆಸ್ಟ್​ ಇದ್ಯಾ? ಇದೇನಪ್ಪಾ ಹೀಗೆ ಹೇಳ್ತಾ ಇದ್ದಾರೆ ಅನ್ಕೋಬೇಡಿ. ಇದು ನಾವ್​ ಹೇಳ್ತಿರೋದಲ್ಲ. ಪ್ರತಿ ದಿನ ನಿಮ್ಗೂ ಇದೇ ರೀತಿ ಕಾಲ್​ ಬರುತ್ತೆ ಅಲ್ವಾ?

ಅದರಲ್ಲೂ ತಿಂಗಳ ಕೊನೆ, ಇಲ್ಲ ಸ್ಯಾಲರಿ ಡೇಟ್​ಗೆ ಈ ರೀತಿಯ ಕರೆಗಳು ಹೆಚ್ಚಾಗುತ್ತೆ. ಎಲ್ಲ ಬ್ಯಾಂಕ್​ಗಳಿಂದ ಕರೆ ಮಾಡಿ ಜನಸಾಮಾನ್ಯರಿಗೆ ಲೋನ್​ ಟಾರ್ಚರ್​ ಕೊಡ್ತಾರೆ. ಬೇಡ ಅಂದ್ರೂ ಬಿಡದೇ ಪ್ಲೀಸ್​ ತಗೋಳಿ ಸರ್​ ಅಂತಾರೆ.

ಹೀಗೆಲ್ಲಾ ಅವ್ರು ಯಾಕೆ ಮಾಡ್ತಾರೆ ಅನ್ನೋದಕ್ಕೂ ಒಂದು ಕಾರಣವಿದೆ. ಇದನ್ನು ತಿಳಿದುಕೊಂಡ್ರೆ ನಿಜಕ್ಕೂ ನೀವೂ ಕೂಡ ಶಾಕ್​ ಆಗ್ತೀರಾ. ಪ್ರತಿ ದಿನ ಸಾರ್​ ಲೋನ್​ ತಗೋಳಿ ಅನ್ನೋದರ ಹಿಂದಿನ ರಹಸ್ಯ ಇಲ್ಲಿದೆ ನೋಡಿ.

ಮುಂಚೆ ಬ್ಯಾಂಕ್​ಗೆ ಹೋಗಿ ಲೋನ್​ ಬೇಕು ಅಂದ್ರು ಯಾರು ಅಷ್ಟಾಗಿ ಕೇರ್​ ಮಾಡ್ತಿರಲಿಲ್ಲ. ಆದರೆ ಈಗ ಹಾಗಿಲ್ಲ. ನೀವು ಮನಸ್ಸಿನಲ್ಲಿ ಲೋನ್​ ತಗೋಬೇಕು ಅಂದುಕೊಂಡ್ರೂ ಸಾಕು. ಫಟ್​ ಅಂತ ನಿಮ್ಮ ಮೊಬೈಲ್​ಗೆ ಕಾಲ್ ಬಂದಿರುತ್ತೆ.

ಕೊರೋನಾ ಮುಂಚೆ ಜನರು ಹೆಚ್ಚಾಗಿ ಲೋನ್​ ತೆಗೆದುಕೊಳ್ಳುತ್ತಿದ್ರೆ. ಆದರೆ ಕೊರೋನಾ ನಂತರ ಜನಕ್ಕೆ ಭಯ ಹೆಚ್ಚಾಗಿದ್ದು, ಖರ್ಚು ಕಡಿಮೆ ಮಾಡಿ ಎಲ್ಲರೂ ಬ್ಯಾಂಕ್​ನಲ್ಲಿ ತಮ್ಮ ಹಣವನ್ನು ಸೇವಿಂಗ್ಸ್ ಮಾಡುತ್ತಿದ್ದಾರೆ.

ಎಫ್​ಡಿ ಇಡುತ್ತಿದ್ದಾರೆ. ಇದಕ್ಕೆ ಬ್ಯಾಂಕ್​ನವರೇ ಬಡ್ಡಿ ಸೇರಿಸಿ ಕೊಡಬೇಕು. ಇದುವೇ ಅದರ ಪ್ರಾಬ್ಲಂ. ಈ ಬಡ್ಡಿ ಕೊಡೋಕೆ ಬ್ಯಾಂಕ್​ಗೆ ಎಲ್ಲಿಂದ ಹಣ ಬರಬೇಕು ಹೇಳಿ. ಯಾರಾದರೂ ಬ್ಯಾಂಕಿನಿಂದ ಸಾಲ ಪಡೆದರೆ ಅದಕ್ಕೆ ಅವರು ಕಟ್ಟುವ ಬಡ್ಡಿಯೇ ಬ್ಯಾಂಕ್​ಗೆ ಸಿಗುವ ಹಣ.

ಈ ಹಿಂದೆ ಬ್ಯಾಂಕ್​ ಸಿಬ್ಬಂದಿಗಳಿಗೆ ಎಫ್​ಡಿ, ಆರ್​ಡಿ ಮಾಡಿಸುವ ಟಾರ್ಗೆಟ್ ಹೆಚ್ಚಾಗಿತ್ತು. ಈಗ ಲೋನ್​ ತೆಗೆದುಕೊಳ್ಳುವಂತೆ ಮಾಡುವ ಟಾರ್ಗೆಟ್​ ಫಿಕ್ಸ್​ ಆಗಿದೆ. ಯಾರೂ ಲೋನ್​ ಪಡೆಯದಿದ್ದರೆ, ಈ ಸೇವಿಂಗ್​ ಅಕೌಂಟ್​, ಎಫ್​ಡಿ, ಆರ್​ಡಿಯಲ್ಲಿ ಹಣ ಇಟ್ಟಿರುವವರಿಗೆ ಬಡ್ಡಿ ಕೊಡೋದು ಬ್ಯಾಂಕ್​ಗೆ ಕಷ್ಟವಾಗುತ್ತೆ.

ಇದೇ ಕಾರಣಕ್ಕೆ ಟೈಮ್​ ನೋಡದೇ ಬ್ಯಾಂಕ್​ ಸಿಬ್ಬಂದಿಗಳು ಕಾಲ್​ ಮೇಲೆ ಕಾಲ್​ ಮಾಡಿ ಸರ್​ ನಮ್ಮಲ್ಲಿ ಕಡಿಮೆ ಬಡ್ಡಿ ದರಕ್ಕೆ ಲೋನ್ ಕೊಡ್ತೀವಿ ಅಂತ ಟಾರ್ಚರ್ ಮಾಡ್ತಾರೆ. ಈ ಸಿಬ್ಬಂದಿಗಳಿಗೆ ಬ್ಯಾಂಕ್​ನವರು ಲೋನ್ ಟಾರ್ಚರ್ ಕೊಡ್ತಾರೆ.