LPG Gas Cylinder: ಮನೆಯಲ್ಲಿ LPG ಗ್ಯಾಸ್​ ಸಿಲಿಂಡರ್​ ಇದ್ಯಾ? ಇಂದೇ ಈ ಕೆಲ್ಸ ಮಾಡಿ, 10 ಲಕ್ಷ ರೂಪಾಯಿ ಸಿಗುತ್ತೆ!

ಪ್ರತಿ ಮನೆಯಲ್ಲೂ ಗ್ಯಾಸ್ ಇದ್ದೇ ಇರುತ್ತೆ. ಪ್ರತಿದಿನ ಗ್ಯಾಸ್​ ಸಿಲಿಂಡರ್ ಬಳಸಿ ಅಡುಗೆ ಮಾಡಲಾಗುತ್ತೆ. ಬದಲಾಗುತ್ತಿರುವ ಕಾಲಘಟ್ಟದಲ್ಲಿ ಗ್ಯಾಸ್ ಪೈಪ್ಲೈನ್ ​​ಅನ್ನು ಸಹ ಬಳಸಲಾಗುತ್ತಿದೆ.

ಆದರೂ LPG ಗ್ರಾಹಕರು ಒಂದು ಪ್ರಮುಖ ವಿಷಯವನ್ನು ತಿಳಿದುಕೊಂಡಿರಬೇಕು. ಇಲ್ಲದಿದ್ದರೆ ಭಾರೀ ನಷ್ಟವನ್ನು ಅನುಭವಿಸಬೇಕಾಗುತ್ತದೆ. 5 ವರ್ಷ ಹಳೆಯ ಗ್ಯಾಸ್ ಪೈಪ್ ಬಳಸುತ್ತಿರುವ ಇಂಡೇನ್ ಗ್ಯಾಸ್ ಗ್ರಾಹಕರು ತಮ್ಮ ಗ್ಯಾಸ್ ಪೈಪ್ ಅನ್ನು ಬದಲಾಯಿಸಬೇಕಾಗುತ್ತದೆ.

ಭದ್ರತಾ ಕಾರಣಗಳಿಗಾಗಿ ಹೀಗೆ ಮಾಡಲಾಗುತ್ತಿದೆ. ಒಂದು ವೇಳೆ ಈ ಕಾರ್ಯವನ್ನು ಗ್ರಾಹಕರು ಮಾಡದೇ ಹೋದಲ್ಲಿ ಎಲ್​ಪಿಜಿ ಸಂಪರ್ಕಕ್ಕೆ ಸಂಬಂಧಿಸಿದ ವಿಮೆಯನ್ನು ಕ್ಲೈಮ್ ಮಾಡಿಕೊಳ್ಳಲು ಆಗುವುದಿಲ್ಲ.

ಐದು ವರ್ಷ ಹಳೆಯ ಗ್ರಾಹಕರು ಗ್ಯಾಸ್ ಪೈಪ್ ಬದಲಾಯಿಸುವಂತೆ ಸೂಚನೆ ನೀಡುವಂತೆ ಗ್ಯಾಸ್ ಏಜೆನ್ಸಿ ಮಾಲೀಕರಿಗೆ ಹೇಳಲಾಗಿದೆ. ಗ್ರಾಹಕರು ಗ್ಯಾಸ್ ಏಜೆನ್ಸಿಯಿಂದ ಗ್ಯಾಸ್ ಪೈಪ್ ಖರೀದಿಸಬಹುದು.

ಇದಕ್ಕಾಗಿ 200 ರೂ.ಯನ್ನು ಪಾವತಿಸಬೇಕಾಗುತ್ತದೆ. ಒಂದು ವೇಳೆ ನೀವು ಮಾರುಕಟ್ಟೆಯಿಂದ ಖರೀದಿಸಿದ ಗ್ಯಾಸ್ ಪೈಪ್‌ಗಳನ್ನು ಬಳಸುತ್ತಿದ್ದರೆ, ಅಪಘಾತದ ಸಂದರ್ಭದಲ್ಲಿ ವಿಮೆಯನ್ನು ಪಡೆಯುವುದು ಸಾಧ್ಯವಾಗುವುದಿಲ್ಲ.

ಒಮ್ಮೆ ಖರೀದಿಸಿದ ಗ್ಯಾಸ್ ಪೈಪ್ ಅನ್ನು ಐದು ವರ್ಷಗಳವರೆಗೆ ಬಳಸಬಹುದು. ಐದು ವರ್ಷಗಳ ನಂತರ ಈ ಪೈಪ್ ಅನ್ನು ಬದಲಾಯಿಸಬೇಕು. ಹೀಗಾದಾಗ ಅಪಘಾತಗಳ ಸಂಖ್ಯೆಯನ್ನು ಕಡಿಮೆ ಮಾಡಬಹುದು.

ಮಾಹಿತಿಯ ಪ್ರಕಾರ, ಗ್ಯಾಸ್ ಸಿಲಿಂಡರ್‌ನಿಂದ ಅಪಘಾತ ಸಂಭವಿಸಿದಲ್ಲಿ, ಆ ಅಪಘಾತಕ್ಕೆ 10 ಲಕ್ಷ ರೂ.ವರೆಗೆ ಪರಿಹಾರವನ್ನು ಪಡೆಯಬಹುದು.

ಪೈಪ್ ಬಳಸಿ ಐದು ವರ್ಷಕ್ಕಿಂತ ಮೇಲ್ಪಟ್ಟು ಅಪಘಾತ ಸಂಭವಿಸಿದರೆ, ಈ ಹಣವನ್ನು ಪಡೆಯುವುದು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಗ್ಯಾಸ್ ಪೈಪ್ ಅನ್ನು ತಕ್ಷಣ ಬದಲಾಯಿಸಿ.