Bengaluru-Mysuru ನಲ್ಲಿ ಮನೆ ಖರೀದಿಸೋದಿದ್ರೆ ಈ 8 ದಾಖಲೆ ಚೆಕ್ ಮಾಡೋದು ಮರೆಯಬೇಡಿ!

Property/ಹೊಸ ಮನೆ ಖರೀದಿಸುವುದು ಎಷ್ಟೋ ಜನರ ಕನಸು. ಆದರೆ ಈ ಕನಸು ಎಲ್ಲರಿಗೂ ನನಸಾಗಲ್ಲ. ಕೆಲವೊಂದಿಷ್ಟು ಮಂದಿ ಮಾತ್ರ ತಮ್ಮಿಷ್ಟದಂತೆ ಮನೆ ಖರೀದಿಸುತ್ತಾರೆ. ನೀವೂ ಕೂಡ ಹೊಸ ಮನೆ ಅಥವಾ ಹೊಸ ಫ್ಲ್ಯಾಟ್​ ಖರೀದಿ ಮಾಡ್ತಿದ್ದೀರಾ? ಹಾಗಿದ್ದರೆ ಈ ಮಾಹಿತಿ ಬಗ್ಗೆ ನೀವು ತಿಳಿದುಕೊಳ್ಳಲೇ ಬೇಕು. ಈ ದಾಖಲೆಗಳನ್ನು ನೀವು ಪರಿಶೀಲಿಸಲೇಬೇಕು.

ಮಾರಾಟದ ಒಪ್ಪಂದವು ಖರೀದಿದಾರರು ಮನೆ ಅಥವಾ ಆಸ್ತಿಯನ್ನು ಖರೀದಿಸುವ ಮೊದಲು ಪಡೆಯಬೇಕಾದ ಮೊದಲ ದಾಖಲೆಯಾಗಿದೆ. ಈ ಡಾಕ್ಯುಮೆಂಟ್ ಮಾರಾಟವಾಗುವ ಆಸ್ತಿಯ ಬಗ್ಗೆ ಎಲ್ಲಾ ಮಾಹಿತಿಯನ್ನು ಒಳಗೊಂಡಿದೆ. ಎಷ್ಟು ಬೆಲೆಗೆ ಮಾರಾಟವಾಯ್ತು, ಯಾವುದಕ್ಕೆಲ್ಲಾ ಮಾರಾಟಗಾರರು ಒಪ್ಪಿಕೊಂಡರು ಎಂಬ ಮಾಹಿತಿಯೆಲ್ಲ ಈ ದಾಖಲೆಯಲ್ಲಿರುತ್ತೆ.

ಮಾರಾಟ ಪತ್ರ ಅಥವಾ ಶೀರ್ಷಿಕೆ ಪತ್ರವು ನಿಮಗೆ ಅಗತ್ಯವಿರುವ ಪ್ರಮುಖ ದಾಖಲೆಯಾಗಿದೆ. ನೀವು ಆಸ್ತಿಯನ್ನು ಹೊಂದಿದ್ದೀರಿ ಎಂಬುದನ್ನು ಮಾತ್ರ ಈ ಡಾಕ್ಯುಮೆಂಟ್ ತೋರಿಸುತ್ತದೆ. ಸೇಲ್ ಡೀಡ್ ಅಧಿಕಾರಿಯನ್ನು ಪಡೆಯಲು ಮತ್ತು ಅದನ್ನು ನೋಂದಾಯಿಸಲು ನೀವು ಸಬ್ ರಿಜಿಸ್ಟ್ರಾರ್, ಸರ್ಕಾರಿ ಕಚೇರಿಗೆ ಹೋಗಬೇಕು. ಇಲ್ಲಿಂದ ಅದು ಹಕ್ಕು ಪತ್ರವಾಗುತ್ತದೆ. ಆಸ್ತಿಯ ಮಾಲೀಕತ್ವವನ್ನು ನಿಮ್ಮ ಹೆಸರಿಗೆ ವರ್ಗಾಯಿಸಲಾಗುತ್ತೆ.

ಚಾನಲ್ ಡಾಕ್ಯುಮೆಂಟ್ ಅನ್ನು ಸಹ ನೀವು ಪರಿಶೀಲಿಸಬೇಕು. A ವ್ಯಕ್ತಿ B ಗೆ ಆಸ್ತಿಯನ್ನು ಮಾರಿದರೆ ಮತ್ತು B ವ್ಯಕ್ತಿ C ಗೆ ಆಸ್ತಿಯನ್ನು ಮಾರಿದರೆ ಈ ಎಲ್ಲಾ ಮಾಹಿತಗಳು ಚಾನಲ್ ದಾಖಲೆಯಲ್ಲಿ ಇರುತ್ತದೆ. ಇದರಿಂದ ಮೂಲ ಆಸ್ತಿ ಯಾರಿಗೆ ಸೇರಿದ್ದು ಎಂಬುದು ನೀವು ತಿಳಿದುಕೊಳ್ಳಬಹುದು.

ಮತ್ತೊಂದು ಮುಖ್ಯವಾದ ದಾಖಲೆ ಅಂದ್ರೆ ಅದು ಆಕ್ಯುಪೆನ್ಸಿ ಪ್ರಮಾಣಪತ್ರ. ಈ ಡಾಕ್ಯುಮೆಂಟ್ ಅನ್ನು ಬಿಲ್ಡರ್​ನಿಂದ ತೆಗೆದುಕೊಳ್ಳಬೇಕು. ಇದನ್ನು ಮುನ್ಸಿಪಲ್ ಕಾರ್ಪೊರೇಶನ್ ಕೊಟ್ಟಿರುತ್ತೆ. ಕಟ್ಟಡವು ನಿಯಮಗಳಿಗೆ ಬದ್ಧವಾಗಿದೆ ಎಂದು ಈ ಪ್ರಮಾಣಪತ್ರವು ಹೇಳುತ್ತದೆ.

ಸ್ವಾಧೀನ ಪತ್ರವನ್ನೂ ಕೂಡ ನೀವು ಪರಿಶೀಲಿಸಬೇಕು. ಅದು ಖರೀದಿದಾರನ ಹೆಸರಿನಲ್ಲಿರಬೇಕು. ಗೃಹ ಸಾಲ ಪಡೆಯುವ ಉದ್ದೇಶವಿದ್ದರೆ ಈ ದಾಖಲೆ ಇರಲೇಬೇಕು.

ಅಡಮಾನ ಸಾಲವಿದೆಯೇ ಎಂದು ಸಹ ಪರಿಶೀಲಿಸಿ. ಏಕೆಂದರೆ ಅನೇಕರು ಆಸ್ತಿ ಮೂಲಕ ಸಾಲ ಪಡೆಯುತ್ತಿದ್ದಾರೆ. ಅದಕ್ಕಾಗಿಯೇ ನೀವು ಇದನ್ನು ಸಹ ಪರಿಶೀಲಿಸಬೇಕು.

ತೆರಿಗೆ ಪಾವತಿಯನ್ನು ಪರಿಶೀಲಿಸಿ. ಈ ಆಸ್ತಿ ತೆರಿಗೆ ಪಾವತಿಸದಿದ್ದರೆ ತೊಂದರೆಯಾಗುತ್ತದೆ. ಸ್ಥಳೀಯ ಪುರಸಭೆ ಕಚೇರಿಗೆ ತೆರಳಿ ಆಸ್ತಿ ತೆರಿಗೆ ಪಾವತಿಸಬೇಕಾಗುತ್ತೆ.

ಖಾತೆಯ ಪ್ರಮಾಣಪತ್ರವು ಮನೆ ಇರುವ ಪುರಸಭೆಯ ದಾಖಲೆಗಳಲ್ಲಿ ಪಟ್ಟಿಮಾಡಲ್ಪಟ್ಟಿದೆಯೇ ಎಂಬುದನ್ನು ತೋರಿಸುವ ದಾಖಲೆಯಾಗಿದೆ. ಇದನ್ನು ವಿವಿಧ ರಾಜ್ಯಗಳಲ್ಲಿ ವಿವಿಧ ಹೆಸರುಗಳಿಂದ ಕರೆಯಲಾಗುತ್ತದೆ.

'ನೋ ಎನ್ಕಂಬರೆನ್ಸ್ ಸರ್ಟಿಫಿಕೇಟ್' ಎನ್ನುವುದು ನೀವು ಖರೀದಿಸಲು ಉದ್ದೇಶಿಸಿರುವ ಆಸ್ತಿ/ಮನೆಯ ವಿರುದ್ಧ ಯಾವುದೇ ಸಾಲಗಳಿಲ್ಲ ಎಂದು ತಿಳಿಸುವ ದಾಖಲೆಯಾಗಿದೆ. ಮನೆಯನ್ನು ಮೇಲಾಧಾರವಾಗಿ ಬಳಸಿಕೊಂಡು ಬ್ಯಾಂಕ್‌ನಿಂದ ಸಾಲವನ್ನು ತೆಗೆದುಕೊಳ್ಳುವಾಗ ಈ ದಾಖಲೆಯನ್ನು ಸಲ್ಲಿಸಬೇಕು. ಈ ಪ್ರಮಾಣಪತ್ರವು ಆಸ್ತಿಯಲ್ಲಿ ನಡೆದ ಎಲ್ಲಾ ವಹಿವಾಟುಗಳ ಬಗ್ಗೆ ಮಾಹಿತಿಯನ್ನು ಒಳಗೊಂಡಿದೆ.