Special Casual Leave: ಸರ್ಕಾರಿ ನೌಕರರಿಗೆ ಇನ್ಮುಂದೆ ಇಷ್ಟು ದಿನ ಸಿಗಲಿದೆ ರಜೆ!

ಕೇಂದ್ರ ಸರ್ಕಾರ ಇತ್ತೀಚೆಗೆ ಸರ್ಕೌರಿ ನೌಕರರಿಗೆ ಸಿಹಿ ಸುದ್ದಿ ನೀಡಿತ್ತು. ಜುಲೈನಲ್ಲಿ ಮತ್ತೊಮ್ಮೆ ಡಿಎ ಹೆಚ್ಚಳ ಆಗುತ್ತೆ ಅಂತ ನೌಕರರು ಕಾಯುತ್ತಿದ್ದಾರೆ. ಇದೀಗ ಈ ನಡುವೆ ಅವರಿಗೆ ಮತ್ತಷ್ಟು ನೆಮ್ಮದಿ ಕೊಡುವ ಸುದ್ದಿಯೊಂದನ್ನು ಕೇಂದ್ರ ಸರ್ಕಾರ ಪ್ರಕಟಿಸಿದೆ.

ನೌಕರರಿಗೆ ಸರ್ಕಾರ ಹೊಸ ರಜೆ ನೀತಿಯನ್ನು ಜಾರಿಗೆ ತಂದಿದೆ. ಇದರ ಅಡಿಯಲ್ಲಿ, ಕೇಂದ್ರ ನೌಕರರು ಮೊದಲಿಗಿಂತ ಹೆಚ್ಚು ರಜಾದಿನಗಳನ್ನು ಪಡೆಯಬಹುದು.

ಅಂಗಾಂಗ ದಾನ ಮಾಡಿದ ಕೇಂದ್ರ ಉದ್ಯೋಗಿ ಈಗ 42 ದಿನಗಳ ವಿಶೇಷ ಕ್ಯಾಶುಯಲ್ ರಜೆ ಪಡೆಯಬಹುದು. ಈ ವಿಚಾರ ನೌಕರರ ಮುಖದಲ್ಲಿ ಮಂದಹಾಸ ಮೂಡಿಸಿದೆ.

DoPT ನೀಡಿದ ಅಧಿಕೃತ ಜ್ಞಾಪಕ ಪತ್ರದಲ್ಲಿ ನೌಕರ ದೇಹದ ಯಾವುದೇ ಭಾಗವನ್ನು ದಾನ ಮಾಡಿದರೆ ಅದನ್ನು ಬಹು ದೊಡ್ಡ ಶಸ್ತ್ರಚಿಕಿತ್ಸೆ ಎಂದು ಪರಿಗಣಿಸಲಾಗುತ್ತದೆ.

ಅಸ್ತಿತ್ವದಲ್ಲಿರುವ ನಿಯಮಗಳ ಅಡಿಯಲ್ಲಿ, ಕ್ಯಾಲೆಂಡರ್ ವರ್ಷದಲ್ಲಿ ಗರಿಷ್ಠ 30 ದಿನಗಳ ರಜೆಯನ್ನು ಕ್ಯಾಶುಯಲ್ ಲಿವ್ ಆಗಿ ಮಂಜೂರು ಮಾಡಲಾಗುತ್ತದೆ. ಹೊಸ ನಿಯಮವು ಏಪ್ರಿಲ್ 25, 2023 ರಿಂದ ಜಾರಿಗೆ ಬಂದಿದೆ.

ಡಿಒಪಿಟಿ ನೀಡಿದ ಜ್ಞಾಪಕ ಪತ್ರದಲ್ಲಿ, ಈ ಆದೇಶವು ಸಿಸಿಎಸ್ ನಿಯಮದ ಅಡಿಯಲ್ಲಿ ಎಲ್ಲಾ ಉದ್ಯೋಗಿಗಳಿಗೆ ಅನ್ವಯಿಸುವುದಿಲ್ಲ ಎಂದು ಹೇಳಲಾಗಿದೆ.

ರೈಲ್ವೆ ನೌಕರರು, ಅಖಿಲ ಭಾರತ ಸೇವೆಗಳ ನೌಕರರಿಗೆ ರಜಾದಿನಗಳಿಗೆ ಸಂಬಂಧಿಸಿದ ಹೊಸ ನಿಯಮ, ಹೊಸ ರಜಾ ನೀತಿ ಅನ್ವಯವಾಗುವುದಿಲ್ಲ ಎಂದು ಹೇಳಲಾಗುತ್ತಿದೆ.