Cement Price: ಮನೆ ಕಟ್ಟುವವರಿಗೆ ಬಿಗ್ ಶಾಕ್; ಭಾರೀ ಪ್ರಮಾಣದಲ್ಲಿ ಏರಿಕೆಯಾದ ಸಿಮೆಂಟ್ ಬೆಲೆ

ಮನೆ ಕಟ್ಟಲು ಮುಂದಾಗಿರುವ ಜನರಿಗೆ ಸಿಮೆಂಟ್ ಕಂಪನಿಗಳು ಶಾಕ್ ನೀಡಿವೆ. ದಕ್ಷಿಣ ಭಾರತದ ರಾಜ್ಯಗಳಲ್ಲಿ 50 ಕೆ.ಜಿ ಸಿಮೆಂಟ್ ಚೀಲದ ಬೆಲೆಯನ್ನು 20-30 ರೂ.ವರೆಗೆ ಹೆಚ್ಚಿಸಲು ನಿರ್ಧರಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಜೂನ್ 2ರಿಂದ ಈ ಏರಿಕೆ ಜಾರಿಗೆ ಬರಲಿದೆ ಎಂದು ಸಿಮೆಂಟ್ ಉದ್ಯಮದ ಮೂಲಗಳು ತಿಳಿಸಿವೆ. ಅಂದರೆ ಈಗಾಗಲೇ ಬೆಲೆ ಏರಿಕೆಯಾಗಿದೆ. ಹೆಚ್ಚುತ್ತಿರುವ ಕಚ್ಚಾ ವಸ್ತುಗಳ ಬೆಲೆ ಹಾಗೂ ಇಂಧನ ವೆಚ್ಚದಿಂದಾಗಿ ಸಿಮೆಂಟ್ ಬೆಲೆಯನ್ನು ಏರಿಸಬೇಕಾಗಿದೆ ಎಂದು ಕಂಪನಿಗಳು ತಿಳಿಸಿವೆ. (ಸಾಂದರ್ಭಿಕ ಚಿತ್ರ)

ಆಂಧ್ರಪ್ರದೇಶ ಮತ್ತು ತೆಲಂಗಾಣದಲ್ಲಿ 50 ಕೆಜಿಯ ಸಿಮೆಂಟ್ ಮೂಟೆಗೆ 20 ರೂ., ತಮಿಳುನಾಡಿನಲ್ಲಿ 20-30 ರೂ. ಏರಿಕೆ ಮಾಡಲಾಗಿದೆ. ಇನ್ನೂ ಕರ್ನಾಟಕದಲ್ಲಿ ಬ್ರ್ಯಾಂಡ್ ಮತ್ತು ಸ್ಥಳದ ಮೇಲೆ ಬೆಲೆ ಏರಿಕರ ನಿಗಧಿಯಾಗಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ. (ಸಾಂದರ್ಭಿಕ ಚಿತ್ರ)

ಬೆಲೆ ಏರಿಕೆಯಿಂದ ಆಂಧ್ರಪ್ರದೇಶ ಮತ್ತು ತೆಲಂಗಾಣದಲ್ಲಿ ಸಿಮೆಂಟ್ ಬಸ್ಟ್ ಬೆಲೆ 320 ರಿಂದ 400 ರೂ. ಗೆ ತಲುಪಿದೆ. ತಮಿಳುನಾಡು ಮತ್ತು ಕರ್ನಾಟಕದಲ್ಲಿ 360-450 ರೂ.ಗೆ ಏರಿದೆ. (ಸಾಂದರ್ಭಿಕ ಚಿತ್ರ)

ಅಲ್ಟ್ರಾಟೆಕ್ ಸಿಮೆಂಟ್, ಇಂಡಿಯಾ ಸಿಮೆಂಟ್ಸ್, ಕೆಸಿಪಿ, ಎನ್‌ಸಿಎಲ್ ಇಂಡಸ್ಟ್ರೀಸ್, ಸಾಗರ್ ಸಿಮೆಂಟ್ಸ್, ದಾಲ್ಮಿಯಾ ಭಾರತ್, ಶ್ರೀ ಸಿಮೆಂಟ್, ರಾಮ್‌ಕೋ ಸಿಮೆಂಟ್ಸ್ ಮತ್ತು ಓರಿಯಂಟ್ ಸಿಮೆಂಟ್ ಬೆಲೆಗಳನ್ನು ಹೆಚ್ಚಿಸಿವೆ. (ಸಾಂದರ್ಭಿಕ ಚಿತ್ರ )

ವಾಸ್ತವವಾಗಿ, ಕಂಪನಿಗಳು ಈ ಹಣಕಾಸು ವರ್ಷದ ಆರಂಭದಲ್ಲಿ ಏಪ್ರಿಲ್‌ ನಲ್ಲಿ ಬೆಲೆಗಳನ್ನು ಹೆಚ್ಚಿಸಲು ಯೋಜಿಸಿದ್ದವು. ಆದರೆ ಈಗಾಗಲೇ ಖರೀದಿ ಕಡಿಮೆಯಾಗಿದೆ. ಮತ್ತೆ ಬೆಲೆ ಏರಿಕೆಯಾದರೆ ಮತ್ತಷ್ಟು ಕುಸಿಯಬಹುದು ಎಂದು ವಿತರಕರು ಆಕ್ಷೇಪ ವ್ಯಕ್ತಪಡಿಸಿದ್ದರಿಂದ ಕಂಪನಿಗಳು ತಮ್ಮ ನಿರ್ಧಾರದಿಂದ ಹಿಂದೆ ಸರಿದಿದ್ದವು. ಈಗ ಖರೀದಿ ಹೆಚ್ಚಾದಂತೆ ಬೆಲೆ ಏರಿಕೆಯಾಗಿದೆ. (ಸಾಂದರ್ಭಿಕ ಚಿತ್ರ)

ಕಳೆದ 3 ದಿನಗಳಿಂದ ಸಿಮೆಂಟ್ ಕಂಪನಿಗಳು ಡೀಲರ್‌ ಗಳಿಗೆ ಪೂರೈಕೆ ನಿಲ್ಲಿಸಿವೆ. ಈಗಿರುವ ಹಳೆಯ ಸ್ಟಾಕ್ ಮಾರಾಟ ಮಾಡಬೇಕು ಎಂದು ಸೂಚಿಸಿದೆ. ಈಗಾಗಲೇ ಹಲವೆಡೆ ದಾಸ್ತಾನು ಇಲ್ಲವಾಗಿದೆ. ಹೊಸ ದರದ ಪ್ರಕಾರ ಸಿಮೆಂಟ್ ವಿತರಕರು ಗುರುವಾರ ಸಂಜೆಯಿಂದಲೇ ಸಿಮೆಂಟ್ ಪೂರೈಕೆ ಆರಂಭಿಸಲಿದ್ದಾರೆ. (ಸಾಂದರ್ಭಿಕ ಚಿತ್ರ)

ಸಿಮೆಂಟ್ ಜತೆಗೆ ಉಕ್ಕು, ಕಬ್ಬಿಣದ ಬೆಲೆಯೂ ದಿಢೀರ್ ಏರಿಕೆಯಾಗಿರುವುದರಿಂದ ಸ್ವಂತ ಮನೆ ಕಟ್ಟಿಕೊಳ್ಳಲು ಮುಂದಾಗಿರುವವರಿಗೆ ಭಾರಿ ಹೊರೆಯಾಗಲಿದೆ. ಕೆಲವೇ ತಿಂಗಳಲ್ಲಿ ದರಗಳು ದ್ವಿಗುಣಗೊಳ್ಳುವ ಸಾಧ್ಯತೆಗಳಿವೆ. (ಸಾಂದರ್ಭಿಕ ಚಿತ್ರ)