Car Wash Tips: ನೀವು ಮನೆಯಲ್ಲೇ ಕಾರು ವಾಶ್​ ಮಾಡ್ತೀರಾ? ದುಡ್ಡು ಉಳಿಸೋಕೆ ಹೋಗಿ ಎಡವಟ್ಟು ಮಾಡ್ಕೋಬೇಡಿ!

ಯಾರ್​ ಗುರೂ ಕಾರ್​ ವಾಶಿಂಗ್ ಕೊಡ್ತಾರೆ, ಮನೆಯಲ್ಲೇ ತೊಳೆದುಬಿಡ್ತೀನಿ ಅನ್ನೋರೆ ಹೆಚ್ಚು. ಈ ರೀತಿ ನೀವೂ ಕೂಡ ಈ ರೀತಿ ಮಾಡ್ತಿದ್ರೆ, ಈ ವಿಚಾರಗಳ ಬಗ್ಗೆ ಮೊದಲು ತಿಳಿದುಕೊಳ್ಳಿ. ಹೆಚ್ಚಿನ ಜನರು ಕಾರನ್ನು ತೊಳೆಯುವಾಗ ಲಾಂಡ್ರಿ ಡಿಟರ್ಜೆಂಟ್ ಅನ್ನು ಬಳಸುತ್ತಾರೆ. ಇದು ನಿಮ್ಮ ಕಾರಿನ ಬಣ್ಣಕ್ಕೆ ಅಪಾಯಕಾರಿ ಮಾತ್ರವಲ್ಲ, ಇದು ಕಾರಿನ ಬಾಡಿ ಲೈನ್ ಕೂಡ ಹಾಳುಮಾಡುತ್ತೆ. ಡಿಟರ್ಜೆಂಟ್ ನೇರವಾಗಿ ಕಾರಿನ ಬಣ್ಣದ ಪದರವನ್ನು ಹಾನಿಗೊಳಿಸುತ್ತದೆ. ಹೀಗೆ ನಿರಂತರವಾಗಿ ಮಾಡುವುದರಿಂದ ಹಲವೆಡೆ ಕಾರಿನ ಬಣ್ಣ ಕಳಚಬಹುದು.

ಇದರೊಂದಿಗೆ ಬಾಡಿ ಲೈನ್ ನಲ್ಲಿ ತುಕ್ಕು ಹಿಡಿಯುವ ಸಮಸ್ಯೆ ಶುರುವಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಕಾರನ್ನು ಬಣ್ಣ ಮಾಡಿದರೆ, 25 ಸಾವಿರದಿಂದ 50 ಸಾವಿರ ರೂಪಾಯಿ ಖರ್ಚು ಮಾಡಬೇಕು.

ಕಾರ್ ಶಾಂಪೂವಿನಿಂದ ಕಾರನ್ನು ಯಾವಾಗಲೂ ತೊಳೆಯಿರಿ. ಈ ಶಾಂಪೂ ಹಾಕಿದ್ರೆ ಮಾತ್ರ ಕಾರಿನ ಪೇಂಟ್​ಗೆ ಯಾವುದೇ ತೊಂದರೆ ಬರೋದಿಲ್ಲ ನೀವು ಇದನ್ನು ಡೀಲರ್‌ಶಿಪ್‌ಗಳು, ಕಾರ್ ವರ್ಕ್‌ಶಾಪ್‌ಗಳು, ಆಕ್ಸೆಸರಿ ಶಾಪ್‌ಗಳು ಮತ್ತು ಆನ್‌ಲೈನ್‌ನಲ್ಲಿಯೂ ಖರೀದಿ ಮಾಡಬಹುದು.ಈ ಕಾರು ಶಾಂಪು ಕೇವಲ 150 ರೂಪಾಯಿಗೆ ಸಿಗುತ್ತೆ.

ಕಾರನ್ನು ತೊಳೆಯುವಾಗ ಜೆಟ್ ಸ್ಪ್ರೇ ಬಳಸಬೇಡಿ. ನಿಮ್ಮ ಕಾರು ಎಲ್ಲಿಯಾದರೂ ಸಣ್ಣ ಡೆಂಟ್ ಹೊಂದಿದ್ದರೆ, ಜೆಟ್ ಅನ್ನು ಆಗಾಗ್ಗೆ ಸಿಂಪಡಿಸುವುದರಿಂದ ಬಣ್ಣವು ಮಾಸಿಹೋಗುತ್ತೆ. ಇದರೊಂದಿಗೆ, ಕಾರಿನ ಮೇಲೆ ಪೇಂಟಿಂಗ್ ಡೆಂಟ್‌ಗಳ ಹೆಚ್ಚಿನ ವೆಚ್ಚವನ್ನು ಸಹ ನೀವು ಭರಿಸಬೇಕಾಗುತ್ತದೆ.

ಪ್ರತಿ ಕಾರ್ ವಾಶ್ ನಂತರ, ಅದನ್ನು ಸ್ವಚ್ಛ ಮತ್ತು ಒಣ ಬಟ್ಟೆಯಿಂದ ಒರೆಸಿ ಪಾಲಿಶ್ ಮಾಡಬೇಕು. ಹೀಗೆ ಮಾಡದಿದ್ದರೆ ಕಾರಿನ ಹೊಳಪು ಕಡಿಮೆಯಾಗುತ್ತದೆ.

ಕಾರನ್ನು ತೊಳೆಯುವಾಗ, ಹೆಚ್ಚಿನ ಜನರು ಅದನ್ನು ಎಂಜಿನ್ ಬೇಗೆ ಫೋರ್ಸ್ ಆಗಿ ನೀರು ಹಾಕುತ್ತಾರೆ. ಹೀಗೆ ಮಾಡುವುದು ಬಹಳ ಅಪಾಯಕಾರಿ. ಕಾರಿನ ಇಂಜಿನ್ ಅನ್ನು ಸ್ಪ್ರೇ ಮಾಡುವಾಗ ಆಕಸ್ಮಿಕವಾಗಿ ನೀರು ಇಸಿಎಂ (ಎಂಜಿನ್ ಕಂಟ್ರೋಲ್ ಮಾಡ್ಯೂಲ್) ಪ್ರವೇಶಿಸಿದರೆ ವೈರಿಂಗ್​ ಶಾರ್ಟ್ ಆಗುವ ಸಾಧ್ಯತೆ ಹೆಚ್ಚಿರುತ್ತೆ.

ಎಂಜಿನ್ ಮತ್ತು ಅದರ ಸುತ್ತಮುತ್ತಲಿನ ಜಾಗವನ್ನು ಎಂದಿಗೂ ನೀರಿನಿಂದ ತೊಳೆಯಬೇಡಿ. ಅಲ್ಲಿ ಸೇರಿಕೊಂಡಿರುವ ಧೂಳನ್ನು ಮಾತ್ರ ಕ್ಲೀನ್ ಮಾಡಿಕೊಳ್ಳಿ.

ಕಾರು ಬಿಸಿಯಾಗಿದ್ದಾಗ ಇಂಜಿನ್​ಗೆ ನೀರು ಹೋದರೆ ಎಂಜಿನ ಹೆಡ್​ ಮತ್ತು ಬ್ಲಾಕ್​ ಬಿರುಕು ಬಿಡಬಹುದು. ಕಾರಿನ ಇಂಜಿನ್ ಹಾಳಾಗೊದಕ್ಕೆ ಇಷ್ಟೇ ಸಾಕು. . ಬಿಸಿ ಇಂಜಿನ್ ಮೇಲೆ ತಣ್ಣೀರು ಬೀಳುವುದರಿಂದ ಇಂಜಿನ್ ಹೆಡ್ ಬಿರುಕು ಬಿಡುತ್ತದೆ. ಈ ಖರ್ಚಿಗೆ ಲಕ್ಷಗಟ್ಟಲೆ ಹಣವೂ ಬೇಕಾಗುತ್ತದೆ.