ಮಹಿಳೆಯರು ಮನೆಯಲ್ಲಿದ್ದುಕೊಂಡೇ ಹಣ ಗಳಿಸುವ ಸೂಪರ್ Business Ideas ಇಲ್ಲಿವೆ ನೋಡಿ..

ಇಂದಿನ ದಿನಗಳಲ್ಲಿ ಆದಾಯ ಎಷ್ಟಿದ್ದರೂ ಹೆಚ್ಚುತ್ತಿರುವ ವೆಚ್ಚದ ಹಿನ್ನೆಲೆಯಲ್ಲಿ ಹಣ ಸಾಕಾಗುವುದಿಲ್ಲ ಎಂಬುದು ಎಲ್ಲರಿಗೂ ತಿಳಿದಿರುವ ವಿಚಾರ. ವಿಶೇಷವಾಗಿ ನಗರ ಪ್ರದೇಶಗಳಲ್ಲಿ ವಾಸಿಸುವವರಲ್ಲಿ ವೆಚ್ಚವು ದಿನದಿಂದ ದಿನಕ್ಕೆ ಏರುತ್ತಿದೆ. ಬರುವ ಆದಾಯವನ್ನು ಹೊಂದಿಸುವುದು ತುಂಬಾ ಕಷ್ಟವಾಗಿದೆ.

ಇತ್ತೀಚಿನ ದಿನಗಳಲ್ಲಿ ಆಹಾರ ತಜ್ಞರು, ಪೌಷ್ಟಿಕತಜ್ಞರು ಆಹಾರದ ಬಗ್ಗೆ ಗಮನ ಹರಿಸಲು ಸಲಹೆ ನೀಡುತ್ತಾರೆ. ಎಲ್ಲರೂ ಒಂದಲ್ಲ ಒಂದು ಡಯೆಟ್ ಮೊರೆ ಹೋಗಿದ್ದಾರೆ. ಆರೋಗ್ಯಕರ ಆಹಾರಗಳತ್ತ ಮುಖ ಮಾಡಿದ್ದಾರೆ. ಇದನ್ನೇ ಬಂಡವಾಳ ಮಾಡಿಕೊಂಡು ಮೊಳಕೆ ಕಾಳುಗಳನ್ನು ಮಾರುವುದು, ಹಳ್ಳಿಗಳಲ್ಲಿ ದೊರೆಯುವ ಸಿರಿಧಾನ್ಯವನ್ನು ಪ್ಯಾಕ್ ಮಾಡಿ ಮಾರುವ ಮೂಲಕ ಆದಾಯ ಗಳಿಸಬಹುದು.

ಬೆಳಗ್ಗೆ ಹಾಲು ಹಾಕುವವರ ಮೂಲಕ ಮೊಳಕೆ ಕಾಳುಗಳನ್ನು ಮನೆಗಳಿಗೆ ತಲುಪಿಸಬಹುದು. ಸುತ್ತಮುತ್ತ ಇರುವ ಅಂಗಡಿಗಳಿಗೆ ಮೊಳಕೆ ಕಾಳಿನ ಪ್ಯಾಕ್ ಗಳನ್ನು ಮಾರಬಹುದು.

ನರ್ಸರಿ ಗಾರ್ಡನ್: ಮಹಿಳೆಯರು ಮನೆಯಲ್ಲಿದ್ದು ಕೊಂಡೇ ನರ್ಸರಿ ವ್ಯಾಪಾರ ಮಾಡಬಹುದು.ಇದಕ್ಕಾಗಿ ಕನಿಷ್ಠ 100 ಅಡಿ ಜಾಗ ಬೇಕಾಗುತ್ತದೆ. ಒಬ್ಬ ಸಹಾಯಕನನ್ನು ನೇಮಿಸಿಕೊಳ್ಳುವ ಮೂಲಕ ಈ ವ್ಯಾಪಾರ ಮಾಡಬಹುದು. ಸರ್ಕಾರವೂ ಈ ರೀತಿಯ ವ್ಯಾಪಾರಗಳಿಗೆ ಆರ್ಥಿಕ ನೆರವು ನೀಡುತ್ತಿದೆ. ಹಾಗೆಯೇ ಮುದ್ರಣ ಯೋಜನೆ ಮೂಲಕ ಸಾಲಗಳು ಸಹ ಪಡೆಯಬಹುದು. ಇನ್ನು ವ್ಯಾಪಾರದ ವಿಷಯಕ್ಕೆ ಬಂದರೆ, ಯಾವಾಗಲೂ ಹೊಸ ಮಾದರಿಯ ಸಸ್ಯಗಳನ್ನು ಇರಿಸಿದರೆ ನರ್ಸರಿ ಸಕ್ಸಸ್ ಆಗಬಹುದು.

ರೋಟಿ ಬಿಸಿನೆಸ್: ರಾತ್ರಿ ಊಟಕ್ಕೆ ತುಂಬಾ ಜನ ಚಪಾತಿ ಅಥವಾ ಜೋಳದ ರೊಟ್ಟಿಗಳನ್ನು ತಿನ್ನಲು ಆಸಕ್ತಿ ತೋರಿಸುತ್ತಿದ್ದಾರೆ. ಅಂತಹವರಿಗಾಗಿ ಚಪಾಯಿ, ರೊಟ್ಟಿಗಳ ಮಾಡಿ ಪ್ಯಾಕ್ ಮಾಡಿ ವಾರಕ್ಕೆ, ತಿಂಗಳಿಗೆ ಇಷ್ಟು ಎಂಬಂತೆ ಮಾರಬಹುದು.