Business Idea: ಸೂರ್ಯನ ಬೆಳಕಿಂದಲೂ ಹಣ ಗಳಿಸಿ!

ವ್ಯಾಪಾರ ಮಾಡಲು ಲಕ್ಷಗಟ್ಟಲೆ ಹಣ ಹೂಡುವ ಅಗತ್ಯವಿಲ್ಲ. ಕಡಿಮೆ ಹೂಡಿಕೆ (ಲೋ ಇನ್ವೆಸ್ಟ್ ಮೆಂಟ್ ಬಿಸಿನೆಸ್) ಕೂಡ ಉತ್ತಮ ವ್ಯಾಪಾರ ಆರಂಭಿಸಿ ಲಾಭ ಗಳಿಸಬಹುದು. ಈ ವ್ಯವಹಾರ ಕಲ್ಪನೆಯೂ ಹಾಗೆಯೇ. ಈ ಟ್ರೆಂಡಿಂಗ್ ವ್ಯವಹಾರ ಮಾಡಲು 70,000 ರೂ. ಸಾಕು ಎಂದು ಅಂದಾಜಿಸಲಾಗಿದೆ.

ಕಡಿಮೆ ಹೂಡಿಕೆಯೊಂದಿಗೆ ವ್ಯಾಪಾರ ಮಾಡಲು ನೀವು ಬಯಸುವಿರಾ? ರೂ.1,00,000 ಕ್ಕಿಂತ ಕಡಿಮೆ ಹೂಡಿಕೆಯಲ್ಲಿ ಮಾಡಬಹುದಾದ ಬ್ಯುಸಿನೆಸ್ಗಳಲ್ಲಿ ಸೌರ ಫಲಕಗಳ ವ್ಯವಹಾರವೂ ಒಂದು. ನಿಮ್ಮ ಮನೆಯ ಮೇಲೆ ಮುಕ್ತ ಸ್ಥಳವಿದ್ದರೆ ಈ ವ್ಯವಹಾರವನ್ನು ಮಾಡಬಹುದು. ಇದಕ್ಕಾಗಿ ನೀವು ನಿಮ್ಮ ಮನೆಗೆ ಸೌರ ಫಲಕಗಳನ್ನು ಅಳವಡಿಸಿಕೊಳ್ಳಬೇಕು. (ಸಾಂಕೇತಿಕ ಚಿತ್ರ)

ಈ ಫಲಕಗಳ ಮೂಲಕ ವಿದ್ಯುತ್ ಉತ್ಪಾದಿಸಬಹುದು ಮತ್ತು ಗ್ರಿಡ್​ಗಳಿಗೆ ಸರಬರಾಜು ಮಾಡಬಹುದು. ಕೇಂದ್ರ ಸರ್ಕಾರದ ಇಂಧನ ಸಚಿವಾಲಯವು ಹೊಸ ಮತ್ತು ನವೀಕರಿಸಬಹುದಾದ ರೂಫ್ ಟಾಪ್ ಸೌರ ಸ್ಥಾವರಗಳನ್ನು ಸ್ಥಾಪಿಸುವವರಿಗೆ 30 ಪ್ರತಿಶತ ಸಬ್ಸಿಡಿಯನ್ನು ಸಹ ನೀಡುತ್ತದೆ. ಸಬ್ಸಿಡಿ ಇಲ್ಲದೆ ರೂಫ್ ಟಾಪ್ ಸೌರ ಫಲಕಗಳನ್ನು ಅಳವಡಿಸಲು 1,00,000 ರೂ. ಅಗತ್ಯವಿದೆ. ಈ ಹೂಡಿಕೆಯಲ್ಲಿ ನೀವು 30% ಸಬ್ಸಿಡಿ ಪಡೆಯುತ್ತೀರಿ. ಅಂದರೆ ಸಬ್ಸಿಡಿ ರೂಪದಲ್ಲಿ 30,000 ರೂ. ನಿಮ್ಮ ಕೈಸೇರಲಿದೆ. (ಸಾಂಕೇತಿಕ ಚಿತ್ರ)

ಕಿಲೋವ್ಯಾಟ್ ಸೋಲಾರ್ ಪ್ಲಾಂಟ್ ಸ್ಥಾಪಿಸುವ ವೆಚ್ಚವು ವಿವಿಧ ರಾಜ್ಯಗಳಲ್ಲಿ ಬದಲಾಗುತ್ತದೆ. ಸರ್ಕಾರದ ಸಹಾಯಧನವನ್ನು ಹೊರತುಪಡಿಸಿ ಕಿಲೋವ್ಯಾಟ್ ಸೋಲಾರ್ ಪ್ಲಾಂಟ್ ಸ್ಥಾಪಿಸಲು 60 ರಿಂದ 70 ಸಾವಿರ ರೂ. ರಾಜ್ಯಗಳು ನೀಡುವ ಸಬ್ಸಿಡಿ ಕೇಂದ್ರ ಸರ್ಕಾರ ನೀಡುವ ಸಬ್ಸಿಡಿಗೆ ಹೆಚ್ಚುವರಿಯಾಗಿ ಸಿಗಬಹುದು. (ಸಾಂಕೇತಿಕ ಚಿತ್ರ)

ನೀವು 60,000 ರಿಂದ 70,000 ರೂಪಾಯಿಗಳ ಹೂಡಿಕೆಯೊಂದಿಗೆ ಬ್ಯಾಂಕ್ನಿಂದ ಸಾಲವನ್ನು ಸಹ ತೆಗೆದುಕೊಳ್ಳಬಹುದು. ಬಹುತೇಕ ಎಲ್ಲಾ ಬ್ಯಾಂಕ್​ಗಳು ಸಾಲ ನೀಡುತ್ತವೆ. SME ಸಾಲವನ್ನು ಬ್ಯಾಂಕ್ಗಳಿಂದ ಸೌರ ಸಹಾಯಧನ ಯೋಜನೆ, ಕುಸುಮ್ ಯೋಜನೆ, ರಾಷ್ಟ್ರೀಯ ಸೌರಶಕ್ತಿ ಮಿಷನ್ ಯೋಜನೆಯಡಿ ಪಡೆಯಬಹುದು. ವ್ಯಾಪಾರವು ತಿಂಗಳಿಗೆ 30,000 ರಿಂದ 1,00,000 ರೂ.ಗಳವರೆಗೆ ಗಳಿಸುತ್ತದೆ. (ಸಾಂಕೇತಿಕ ಚಿತ್ರ)

ಈ ಮಾಹಿತಿಯನ್ನು ನವೀಕರಿಸಬಹುದಾದ ಇಂಧನ ಸಂಪನ್ಮೂಲಗಳ ಸಚಿವಾಲಯದ ಕಚೇರಿಯಲ್ಲಿ ಅಥವಾ ವೆಬ್ಸೈಟ್ನಲ್ಲಿ ಕಾಣಬಹುದು. ಸೌರ ಫಲಕದ ಜೀವಿತಾವಧಿ 25 ವರ್ಷಗಳು. ಸೌರ ಫಲಕವನ್ನು ಸುಲಭವಾಗಿ ಅಳವಡಿಸಬಹುದಾಗಿದೆ. ನಿರ್ವಹಣೆ ವೆಚ್ಚವೂ ಹೆಚ್ಚಿಲ್ಲ. ಆದರೆ ಬ್ಯಾಟರಿಯನ್ನು 10 ವರ್ಷದ ನಂತರ ಬದಲಾಯಿಸಬೇಕು. ಒಂದು ಬ್ಯಾಟರಿ ಬೆಲೆ 20,000 ರೂ. (ಸಾಂಕೇತಿಕ ಚಿತ್ರ)

ಸೌರ ಫಲಕಗಳನ್ನು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಸ್ಥಳಾಂತರಿಸಬಹುದು. ಫಲಕದಿಂದ ಉತ್ಪತ್ತಿಯಾಗುವ ಇಂಧನವು ಉಚಿತವಾಗಿದೆ. ನಿಮ್ಮ ಮನೆಗೆ ಬೇಕಾದ ಇಂಧನವನ್ನು ನೀವು ಬಳಸಬಹುದು. ಉಳಿದ ಇಂಧನವನ್ನು ಗ್ರಿಡ್ ಮೂಲಕ ಸರ್ಕಾರ ಅಥವಾ ಯಾವುದೇ ಕಂಪನಿಗೆ ಮಾರಾಟ ಮಾಡಬಹುದು. ನಿಮ್ಮ ಮನೆಯಲ್ಲಿ ಎರಡು ಕಿಲೋವ್ಯಾಟ್ ಸೌರ ಫಲಕಗಳನ್ನು ಸ್ಥಾಪಿಸಲಾಗಿದೆ ಎಂದು ಭಾವಿಸೋಣ. ದಿನಕ್ಕೆ 10 ಗಂಟೆಗಳ ಕಾಲ ಸೂರ್ಯನ ಬೆಳಕು ಸಿಗುತ್ತದೆ ಎಂದಿಟ್ಟುಕೊಂಡರೂ 10 ಯೂನಿಟ್ ಸೌರ ವಿದ್ಯುತ್ ಉತ್ಪಾದಿಸಬಹುದು. (ಸಾಂಕೇತಿಕ ಚಿತ್ರ)

ಈ ಲೆಕ್ಕಾಚಾರದಲ್ಲಿ ತಿಂಗಳಿಗೆ 300 ಯೂನಿಟ್ ವಿದ್ಯುತ್ ಉತ್ಪಾದನೆಯಾಗುತ್ತದೆ. ಸೌರ ಫಲಕಗಳನ್ನು ಖರೀದಿಸಲು ರಾಜ್ಯ ಸರ್ಕಾರದ ನವೀಕರಿಸಬಹುದಾದ ಇಂಧನ ಅಭಿವೃದ್ಧಿ ಇಲಾಖೆಯನ್ನು ಸಂಪರ್ಕಿಸಿ. ಈ ಕಚೇರಿಗಳು ಎಲ್ಲಾ ರಾಜ್ಯಗಳ ಪ್ರಮುಖ ಪಟ್ಟಣಗಳು ಮತ್ತು ನಗರಗಳಲ್ಲಿ ಕಚೇರಿ ಹೊಂದಿರುತ್ತವೆ. ಖಾಸಗಿ ವಿತರಕರಲ್ಲೂ ಸೌರ ಫಲಕಗಳು ದೊರೆಯುತ್ತದೆ. (ಸಾಂಕೇತಿಕ ಚಿತ್ರ)