Red Sindhi: ಊರಲ್ಲಿದ್ದೇ ಹಣ ಗಳಿಸಿ! ದಿನಕ್ಕೆ 12 ಲೀಟರ್​ಗೂ ಹೆಚ್ಚು ಹಾಲು ಹಿಂಡುವ ಕೆಂಪು ಸಿಂಧಿ ಆಕಳು ಸಾಕಿ

ಊರಲ್ಲೇ ಇದ್ದು ಹಣ ಗಳಿಸುವುದು ಇಂದಿನ ಯುವಕರು ಕಂಡುಕೊಂಡ ಅತ್ಯುತ್ತಮ ಆದಾಯದ ದಾರಿ. ಹೆಚ್ಚು ಖರ್ಚಿಲ್ಲದೇ ಆರಾಮದಾಯಕ ಮತ್ತು ನೆಮ್ಮದಿಯ ಜೀವನವೂ ಊರಲ್ಲಿ ಸಿಗುತ್ತದೆ. ನೀವೂ ಊರಲ್ಲೇ ಇದ್ದು ಪ್ರಾಮಾಣಿಕವಾಗಿ ಖುಷಿಯಿಂದ ಹಣ ಗಳಿಸಲು ಹೈನುಗಾರಿಕೆ ಮಾಡಬಹುದು.

ಹಾಗಾದರೆ ಯಾವ ತಳಿಯ ಆಕಳುಗಳನ್ನು ಸಾಕಬೇಕು? ಇಲ್ಲಿದೆ ಉತ್ತರ

ಕೆಂಪು ಸಿಂಧಿ ಆಕಳು ಜನಪ್ರಿಯ ಮತ್ತು ಅತ್ಯಂತ ಹೆಚ್ಚು ಹಾಲು ನೀಡುವ ತಳಿಗಳಾಗಿವೆ. ಈ ತಳಿಯು ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದಲ್ಲಿ ಹುಟ್ಟಿಕೊಂಡಿತು. ತಳಿಯ ಪ್ರಾಣಿಗಳು ಉಷ್ಣ ಹವಾಮಾನವನ್ನು ಸಹಿಸಿಕೊಳ್ಳುತ್ತವೆ. ಈ ತಳಿಯ ಹಸುಗಳು ಉತ್ತಮ ಹಾಲುಕರೆಯುತ್ತವೆ. ತಳಿಯನ್ನು "ಮಾಲಿರ್", "ರೆಡ್ ಕರಾಚಿ" ಮತ್ತು "ಸಿಂಧಿ" ಎಂದೂ ಕರೆಯಲಾಗುತ್ತದೆ.

ಕೆಂಪು ಸಿಂಧಿ ತಳಿಯ ಹಸುಗಳನ್ನು ಅಮೆರಿಕಾ, ಆಸ್ಟ್ರೇಲಿಯಾ, ಫಿಲಿಪೈನ್ಸ್, ಬ್ರೆಜಿಲ್ ಮತ್ತು ಶ್ರೀಲಂಕಾ ಸೇರಿದಂತೆ 20 ಕ್ಕೂ ಹೆಚ್ಚು ದೇಶಗಳಲ್ಲೂ ಸಾಕಲಾಗುತ್ತದೆ. ಭಾರತದಲ್ಲಿ ಈ ತಳಿಯ ಆಕಳುಗಳ ಕೊರತೆ ಇರುವುದರಿಂದ ಅಳಿವಿನಂಚಿನಲ್ಲಿರುವ ಹಸುವಿನ ತಳಿ ಎಂದು ಪರಿಗಣಿಸಲಾಗುತ್ತದೆ.

ಕೆಂಪು ಸಿಂಧಿ ಹಸು 116 ಸೆಂ.ಮೀ ಎತ್ತರ ಮತ್ತು ಸರಾಸರಿ 340 ಕೆಜಿ ತೂಗುತ್ತದೆ. ಎತ್ತುಗಳು 134 ಸೆಂ ಎತ್ತರ ಮತ್ತು ಸರಾಸರಿ 420 ಕೆಜಿ ತೂಗುತ್ತವೆ. ಅವು ಸಾಮಾನ್ಯವಾಗಿ ಗಾಢವಾದ ಕೆಂಪು ಬಣ್ಣವನ್ನು ಹೊಂದಿರುತ್ತವೆ.

ಕೆಂಪು ಸಿಂಧಿ ಹಸುಗಳು ಹೆಚ್ಚಿನ ಹಾಲನ್ನು ಕರೆಯುತ್ತವೆ. ಭಾರತೀಯ ಜಾನುವಾರು ತಳಿಗಳಲ್ಲಿ ಹೆಚ್ಚು ಹಾಲು ಉತ್ಪಾದಿಸುವ ಆಕಳಿನ ತಳಿಗಳಲ್ಲೊಂದಾಗಿದೆ. ಸಿಂಧಿ ಹಸುಗಳು ಬಹುತೇಕ 41 ನೇ ತಿಂಗಳಲ್ಲಿ ಮೊದಲ ಬಾರಿಗೆ ಕರು ಹಾಕುತ್ತವೆ. (ಸಾಂಕೇತಿಕ ಚಿತ್ರ)

ಸರಿಯಾಗಿ ಚೆನ್ನಾಗಿ ಸಾಕಿದ ಕೆಂಪು ಸಿಂದಿ ಆಕಳು ದಿನಕ್ಕೆ 12 ಕ್ಕೂ ಹೆಚ್ಚು ಲೀಟರ್ ಹಾಲನ್ನು ಉತ್ಪಾದಿಸಬಲ್ಲದು.

ಊರಲ್ಲೇ ಇದ್ದುಕೊಂಡು ಪರಿಸರದ ಜೊತೆ ಬೆರೆದು ಹಣ ಗಳಿಕೆಗೆ ಹೈನುಗಾರಿಕೆ, ಅದರಲ್ಲೂ ಕೆಂಪು ಸಿಂಧಿ ತಳಿಯ ಆಕಳುಗಳ ಸಾಕುವಿಕೆ ಉತ್ತಮ ದಾರಿ (ಸಾಂಕೇತಿಕ ಚಿತ್ರ)

ಆಕಳು ಕೇವಲ ಜೀವಿಯೊಂದೇ ಅಲ್ಲ, ಅದು ಮನುಷ್ಯರ ಜೀವನಕ್ಕೂ ದಾರಿ ಮಾಡಿಕೊಡುವ ಪುಣ್ಯಕೋಟಿ