7th Pay Commission: ಏಪ್ರಿಲ್ 30 ರಂದು ಸರ್ಕಾರಿ ನೌಕರರ ಖಾತೆ ಸೇರಲಿದೆ 1.20 ಲಕ್ಷ!

ಕಳೆದ ವಾರದಿಂದ ಕೇಂದ್ರ ಸರ್ಕಾರಿ ನೌಕರರಿಗೆ ಒಂದಲ್ಲ ಒಂದು ಸಂತಸದ ಸುದ್ದಿಯನ್ನು ಕೇಂದ್ರ ಸರ್ಕಾರ ಘೋಷಿಸುತ್ತಲೇ ಇದೆ. ಇತ್ತೀಚೆಗಷ್ಟೇ ಕೇಂದ್ರ ಸರ್ಕಾರ ತನ್ನ ನೌಕರರ ತುಟ್ಟಿಭತ್ಯೆಯನ್ನು ಹೆಚ್ಚಿಸಿದೆ.

ಇದರಿಂದ ಇದೀಗ ಏಪ್ರಿಲ್ 30 ರಂದು ಉದ್ಯೋಗಿಗಳ ಖಾತೆಗೆ ಹಣ ಬರಲಿದೆ. ನೀವೂ ಕೇಂದ್ರ ಉದ್ಯೋಗಿಯಾಗಿದ್ದರೆ ಏಪ್ರಿಲ್ ತಿಂಗಳಿನಲ್ಲಿ ನಿಮ್ಮ ಖಾತೆಗೆ ಪೂರ್ಣ 1 ಲಕ್ಷ 20 ಸಾವಿರ ರೂಪಾಯಿ ಬರಲಿದೆ.

ಈ ತಿಂಗಳು ತುಟ್ಟಿಭತ್ಯೆಯೊಂದಿಗೆ ಹೆಚ್ಚಿಸಿದ ವೇತನವನ್ನು ಸರ್ಕಾರ ನೀಡಲಿದೆ. 1 ಕೋಟಿಗೂ ಹೆಚ್ಚು ಕೇಂದ್ರ ನೌಕರರು ಮತ್ತು ಪಿಂಚಣಿದಾರರು ಇದರ ನೇರ ಲಾಭ ಪಡೆಯಲಿದ್ದಾರೆ.

ಇದರೊಂದಿಗೆ 3 ತಿಂಗಳ ಹಣವನ್ನು ಕೂಡ ಬಾಕಿ ರೂಪದಲ್ಲಿ ಪಡೆಯಲಿದ್ದಾರೆ. ಸರ್ಕಾರವು ತುಟ್ಟಿಭತ್ಯೆಯನ್ನು ಶೇ. 4 ರಷ್ಟು ಹೆಚ್ಚಿಸಿದೆ. ಮಾರ್ಚ್ 24 ರಂದು, ಸರ್ಕಾರವು ತುಟ್ಟಿಭತ್ಯೆಯನ್ನು ಶೇ.38 ರಿಂದ 42 ಕ್ಕೆ ಹೆಚ್ಚಿಸಿದೆ.

ಯಾವುದೇ ಕೇಂದ್ರ ಉದ್ಯೋಗಿಯ ಮೂಲ ವೇತನವು 30,000 ರೂ ಆಗಿದ್ದರೆ, ಅವನ ಸಂಬಳವನ್ನು 1200 ರೂ.ಗಳಷ್ಟು ಹೆಚ್ಚಿಸಲಾಗುತ್ತದೆ ಎಂದು ಭಾವಿಸೋಣ. ಇದರೊಂದಿಗೆ ವಾರ್ಷಿಕವಾಗಿ ನೋಡಿದರೆ ಅವರ ಒಟ್ಟು ವೇತನ 14,400 ರೂ. ಹೆಚ್ಚಾಗಲಿದೆ.

ಇನ್ನೂ ಒಂದೂವರೆ ಲಕ್ಷ ಹೇಗೆ ಬರುತ್ತೆ ಅಂತ ನೀವು ಕೇಳಿದರೆ ಅದಕ್ಕೂ ಇಲ್ಲಿದೆ ನೋಡಿ ಉತ್ತರ. ಕ್ಯಾಬಿನೆಟ್​ ಕಾರ್ಯದರ್ಶಿ ಮಟ್ಟದ ಅಧಿಕಾರಿಗಳ ವೇತನ ತಿಂಗಳಿಗೆ 10000 ರೂಪಾಯಿ ಹೆಚ್ಚಾಗಲಿದೆ.

ಕ್ಯಾಬಿನೆಟ್​ ಕಾರ್ಯದರ್ಶಿ ಮಟ್ಟದ ಅಧಿಕಾರಿಗಳ ಅವರ ಮೂಲ ವೇತನ ತಿಂಗಳಿಗೆ 2.50 ಲಕ್ಷ ಇರುತ್ತದೆ. ವಾರ್ಷಿಕವಾಗಿ ಇವರ ವೇತನದಲ್ಲಿ ಸುಮಾರು 1.20 ಲಕ್ಷ ಏರಿಕೆಯಾಗಲಿದೆ