BMW Full Form ಏನು ಅಂತ ಗೊತ್ತಾ? ಈ ಲೋಗೋ ಹಿಂದಿದೆ ಒಂದು ಇಂಟ್ರೆಸ್ಟಿಂಗ್​ ಕಹಾನಿ!

ವಿಶ್ವದಲ್ಲೇ ಅತಿ ಹೆಚ್ಚು ಐಷಾರಾಮಿ ಕಾರುಗಳನ್ನು ಮಾರಾಟ ಮಾಡುತ್ತಿರುವ ಜರ್ಮನಿಯ ಬಿಎಂಡಬ್ಲ್ಯು ಕಂಪನಿಯ ಪೂರ್ಣ ಹೆಸರೇನು ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ?

ಹೆಚ್ಚಿನ ಸಂಖ್ಯೆಯ ಜನರಿಗೆ ಈ ಕಂಪನಿಯ ಪೂರ್ಣ ಹೆಸರು ಏನು ಎಂದು ತಿಳಿದಿರುವುದಿಲ್ಲ. ಜರ್ಮನ್ ಬ್ರಾಂಡ್ ಹೆಸರು BMW ಜರ್ಮನಿಯ ಬವೇರಿಯಾ ಪ್ರದೇಶಕ್ಕೆ ಲಿಂಕ್ ಆಗಿದೆ.

ಕಂಪನಿಯು ಒಮ್ಮೆ ಈ ಪ್ರದೇಶದಲ್ಲಿ ಎಂಜಿನ್‌ಗಳನ್ನು ತಯಾರಿಸಿತ್ತು. ಆ ಸಮಯದಲ್ಲಿ ಕಂಪನಿಯನ್ನು ಬವೇರಿಯನ್ ಮೋಟೋರೆನ್ ವರ್ಕ್ (ಬೇಯೆರಿಸ್ಚೆ ಮೋಟೋರೆನ್ ವರ್ಕ್) ಎಂದು ಮರುನಾಮಕರಣ ಮಾಡಲಾಯಿತು.

ನಂತರ ಇದನ್ನು ಇಂಗ್ಲಿಷ್‌ಗೆ ಅನುವಾದಿಸಲಾಯಿತು. ಇದಾದ ಬವೇರಿಯಾ ಮೋಟಾರ್ ವರ್ಕ್ಸ್ ಎಂದು ಕರೆಯಲಾಯಿತು. ಇದಾದ ಬಳಿಕ ಇದನ್ನು ಜನರು BMW ಎಂದು ಕರೆಯಲು ಪ್ರಾರಂಭಿಸಿದ್ದರು.

ಅದರ ಫುಲ್​ ಫಾರ್ಮ್ ಗೊತ್ತಾಯ್ತು. ಈಗ ಅದರ ಲೋಗೋದ ಕಥೆಯನ್ನು ನಿಮಗೆ ಹೇಳುತ್ತೇವೆ ನೋಡಿ.BMW ಲೋಗೋ ವಿಮಾನದ ಪ್ರೊಪೆಲ್ಲರ್ ಅನ್ನು ಚಿತ್ರಿಸುತ್ತದೆ. ಇದು ಹೈ-ಸ್ಪೀಡ್ ಏರ್‌ಕ್ರಾಫ್ಟ್ ಎಂಜಿನ್‌ನ ಪ್ರೊಪೆಲ್ಲರ್‌ನ ಚಿತ್ರವಾಗಿದೆ.

ವಾಸ್ತವವಾಗಿ, BMW ಅನ್ನು ವಿಶ್ವ ಸಮರ I ರ ಸಮಯದಲ್ಲಿ ಯುದ್ಧ ವಿಮಾನಗಳಿಗಾಗಿ ಎಂಜಿನ್​ಗಳನ್ನು ತಯಾರಿಸಲು ಸ್ಥಾಪಿಸಲಾಯಿತು. ಆದರೆ ವಿಶ್ವಯುದ್ಧದ ನಂತರ, ಕಂಪನಿಯು ವರ್ಸೈಲ್ಸ್ ಕದನವಿರಾಮ ಒಪ್ಪಂದದ ನಿಯಮಗಳ ಅಡಿಯಲ್ಲಿ ವಿಮಾನ ಎಂಜಿನ್‌ಗಳನ್ನು ತಯಾರಿಸುವುದನ್ನು ನಿಲ್ಲಿಸಬೇಕಾಯಿತು.

ನಂತರ ಕಂಪನಿಯು ಆಟೋಮೊಬೈಲ್ ಉದ್ಯಮಕ್ಕೆ ಪ್ರವೇಶಿಸಿತು. 1923 ರಲ್ಲಿ ಕಂಪನಿಯು ಮೋಟಾರ್ ಸೈಕಲ್‌ಗಳನ್ನು ಮತ್ತು ನಂತರ 1928 ರಲ್ಲಿ ಕಾರುಗಳನ್ನು ತಯಾರಿಸಲು ಪ್ರಾರಂಭಿಸಿತು.

ಈ ಕಂಪನಿಯು ಮೊದಲ ವಾಹನವನ್ನು ಕಾರನ್ನು ಅಲ್ಲ ಮೋಟಾರ್ಸೈಕಲ್ ಅನ್ನು ತಯಾರಿಸಿದೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗುತ್ತದೆ. ಈ ಮೋಟಾರ್‌ಸೈಕಲ್ ಅನ್ನು R32 ಎಂದು ಹೆಸರಿಸಲಾಯಿತು.