Big News: 40 ಲಕ್ಷಕ್ಕೂ ಅಧಿಕ ಸರ್ಕಾರಿ ನೌಕರರಿಗೆ ಬಿಗ್​ ರಿಲೀಫ್​, ಇನ್ಮುಂದೆ ನಿಮ್ಮ ಆರೋಗ್ಯ ಜವಾಬ್ದಾರಿ ಸರ್ಕಾರದ್ದು!

CGHS Scheme: ಮೊನ್ನೆಯಷ್ಟೇ ಡಿಎ ಹೆಚ್ಚಿಸಿ ಸರ್ಕಾರಿ ನೌಕರರಿಗೆ ಕೇಂದ್ರ ಸರ್ಕಾರ ಸಿಹಿ ಸುದ್ದಿ ನೀಡಿತ್ತು. ಇದೀಗ ಮತ್ತೊಂದು ಗುಡ್ ನ್ಯೂಸ್​ ನೀಡಿದೆ. ಈ ಸುದ್ದಿ ಕೇಳಿ 40 ಲಕ್ಷ ಮಂದಿ ಸರ್ಕಾರಿ ನೌಕರರು ನಿಟ್ಟುಸಿರು ಬಿಟ್ಟಿದ್ದಾರೆ.

ಇದೀಗ ಸರ್ಕಾರಿ ನೌಕರರು ಖಾಸಗಿ ಆಸ್ಪತ್ರೆಗೆ ರೆಫರ್ ಮಾಡಿಸಲು ಸರ್ಕಾರಿ ಕೇಂದ್ರಕ್ಕೆ ಹೋಗುವ ಅನಿವಾರ್ಯತೆ ಇರುವುದಿಲ್ಲ. ವಿಡಿಯೋ ಕರೆ ಮೂಲಕವೂ ರೆಫರಲ್ ತೆಗೆದುಕೊಳ್ಳಬಹುದು.

ಒಪಿಡಿ ಚಿಕಿತ್ಸಾ ವೆಚ್ಚವನ್ನು 150 ರೂ.ನಿಂದ 350 ರೂ.ಗೆ ಹೆಚ್ಚಿಸಲಾಗಿದೆ.IPD ಅಂದರೆ ದಾಖಲಾದ ರೋಗಿಯ ಸಮಾಲೋಚನೆಯ ಬೆಲೆಯನ್ನು 300 ರಿಂದ 350 ಕ್ಕೆ ಹೆಚ್ಚಿಸಲಾಗಿದೆ.

ಈ ಹಿಂದೆ ರೂ 862 ಅನ್ನು ಐಸಿಯು ಹಾಗೂ ಕೊಠಡಿ ಬಾಡಿಗೆ ಪಾವತಿಸಲಾಗುತ್ತಿತ್ತು. ಇದೀಗ ಈ ದರವನ್ನು 5400 ರೂ.ಗೆ ಹೆಚ್ಚಿಸಲಾಗಿದೆ.

ಮೊದಲು 1000 ಇದ್ದ ಸಾಮಾನ್ಯ ವಾರ್ಡ್ ಬಾಡಿಗೆ ಈಗ 1500 ರೂಪಾಯಿ ಆಗಿದೆ. ಅರೆ ಖಾಸಗಿ ವಾರ್ಡ್ 2 ಸಾವಿರದಿಂದ 3 ಸಾವಿರ ರೂ.ಗೆ ಹೆಚ್ಚಿಸಲಾಗಿದೆ. ಖಾಸಗಿ ವಾರ್ಡ್ ಬಾಡಿಗೆಯನ್ನು 3 ಸಾವಿರದಿಂದ 4500ಕ್ಕೆ ಹೆಚ್ಚಿಸಲಾಗಿದೆ.

ಸರ್ಕಾರಿ ನೌಕರರು CGHS ಅಂದರೆ ಕೇಂದ್ರ ಸರ್ಕಾರದ ಆರೋಗ್ಯ ಯೋಜನೆಯಡಿ ಚಿಕಿತ್ಸೆ ಪಡೆಯುತ್ತಾರೆ. ಇದರಲ್ಲಿ CGHS ಪ್ಯಾನೆಲ್‌ಗೆ ಸಂಪರ್ಕ ಹೊಂದಿದ ಖಾಸಗಿ ಆಸ್ಪತ್ರೆಗಳಿಂದ ಉಚಿತ ಚಿಕಿತ್ಸೆಯನ್ನು ಪಡೆಯಬಹುದು.

ಚಿಕಿತ್ಸಾ ವೆಚ್ಚವನ್ನು ಸರಕಾರವೇ ಭರಿಸುತ್ತದೆ. ಖಾಸಗಿ ಆಸ್ಪತ್ರೆಗಳಿಗೆ ನಿಗದಿತ ದರಗಳ ಅಡಿಯಲ್ಲಿ ಪಾವತಿಸುತ್ತದೆ. ಆದರೆ, ಕೆಲ ದಿನಗಳಿಂದ ಆಸ್ಪತ್ರೆಗಳ ಈ ದರವನ್ನು ಹೆಚ್ಚಿಸಿ ನಿಗದಿತ ಸಮಯಕ್ಕೆ ಹಣ ಪಾವತಿ ಮಾಡಬೇಕು ಎಂಬ ಕೂಗು ಕೇಳಿಬಂದಿದ್ದವು.

CGHS ಸೌಲಭ್ಯದಡಿ, 42 ಲಕ್ಷ ಜನರು ಪ್ರಯೋಜನ ಪಡೆಯುತ್ತಿದ್ದಾರೆ. ಈ ಯೋಜನೆಯಡಿ 338 ಅಲೋಪತಿ ಮತ್ತು 103 ಆಯುಷ್ ಕೇಂದ್ರಗಳು ಬರುತ್ತವೆ.