Wedding Loan: ಮದುವೆ ಆಗೋರಿಗೆ ಸಿಗುತ್ತೆ 50 ಲಕ್ಷ ಸಾಲ

ಒಂದು ಕಾಲದಲ್ಲಿ ಮದುವೆಗಳು ಆಪ್ತರ ನಡುವೆ ಸರಳವಾಗಿ ನಡೆಯುತ್ತಿದ್ದವು. ಈಗ ಮದುವೆಗಳು ನಡೆಯುವ ವಿಧಾನ ಬದಲಾಗಿದ್ದು, ಅವುಗಳ ವೆಚ್ಚ ಹೆಚ್ಚಾಗಿದೆ. ಮಧ್ಯಮ ವರ್ಗದವರ ಮದುವೆಗಳ ನಡೆಯಬೇಕಾದ್ರೆ ಸುಮಾರು 5 ರಿಂದ 10 ಲಕ್ಷ ರೂಪಾಯಿ ಖರ್ಚು ಆಗಲಿದೆ. (ಸಾಂದರ್ಭಿಕ ಚಿತ್ರ)

ನೀವು ಅದ್ಧೂರಿ ಮದುವೆ ಕನಸು ಕಂಡಿದ್ರೆ ಅದರ ವೆಚ್ಚಗಳು ಸಹ ಹೆಚ್ಚಾಗುತ್ತವೆ. ವಿಶೇಷ ಆಹ್ವಾನ ಪತ್ರಿಕೆಗಳು, ಡಿಸೈನರ್​ ಬಟ್ಟೆ, ಮೆಹೆಂದಿ, ಅರಿಶಿನ, ಮದುವೆ, ಆರತಕ್ಷತೆ, ಸಂಗೀತ್ ಹೀಗೆ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡಿದ್ರೆ ಮದುವೆ ಮತ್ತಷ್ಟು ದುಬಾರಿಯಾಗುತ್ತದೆ. ವೆಚ್ಚಗಳು ಇಲ್ಲಿಗೆ ನಿಲ್ಲಲ್ಲ. ಮದುವೆ ನಂತರ ಹನಿಮೂನ್​ ಗೆ ತೆರಳಿದ್ರೆ ನಿಮ್ಮ ಹಣ ಮತ್ತಷ್ಟು ಖರ್ಚು ಆಗಲಿದೆ. (ಸಾಂದರ್ಭಿಕ ಚಿತ್ರ)

ಜೀವನದಲ್ಲಿ ಒಮ್ಮೆ ಮದುವೆ ಆಗುತ್ತವೆ. ಅದನ್ನು ಅತ್ಯಂತ ಅದ್ಧೂರಿಯಾಗಿ ಮಾಡಿಕೊಳ್ಳಬೇಕು ಎಂಬುವುದು ಬಹುತೇಕರ ಕನಸು ಆಗಿರುತ್ತದೆ. ಆದ್ರೆ ಬಹುತೇಕರಿಗೆ ಮದುವೆಗೆ ಹಣಕಾಸಿನ ಸಮಸ್ಯೆ ಎದುರಾಗುತ್ತದೆ. ಆದ್ರೆ ಕೆಲ ಬ್ಯಾಂಕ್ ಮತ್ತು ಹಣಕಾಸಿನ ಸಂಸ್ಥೆಗಳು ಮದುವೆಗಾಗಿ ಸಾಲ ನೀಡುತ್ತವೆ. (ಸಾಂದರ್ಭಿಕ ಚಿತ್ರ)

ಹೆಚ್ಚಾಗಿ ಖಾಸಗಿ ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳು ಇಂತಹ ಸಾಲಗಳನ್ನು ನೀಡುತ್ತವೆ. ಮದುವೆಯ ಸಾಲದ ಅರ್ಜಿದಾರರ ಅರ್ಹತೆಯು ಅನೇಕ ಅಂಶಗಳ ಮೇಲೆ ಅವಲಂಬಿತವಾಗಿದೆ. ವಿವಿಧ ಬ್ಯಾಂಕ್‌ಗಳು ಮತ್ತು ಹಣಕಾಸು ಸಂಸ್ಥೆಗಳು ವಿವಾಹ ಸಾಲದ ಅರ್ಹತೆಗೆ ಸಂಬಂಧಿಸಿದಂತೆ ವಿಭಿನ್ನ ನಿಯಮಗಳು ಮತ್ತು ನಿಬಂಧನೆಗಳನ್ನು ಹೊಂದಿವೆ. (ಸಾಂದರ್ಭಿಕ ಚಿತ್ರ)

ವಿವಾಹ ಸಾಲಕ್ಕಾಗಿ ಅರ್ಜಿದಾರರು ಕನಿಷ್ಠ 21 ವರ್ಷ ವಯಸ್ಸಿನವರಾಗಿರಬೇಕು. ಕೆಲವು ಸಂಸ್ಥೆಗಳಿಗೆ ಕನಿಷ್ಠ ವಯಸ್ಸು 23 ವರ್ಷ ಆಗಿದ್ದು, ಗರಿಷ್ಠ ವಯಸ್ಸು 58 ವರ್ಷ ಆಗಿದೆ. ಮದುವೆಗೆ ಸಾಲ ಮಾಡುವವರಿಗೆ ಮಾಸಿಕ 15 ಸಾವಿರದಿಂದ 25 ಸಾವಿರ ಆದಾಯ ಬಂದರೆ ಬ್ಯಾಂಕ್‌ಗಳು ಮದುವೆ ಸಾಲ ನೀಡುತ್ತವೆ. ವೃತ್ತಿಪರರು, ಸ್ವಯಂ ಉದ್ಯೋಗಿಗಳು, ಸಂಬಳ ಪಡೆಯುವವರು ಮದುವೆ ಸಾಲ ತೆಗೆದುಕೊಳ್ಳಬಹುದು. (ಸಾಂದರ್ಭಿಕ ಚಿತ್ರ)

ಮದುವೆಯ ಸಾಲವನ್ನು ತೆಗೆದುಕೊಳ್ಳಲು ತಮ್ಮ ಆದಾಯದ ಪುರಾವೆಗಳನ್ನು ತೋರಿಸಬೇಕು. ಸಂಬಳ ಪಡೆಯುವ ಉದ್ಯೋಗಿಗಳ ವಿಷಯದಲ್ಲಿ, ಅವರು ಕನಿಷ್ಠ ಒಂದು ವರ್ಷ ಪ್ರಸ್ತುತ ಕೆಲಸದಲ್ಲಿ ಕೆಲಸ ಮಾಡುತ್ತಿರಬೇಕು. ಒಟ್ಟಿನಲ್ಲಿ ಕನಿಷ್ಠ ಎರಡು ವರ್ಷ ಉದ್ಯೋಗ ಮಾಡಿರಬೇಕು. ಮದುವೆ ಸಾಲಕ್ಕೂ ಕ್ರೆಡಿಟ್ ಸ್ಕೋರ್ ಅತ್ಯಗತ್ಯ. CIBIL ಸ್ಕೋರ್ 700 ಕ್ಕಿಂತ ಹೆಚ್ಚು ಇರುವವರಿಗೆ ಮದುವೆ ಸಾಲ ನೀಡಲು ಬ್ಯಾಂಕ್‌ಗಳು ಆಸಕ್ತಿ ತೋರಿಸುತ್ತವೆ. CIBIL ಸ್ಕೋರ್ ಕಡಿಮೆಯಾದಷ್ಟೂ ಬಡ್ಡಿ ದರ ಹೆಚ್ಚಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಮದುವೆ ಸಾಲವನ್ನು ಎಷ್ಟು ನೀಡಲಾಗುತ್ತದೆ ಎಂಬುದು ಬ್ಯಾಂಕ್ ಮತ್ತು ಹಣಕಾಸು ಸಂಸ್ಥೆಯನ್ನು ಅವಲಂಬಿಸಿ ಬದಲಾಗುತ್ತದೆ. 50 ಸಾವಿರದಿಂದ 50 ಲಕ್ಷದವರೆಗೆ ವಿವಾಹ ಸಾಲ ಪಡೆಯಬಹುದು. ಆದರೆ ಇದು ಸಾಲಗಾರನ ಆದಾಯ ಮತ್ತು ಕ್ರೆಡಿಟ್ ಸ್ಕೋರ್‌ನಂತಹ ಅಂಶಗಳನ್ನು ಅವಲಂಬಿಸಿರುತ್ತದೆ. (ಸಾಂದರ್ಭಿಕ ಚಿತ್ರ)