Bank Holiday: ನಾಳೆ, ನಾಡಿದ್ದು ಬ್ಯಾಂಕ್​ಗಳಿಗೆ ರಜೆ ಇದೆಯಾ?

ಸಾರ್ವಜನಿಕರೇ, ಈ ವಾರ ನಿಮಗೆ ಬ್ಯಾಂಕ್​ಗಳಿಗೆ ಹೋಗುವ ಕೆಲಸವಿದ್ದಲ್ಲಿ ಇಲ್ಲಿ ಗಮನಿಸಿ. ಈ ವಾರದ ಏಳು ದಿನಗಳಲ್ಲಿ ಒಟ್ಟು ನಾಲ್ಕು ದಿನ ರಜಾದಿನವೇ ಆಗಿರಲಿದೆ.

ಏಪ್ರಿಲ್ 14 ಗುರುವಾರ ಡಾ. ಅಂಬೇಡ್ಕರ್ ಜಯಂತಿ, ಮಹಾವೀರ ಜಯಂತಿ ಪ್ರಯುಕ್ತ ಕರ್ನಾಟಕ ರಾಜ್ಯದಲ್ಲಿ ಬ್ಯಾಂಕುಗಳಿಗೆ ರಜೆ ಇರಲಿದೆ.

ಏಪ್ರಿಲ್ 15 ಶುಕ್ರವಾರ ಬರಲಿದ್ದು ಅಂದು ಗುಡ್ ಫ್ರೈಡೇ, ವಿಶು ಹಬ್ಬ ಇರುವ ಕಾರಣ ಬ್ಯಾಂಕ್ ರಜೆ ಇರಲಿದೆ. ಏಪ್ರಿಲ್ 17 ಭಾನುವಾರ ವಾರದ ರಜೆ ಇರಲಿದೆ.

ಏಪ್ರಿಲ್ 16 ರಂದು ಅಸ್ಸಾಂನಲ್ಲಿ ಬೊಹಾಗ್ ಬಿಹು ಹಬ್ಬದ ಆಚರಣೆ ನಡೆಯಲಿದೆ. ಹೀಗಾಗಿ ಅಸ್ಸಾಂ ರಾಜ್ಯದಲ್ಲಿ ಮಾತ್ರ ಮಾರ್ಚ್ 16 ರಂದು ಬ್ಯಾಂಕ್​ಗಳಿಗೆ ರಜಾ ಇರಲಿದೆ.

ಏಪ್ರಿಲ್ 17ರಂದು ಭಾನುವಾರ ಆದ ಕಾರಣ ಬ್ಯಾಂಕ್​ಗಳು ಕಾರ್ಯನಿರ್ವಹಿಸುವುದಿಲ್ಲ

ಏಪ್ರಿಲ್ 23 ಶನಿವಾರದಂದು ಬ್ಯಾಂಕುಗಳಿಗೆ ನಾಲ್ಕನೇ ಶನಿವಾರದ ಪ್ರಯುಕ್ತ ರಜೆ ಇರಲಿದೆ. ಏಪ್ರಿಲ್ 24 ಭಾನುವಾರದಂದು ಬ್ಯಾಂಕುಗಳಿಗೆ ವಾರದ ರಜೆ ಇರಲಿದೆ.

ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಪ್ರತಿ ವರ್ಷದ ಆರಂಭದಲ್ಲಿ ಸಾರ್ವಜನಿಕ ಮತ್ತು ಖಾಸಗಿ ವಲಯದ ಬ್ಯಾಂಕ್​ಗಳಿಗೆ ರಜಾದಿನಗಳ ಪಟ್ಟಿಯನ್ನು ಸಿದ್ಧಪಡಿಸುತ್ತದೆ.

ಇದು ಸಾಮಾನ್ಯವಾಗಿ ಎಲ್ಲ ಬ್ಯಾಂಕ್​ಗಳ ರಜಾದಿನಗಳ ಮಾಹಿತಿಯನ್ನು ಸಾರ್ವಜನಿಕರಿಗೆ ನೀಡುತ್ತದೆ.

ದೇಶದ ಅತ್ಯುನ್ನತ ಬ್ಯಾಂಕ್ ಆದ ರಿಸರ್ವ್ ಬ್ಯಾಂಕ್ ಈ ಮಾಹಿತಿಯಂತೆ ಬ್ಯಾಂಕ್​ಗಳಿಗೆ ರಜೆಯನ್ನು ನಿಗದಿಪಡಿಸುತ್ತವೆ.