Joint Home Loans: 45ನೇ ವಯಸ್ಸಿನಲ್ಲಿ Home Loan ತೆಗೆದುಕೊಳ್ತಿದ್ದೀರಾ? ಹಾಗಾದ್ರೆ ಈ ವಿಷಯಗಳು ನಿಮಗೆ ಗೊತ್ತಿರಲಿ

ಸ್ವಂತ ಮನೆ ಹೊಂದಬೇಕು ಅನ್ನೋದು ಪ್ರತಿಯೊಬ್ಬರ ಕನಸು. ಕೆಲವರು ಕೆಲಸಕ್ಕೆ ಸೇರಿಕೊಳ್ಳುತ್ತಿದ್ದಂತೆ ಮನೆ ಕಟ್ಟಲು ಮುಂದಾಗುತ್ತಾರೆ. ಆದ್ರೆ 40 ವರ್ಷದ ಮೇಲ್ಪಟ್ಟವರು ಗೃಹ ಸಾಲ ಪಡೆಯೋದು ಸ್ವಲ್ಪ ಕಷ್ಟವಾಗುತ್ತದೆ. (ಸಾಂದರ್ಭಿಕ ಚಿತ್ರ)

ನಲವತ್ತರ ಆಸುಪಾಸಿನವರು ಗೃಹ ಸಾಲ ಪಡೆಯಲು ಸ್ವಲ್ಪ ಕಷ್ಟಪಡಬೇಕಾಗುತ್ತದೆ. ಅವರಿಗೆ ಸಾಲ ಸಿಗುವ ಸಾಧ್ಯತೆ ಕಡಿಮೆಯಾಗುತ್ತದೆ. ಆದ್ದರಿಂದ 40-45 ವರ್ಷಗಳಲ್ಲಿ ಗೃಹ ಸಾಲವನ್ನು ತೆಗೆದುಕೊಳ್ಳಲು ಬಯಸುವವರು ಈ ಆಯ್ಕೆಗಳು ಬಗ್ಗೆ ತಿಳಿದುಕೊಳ್ಳಬೇಕು. (ಸಾಂದರ್ಭಿಕ ಚಿತ್ರ)

ನೀವು 25 ರಿಂದ 30 ವರ್ಷದೊಳಗಿನವರಾಗಿದ್ದು, ಗೃಹ ಸಾಲವನ್ನು ತೆಗೆದುಕೊಂಡರೆ ನಿಮ್ಮ ಸೇವೆ ಅವಧಿ 65 ವರ್ಷಗಳವರೆಗೆ ಇರುತ್ತದೆ. ಹಾಗಾಗಿ ಇಎಂಐ  (EMI) ಕಡಿಮೆಯಾಗುವ ಸಾಧ್ಯತೆ ಇದೆ. (ಸಾಂದರ್ಭಿಕ ಚಿತ್ರ)

ನೀವು 45 ವರ್ಷದ ನಂತರ ಗೃಹ ಸಾಲ ಪಡೆಯುತ್ತಿದ್ರೆ, ನಿಮ್ಮ ಸೇವಾ ಅವಧಿ ಕೇವಲ 15 ವರ್ಷ ಇರುತ್ತದೆ. ಆದ್ದರಿಂದ ಇಎಂಐ ಹೆಚ್ಚಾಗುತ್ತದೆ. ಇಎಂಐ ಕಡಿಮೆ ಮಾಡಲು ಜಂಟಿಯಾಗಿ ಗೃಹಸಾಲ ಪಡೆಯೋದು ಉತ್ತಮ. (ಸಾಂದರ್ಭಿಕ ಚಿತ್ರ)

ಜಂಟಿ ಗೃಹ ಸಾಲಗಳು
ಬೇರೆಯವರೊಂದಿಗೆ ಸಾಲವನ್ನು ತೆಗೆದುಕೊಳ್ಳುವುದನ್ನು ಜಂಟಿ ಗೃಹ ಸಾಲ ಎಂದು ಕರೆಯಲಾಗುತ್ತದೆ. ನಿಮ್ಮ ಜೀವನ ಸಂಗಾತಿ, ಪೋಷಕರು ಮತ್ತು ಒಡಹುಟ್ಟಿದವರೊಂದಿಗೆ ಜಂಟಿ ಗೃಹ ಸಾಲವನ್ನು ಪಡೆಯಲು ಸಾಧ್ಯವಿದೆ. (ಸಾಂದರ್ಭಿಕ ಚಿತ್ರ)

ಮಧ್ಯ ವಯಸ್ಸಿನಲ್ಲಿ ಗೃಹ ಸಾಲವನ್ನು ತೆಗೆದುಕೊಳ್ಳಲು ಬಯಸುವವರು ಪಾಲುದಾರ ಅಥವಾ ಮಗುವಿನ ಹೆಸರಿನಲ್ಲಿ ಜಂಟಿ ಸಾಲಕ್ಕೆ ಅರ್ಜಿ ಸಲ್ಲಿಸಲು ಕೆಲವು ಆಯ್ಕೆಗಳಿವೆ. (ಸಾಂದರ್ಭಿಕ ಚಿತ್ರ)

ಲಾಭಗಳು ..
ಜಂಟಿ ಗೃಹ ಸಾಲವು ಸಾಲದ ಅರ್ಹತೆಯನ್ನು ಹೆಚ್ಚಿಸುತ್ತದೆ. ಸಹ-ಅರ್ಜಿದಾರರ ಮೂಲ ಮತ್ತು ಕ್ರೆಡಿಟ್ ಸ್ಕೋರ್ ಆಧರಿಸಿ ಸಾಲದ ಮೊತ್ತವು ಹೆಚ್ಚಾಗಬಹುದು. ಜಂಟಿ ಸಾಲಗಳಲ್ಲಿ ಸಾಲವನ್ನು ಮರುಪಾವತಿ ಮಾಡುವ ಬಾಧ್ಯತೆಯು ಇಬ್ಬರಿಗೂ ಒಂದೇ ಆಗಿರುತ್ತದೆ. (ಸಾಂದರ್ಭಿಕ ಚಿತ್ರ)

EMI ಗಳನ್ನು ಆಯ್ಕೆ ಮಾಡುವಾಗ ಸಾಲಗಾರ ಮತ್ತು ಸಹ ಅರ್ಜಿದಾರರ ಆದಾಯವನ್ನು ಗಣನೆಗೆ ತೆಗೆದುಕೊಳ್ಳುತ್ತಾರೆ. ಆದ್ದರಿಂದ ಜಂಟಿ ಗೃಹ ಸಾಲವಾಗಿ ದೊಡ್ಡ ಮೊತ್ತವನ್ನು ಪಡೆಯಬಹುದು.(ಸಾಂದರ್ಭಿಕ ಚಿತ್ರ)

ಜಂಟಿ ಸಾಲಗಳಲ್ಲಿ ಸೆಕ್ಷನ್ 24B ಪ್ರಕಾರ ಗೃಹ ಸಾಲದ ಮೇಲಿನ ಬಡ್ಡಿಯ ಮರುಪಾವತಿಯ ಮೇಲೆ ರೂ 2 ಲಕ್ಷದವರೆಗೆ ತೆರಿಗೆ ಕಡಿತವನ್ನು ಪಡೆಯಬಹುದು. ಸೆಕ್ಷನ್ 80C ಅಡಿಯಲ್ಲಿಯೂ ವಿನಾಯ್ತಿ ಪಡೆಯಬಹುದಾಗಿದೆ. ಮುಖ್ಯ ಅರ್ಜಿದಾರರು ಮಹಿಳೆಯಾಗಿದ್ರೆ ಕಡಿಮೆ ಬಡ್ಡಿಯಲ್ಲಿ ಸಾಲ ಪಡೆಯಬಹುದು. (ಸಾಂದರ್ಭಿಕ ಚಿತ್ರ)

ಸಾಲದ ಅವಧಿ ಹೆಚ್ಚಳ
ಜಂಟಿ ಗೃಹ ಸಾಲಗಳೊಂದಿಗೆ ಕೆಲವು ಅಪಾಯಗಳೂ ಇವೆ. EMI ಪಾವತಿಗಳಲ್ಲಿನ ವಿಳಂಬಗಳು ಅಥವಾ ಡೀಫಾಲ್ಟ್ ಗಳು ಎರಡೂ ಕ್ರೆಡಿಟ್ ಸ್ಕೋರ್ ಗಳ ಮೇಲೆ ಪರಿಣಾಮ ಬೀರಬಹುದು. ಗೃಹ ಸಾಲಗಳ ಗರಿಷ್ಠ ಅವಧಿಯು 30 ವರ್ಷಗಳವರೆಗೆ ಇರುತ್ತದೆ. (ಸಾಂದರ್ಭಿಕ ಚಿತ್ರ)

ನೀವು 45 ನೇ ವಯಸ್ಸಿನಲ್ಲಿ ಗೃಹ ಸಾಲವನ್ನು ತೆಗೆದುಕೊಳ್ಳುತ್ತಿದ್ದರೆ, ನಿಮ್ಮ ಗರಿಷ್ಠ ಸೇವಾ ಅವಧಿಯು ಕೇವಲ 15 ವರ್ಷ ಮಾತ್ರ ಉಳಿದಿರುತ್ತದೆ. ನೀವು ಉತ್ತಮ ಕ್ರೆಡಿಟ್ ಸ್ಕೋರ್ ಮತ್ತು ಸ್ಥಿರ ಆದಾಯದ ಮೂಲ ಹೊಂದಿದ್ದರೆ, ನಿಮ್ಮ ಸಾಲದ ಅವಧಿಯನ್ನು ಹೆಚ್ಚಿಸಲು ನೀವು ಕಂಪನಿಗಳನ್ನು ಕೇಳಬಹುದು. (ಸಾಂದರ್ಭಿಕ ಚಿತ್ರ)