Electric Bike: ಜಸ್ಟ್​ 2 ರೂಪಾಯಿಗೆ 150 ಕಿಮೀ ಓಡುತ್ತೆ ಈ ಎಲೆಕ್ಟ್ರಿಕ್​ ಬೈಕ್​, ಬೆಲೆ ಕೂಡ ಬರೀ 10 ಸಾವಿರ!

ಆನಂದ್ ಮಹೀಂದ್ರಾ ವಿಶೇಷ ಪರಿಚಯ ಅಗತ್ಯವಿಲ್ಲದ ಹೆಸರು. ಏಕೆಂದರೆ ಅವರು ದೇಶದ ಪ್ರಮುಖ ಆಟೋಮೊಬೈಲ್ ಉತ್ಪಾದನಾ ಕಂಪನಿಗಳಲ್ಲಿ ಒಂದಾದ ಮಹೀಂದ್ರಾ ಮುಖ್ಯಸ್ಥರಾಗಿದ್ದಾರೆ. ಆನಂದ್ ಮಹೀಂದ್ರಾ ಯಾವಾಗಲೂ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುತ್ತಾರೆ.

ಅವರು ಟ್ವಿಟರ್‌ನಲ್ಲಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಸದಾ ವಿಶೇಷ ವಿಷಯಗಳನ್ನು ಹಂಚಿಕೊಳ್ಳುವುದರಲ್ಲಿ ಅವರು ಮುಂದು. ಈಗ ಅಂತದ್ದೇ ಒಂದು ಟ್ವೀಟ್​ ಮಾಡಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಅಂಥದ್ದೇನಿದೆ ಆ ಟ್ವೀಟ್​ನಲ್ಲಿ ಅಂತ ನೋಡೋಣ ಬನ್ನಿ.

ಆನಂದ್ ಮಹೀಂದ್ರಾ ಮಾಡಿರುವ ಟ್ವೀಟ್ ವಿಡಿಯೋವನ್ನು ಹೊಂದಿದೆ. ಇದು ಎಲೆಕ್ಟ್ರಿಕ್ ಬೈಕ್‌ಗೆ ಸೇರಿದ ವಿಡಿಯೋ ಆಗಿದೆ. ಈ ಎಲೆಕ್ಟ್ರಿಕ್ ಬೈಕ್ ತುಂಬಾ ವಿಶೇಷವಾಗಿದೆ. ಒಂದೇ ಬಾರಿಗೆ ಆರು ಮಂದಿ ಕುಳಿತುಕೊಳ್ಳಬಹುದು. ಹುಡುಗನೊಬ್ಬ ಈ ಎಲೆಕ್ಟ್ರಿಕ್ ಬೈಕ್ ತಯಾರಿಸಿದ್ದಾನೆ. ಈ ಎಲೆಕ್ಟ್ರಿಕ್ ಬೈಕ್‌ನಲ್ಲಿ ಆರು ಜನರು ಒಬ್ಬರ ಹಿಂದೆ ಒಬ್ಬರು ಕುಳಿತುಕೊಳ್ಳಬಹುದು. ಒಬ್ಬ ವ್ಯಕ್ತಿ ವಾಹನ ಚಲಾಯಿಸಿದರೆ, ಐದು ಜನರು ಕುಳಿತುಕೊಳ್ಳಬಹುದು.

ಈ ಎಲೆಕ್ಟ್ರಿಕ್ ಬೈಕಿನ ವ್ಯಾಪ್ತಿಯೂ ಹೆಚ್ಚು. ಒಂದೇ ಬಾರಿ ಚಾರ್ಜ್ ಮಾಡಿದರೆ 150 ಕಿಲೋಮೀಟರ್ ಓಡಲಿದೆ. ಇದಲ್ಲದೆ, ಆನಂದ್ ಮಹೀಂದ್ರಾ ತಮ್ಮ ಟ್ವೀಟ್‌ನಲ್ಲಿ ಮಹೀಂದ್ರಾ ಮುಖ್ಯ ವಿನ್ಯಾಸ ಅಧಿಕಾರಿ ಪ್ರತಾಪ್ ಬೋಸ್ ಅವರನ್ನು ಟ್ಯಾಗ್ ಮಾಡಿದ್ದಾರೆ.

ಈ ಎಲೆಕ್ಟ್ರಿಕ್ ಬೈಕ್ ನೋಡಿದರೆ ಕಬ್ಬಿಣದ ಪೈಪುಗಳಿಂದ ಮಾಡಲ್ಪಟ್ಟಿದೆ. ಇದು 8 ರಿಂದ 10 ಅಡಿ. ಈ ಕಬ್ಬಿಣದ ಪೈಪಿನ ಕೆಳಭಾಗದಲ್ಲಿ ಕಾಲು ಹಾಕಲು ಸಾಧ್ಯವಾಗುವಂತೆ ಸ್ಟ್ಯಾಂಡ್ ಹಾಕಲಾಗಿದೆ. ಹ್ಯಾಂಡಲ್ ಅನ್ನು ಪ್ರಯಾಣಿಕರ ಆಸನಕ್ಕೆ ಜೋಡಿಸಲಾಗಿದೆ.

ಎಲೆಕ್ಟ್ರಿಕ್ ಬೈಕ್‌ನ ಮುಂಭಾಗದಲ್ಲಿ ಎಲ್ಇಡಿ ಲೈಟ್ ಇದೆ. ಮುಂಭಾಗ ಮತ್ತು ಹಿಂದಿನ ಚಕ್ರಗಳಿಗೆ ಟೆಲಿಸ್ಕೋಪಿಕ್ ಫೋರ್ಕ್‌ಗಳನ್ನು ಅಳವಡಿಸಲಾಗಿದೆ. ಇದರಿಂದಾಗಿ ಗಟುಕುಲದ ರಸ್ತೆಗಳಲ್ಲಿಯೂ ಈ ದ್ವಿಚಕ್ರ ವಾಹನದ ಮೂಲಕ ಸಂಚರಿಸಬಹುದಾಗಿದೆ. ಬೈಕ್‌ನ ಹಿಂಭಾಗದಲ್ಲಿ ಬ್ಯಾಟರಿಯನ್ನು ಹೊಂದಿಸಲಾಗಿದೆ. ಚಾರ್ಜಿಂಗ್ ಘಟಕವೂ ಹಿಂಭಾಗದಲ್ಲಿದೆ.

ಈ ಎಲೆಕ್ಟ್ರಿಕ್ ಬೈಕ್ ತಯಾರಿಸಲು ಸುಮಾರು ರೂ. 10 ಸಾವಿರದಿಂದ ರೂ. 12 ಸಾವಿರದವರೆಗೂ ಖರ್ಚಾಗಿದೆ ಎಂದು ಬಾಲಕ ಮಾಹಿತಿ ನೀಡಿದ್ದಾನೆ. ಒಂದು ಬಾರಿ ಚಾರ್ಜ್ ಮಾಡಿದರೆ 150 ಕಿಲೋಮೀಟರ್ ಓಡಲಿದೆ ಎಂದು ಹೇಳಲಾಗಿದೆ. ಚಾರ್ಜಿಂಗ್ ವೆಚ್ಚ ರೂ. 8ರಿಂದ 10 ರೂ.ವರೆಗೆ ಇದೆ ಎಂದರು. ಅಂದರೆ ಈ ವಾಹನದಲ್ಲಿ ಆರು ಜನ ಹೋಗಬಹುದು. ಅಂದರೆ ರೂ.1.6 ವೆಚ್ಚದಲ್ಲಿ 150 ಕಿಲೋಮೀಟರ್ ಪ್ರಯಾಣಿಸಬಹುದು. ಉಳಿದಂತೆ, ಈ ಎಲೆಕ್ಟ್ರಿಕ್ ಬೈಕ್‌ನ ಗರಿಷ್ಠ ವೇಗದ ಬಗ್ಗೆ ಹೆಚ್ಚು ತಿಳಿದಿಲ್ಲ.