PM Kisan: ಮೇ 31ರೊಳಗೆ ರೈತರು ಇದನ್ನು ಮಾಡಿದ್ರೆ ಕೇಂದ್ರ ಸರ್ಕಾರದಿಂದ ಹಣ ಸಿಗಲಿದೆ

ಕಿಸಾನ್ ಯೋಜನೆ 11ನೇ ಕಂತನ್ನು (PM Kisan Installment) ಶೀಘ್ರವೇ ಕೇಂದ್ರ ಸರ್ಕಾರ ಬಿಡುಗಡೆ ಮಾಡಲಿದೆ. ಈ ಆರ್ಥಿಕ ವರ್ಷಕ್ಕೆ ಸಂಬಂಧಿಸಿದ ಮೊದಲ ಕಂತನ್ನು ಇನ್ನು ಕೆಲವೇ ದಿನಗಳಲ್ಲಿ ಬಿಡುಗಡೆ ಆಗಲಿದೆ.

ಪಿಎಂ ಕಿಸಾನ್ ಹಣವನ್ನು ಪಡೆಯುತ್ತಿದ್ದರೆ ರೈತರು ಕಡ್ಡಾಯವಾಗಿ ಇನ್ನು ಮುಂದೆ ಇದನ್ನು ಮಾಡಿಸಬೇಕು. ಮೇ 31ರೊಳಗೆ ಪಿಎಂ ಕಿಸಾನ್ ಫಲಾನುಭವಿಗಳೆಲ್ಲರೂ ಕಡ್ಡಾಯವಾಗಿ ಕೆವೈಸಿಯನ್ನು ಪೂರ್ಣಗೊಳಿಸಬೇಕು. ಇದನ್ನು ಪೂರ್ಣಗೊಳಿಸಿದ ರೈತರಿಗೆ ಮಾತ್ರ ಈ ಬಾರಿ ಪಿಎಂ ಕಿಸಾನ್ ಹಣ ಲಭ್ಯವಿದೆ.

ಈಗಾಗಲೇ ಲಕ್ಷಾಂತರ ಮಂದಿ ರೈತರು ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದಾರೆ. ಆ ರೈತರ ಸ್ಟೇಟಸ್ ಚೆಕ್ ಮಾಡಿಸಬಹುದು. ಸ್ಟೇಟಸ್ನಲ್ಲಿ 'ಎಫ್ಟಿಒ ರಚಿಸಲಾಗಿದೆ ಮತ್ತು ಪಾವತಿ ದೃಢೀಕರಣ ಬಾಕಿ ಇದೆ' ಎಂದು ಕಾಣಿಸಿಕೊಂಡರೆ ಪರಿಶೀಲನೆ ಪೂರ್ಣಗೊಂಡಿದೆ. ಆದ್ದರಿಂದ ಅವರಿಗೆ 11ನೇ ಕಂತಿನ ಹಣ ಲಭ್ಯವಿದೆ. ಇನ್ನು ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳಿಸಿದ ರೈತರು ತಮ್ಮ ಸ್ಟೇಟಸ್ ಚೆಕ್ ಮಾಡಿಕೊಳ್ಳಿ.

https://pmkisan.gov.in/ ವೆಬ್ಸೈಟ್ ಓಪನ್ ಮಾಡಿದ ನಂತರ ರೈತರ ಕಾರ್ನರ್ ಸೆಕ್ಷನ್ ನಲ್ಲಿ ಫಲಾನುಭವಿ ಸ್ಥಿತಿ ಮೇಲೆ ಕ್ಲಿಕ್ ಮಾಡಬೇಕು. ಆಧಾರ್, ಮೊಬೈಲ್ ನಂಬರ್ ನಮೂದಿಸಿ ಸ್ಟೇಟಸ್ ಚೆಕ್ ಮಾಡಬೇಕು. ಮೇಲೆ ಹೇಳಿದ ಹಾಗೆ ಸ್ಟೇಟಸ್ ಇದ್ದರೆ ಹಣ ರೈತರ ಖಾತೆಯಲ್ಲಿ ಜಮಾ ಆಗುತ್ತದೆ.

ಕೆವೈಸಿಯ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಲು ರೈತರು ಕಡ್ಡಾಯವಾಗಿ ಮಾಡಬೇಕಾಗಿದೆ. ಇದನ್ನು ಪೂರ್ಣಗೊಳಿಸಿದರೆ ಅವರಿಗೆ ಮುಂದಿನ ಕಂತಿನ ಹಣ ಬರುತ್ತೆ. ಪ್ರಸ್ತುತ ಪಿಎಂ ಕಿಸಾನ್ ಅಧಿಕೃತ ವೆಬ್ ಸೈಟ್ https://pmkisan.gov.in/ ನಲ್ಲಿ ಇ-ಕೆವೈಸಿ ಮಾಡಬಹುದಾಗಿದೆ. ಮೊದಲ ರೈತರು ಕಿಸಾನ್ ಸ್ಕೀಮ್ ಅಧಿಕೃತ ವೆಬ್ಸೈಟ್ https://pmkisan.gov.in/ ಓಪನ್ ಮಾಡಬೇಕು.

ಪುಟದಲ್ಲಿ eKYC ಆಯ್ಕೆಯ ಮೇಲೆ ಕ್ಲಿಕ್ ಮಾಡಬೇಕು. ಆಧಾರ್ ಕಾರ್ಡ್ ನಂಬರ್, ಕ್ಯಾಪ್ಚಾ ಕೋಡ್ ನಮೂದಿಸಿ ಸರ್ಚ್ ಮಾಡಬೇಕು. ನಿಮ್ಮ ಆಧಾರ್ ಕಾರ್ಡ್ ಗೆ ಲಿಂಕ್ ನ ಮೊಬೈಲ್ ನಂಬರ್ ನಮೂದಿಸಬೇಕು. ನಂತರ OTP ಆಯ್ಕೆಯನ್ನು ಪಡೆಯಿರಿ ಮೇಲೆ ಕ್ಲಿಕ್ ಮಾಡಬೇಕು. ನಿಮ್ಮ ರಿಜಿಸ್ಟರ್ಡ್ ಮೊಬೈಲ್ ನಂಬರ್ ಗೆ ಬರುವ ಓಟಿಪಿ ನಮೂದಿಸಬೇಕು. ಇ-ಕೆವೈಸಿ ಯಶಸ್ವಿಯಾಗಿ ಸಬ್ ಮಿಟ್ ಆಗುತ್ತದೆ.

ರೈತರು ಬಯೋಮೆಟ್ರಿಕ್ ಆಥೆಂಟಿಕೇಶನ್ ಗಾಗಿ ಹತ್ತಿರದ ಸೇವಾ ಕೇಂದ್ರಕ್ಕೆ ಹೋಗಬೇಕು. ಅಲ್ಲಿ ಬಯೋಮೆಟ್ರಿಕ್ ಆಥೆಂಟಿಕೇಶನ್ ಮೂಲಕ ಇ-ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳಿಸಬೇಕು. ಕಾಮನ್ ಸೇವಾ ಕೇಂದ್ರದಲ್ಲಿ 2022 ಮೇ 31 ರೊಳಗೆ ಇ-ಕೆವೈಸಿ ಮಾಡಿಸಬೇಕು. ಅಂದರೆ ಮೂರು ವಾರಗಳು ಮಾತ್ರ ಕಾಲಾವಕಾಶ ಇದೆ.

ಪ್ರಧಾನ ಮಂತ್ರಿ ಕಿಸಾ ಸಮ್ಮಾನ್ ನಿಧಿಯನ್ನು 2018ರಲ್ಲಿ ನರೇಂದ್ರ ಮೋದಿ ಸರ್ಕಾರ ಆರಂಭ ಮಾಡಿದೆ. ಈ ಸ್ಕೀಮ್ ಮೂಲಕ ರೈತರಿಗೆ ಪ್ರತಿ ಮೂರು ತಿಂಗಳು 2,000 ರೂಪಾಯಿಯಂತೆ ವರ್ಷಕ್ಕೆ ಒಟ್ಟು 6,000 ರೂ. ಸಹಾಯವನ್ನು ಕೇಂದ್ರ ಸರ್ಕಾರ ನೀಡುತ್ತದೆ.