Viral News: ಬರೋಬ್ಬರಿ ಐದು ಕೆಜಿ ತೂಕದ ಮೂಲಂಗಿ ಬೆಳೆದ ಕೃಷಿಕ!

ನೀವೆಲ್ಲ ತರಕಾರಿ ಅಂಗಡಿಗಳಲ್ಲಿ ಮೂಲಂಗಿ ಖರೀದಿಸಿರ್ತೀರಿ, ಪಲ್ಯ, ಸಾರು ಮಾಡಿ ಊಟ ಮಾಡಿರ್ತೀರಿ. ಆದರೆ ಇಲ್ಲೊಂದು ಮೂಲಂಗಿ ಇದೆ ನೋಡಿ, ಇಂಥಾ ಮೂಲಂಗಿಯನ್ನ ನೀವು ಕನಸಿನಲ್ಲೂ ಕಂಡಿರಲ್ಲ!

ಈಗ ಮೂಲಂಗಿ ಸುದ್ದಿ ಬಂದಿದ್ದಾದ್ರೂ ಯಾಕೆ ಅಂತೀರ? ಕೃಷಿಕರೋರ್ವರು ಬೆಳೆದ ಮೂಲಂಗಿಯನ್ನ ನೋಡೋಕೆ ಜನರು ಮುಗಿಬೀಳ್ತಿದ್ದಾರೆ. ಅಷ್ಟಕ್ಕೂ ಈ ಮೂಲಂಗಿಲಿ ಅಂಥಾ ಸ್ಪೆಷಾಲಿಟಿ ಏನಿದೆ ಅಂತ ಹೇಳ್ತೀವಿ ನೋಡಿ.

ಮಹಾರಾಷ್ಟ್ರದ ಬೀಡ್ ಜಿಲ್ಲೆಯ ಕೃಷಿಕರೊಬ್ಬರು ಬರೋಬ್ಬರಿ 5 ಕೆಜಿ ತೂಗುವ ಮೂಲಂಗಿ ಬೆಳೆದಿದ್ದಾರೆ. ಈ ಬೃಹತ್ ಗಾತ್ರದ ಮೂಲಂಗಿ ಈಗ ಭಾರೀ ವೈರಲ್ ಆಗ್ತಿದೆ.

ಜ್ಞಾನದೇವ ಎಂಬ ಕೃಷಿಕರು ತಮ್ಮ ಎರಡೂವರೆ ಎಕರೆ ಕೃಷಿ ಜಮೀನಿನಲ್ಲಿ ಶೇಂಗಾ ಬೆಳೆದಿದ್ದರು. ಅದರ ಜೊತೆಗೆ ಮೂಲಂಗಿ ಕೃಷಿಯನ್ನೂ ಮಾಡಿದ್ದರು. ಹೀಗೆ ಬೆಳೆದ ಒಟ್ಟು 15 ಮೂಲಂಗಿಗಳು ಬರೋಬ್ಬರಿ 5 ಕೆಜಿ ತೂಗಿವೆ. ಇದು ಅಚ್ಚರಿಗೆ ಕಾರಣವಾಗಿದೆ.

ಅಂದಹಾಗೆ ಜ್ಞಾನದೇವ ಅವರು ಹಸುವಿನ ಸಗಣಿ ಹೊರತುಪಡಿಸಿ ಸೂಪರ್ ಫಾಸ್ಫೇಟ್ ಗೊಬ್ಬರವನ್ನು ಬಳಸಿ ಮೂಲಂಗಿ ಬೆಳೆದಿದ್ದಾರೆ.

ಅದರ ಜೊತೆಗೆ ಕಾಲಕಾಲಕ್ಕೆ ಅಗತ್ಯಕ್ಕೆ ತಕ್ಕಷ್ಟು ನೀರನ್ನು ಮಾತ್ರ ಹಾಕಿ ಮೂಲಂಗಿ ಬೆಳೆದಿದ್ದಾರೆ ಈ ಕೃಷಿಕ. ಕೇವಲ ಇಷ್ಟರಿಂದಲೇ ಮೂಲಂಗಿಗಳು ಬೃಹತ್ ಗಾತ್ರಕ್ಕೆ ಬೆಳೆದಿದೆ ಎನ್ನುತ್ತಾರೆ ಈ ಕೃಷಿಕ.

ಒಟ್ಟಾರೆ ಗ್ರಾಂ ಲೆಕ್ಕದಲ್ಲಿ ತೂಗುವ ಮೂಲಂಗಿ ಬರೋಬ್ಬರಿ ಐದು ಕೆಜಿ ತೂಕ ಬೆಳೆದಿರೋದು ಅಚ್ಚರಿಗೆ ಕಾರಣವಾಗಿದೆ.