Indian Mangoes: ಭಾರತದಲ್ಲಿ ಈ 12 ರಾಜ್ಯಗಳಲ್ಲಿ ಅತೀ ಹೆಚ್ಚು ಮಾವು ಬೆಳೆಯುತ್ತಾರಂತೆ! ಎಲ್ಲಿ, ಯಾವ ಮ್ಯಾಂಗೋ ಫೇಮಸ್ ಗೊತ್ತಾ?

ಭಾರತದಲ್ಲಿ ಮಾವಿನ ಸೀಸನ್ ಮಾರ್ಚ್​ನಿಂದ ಜುಲೈವರೆಗೆ ಇರುತ್ತದೆ. ಈ ಸಮಯದಲ್ಲಿ ಹಣ್ಣಾಗುವ ಮಾವು ಉತ್ತಮ ರುಚಿಯನ್ನು ಹೊಂದಿರುತ್ತದೆ. ಹಾಗಾಗಿ ಭಾರತದಲ್ಲಿ ಹಲವು ಬಗೆಯ ಮಾವಿನ ಹಣ್ಣುಗಳು ಲಭ್ಯವಿವೆ. ಸುಮಾರು 12 ರಾಜ್ಯಗಳು ಅತ್ಯುತ್ತಮ ಮಾವನ್ನು ಬೆಳೆಯುತ್ತವೆ. ಅಲ್ಫೋನ್ಸೋ, ಕೇಸರ್, ದಾಸರಿ, ಲಾಂಗ್ರಾ, ಬಂಗನಪಲ್ಲಿ, ತೋತಾಪುರಿ ಮತ್ತು ಇನ್ನೂ ಅನೇಕ ತಳಿಯ ಮಾವುಗಳನ್ನು ಬೆಳೆಯಲಾಗುತ್ತದೆ. ಯಾವ ಯಾವ ರಾಜ್ಯಗಳಿಂದ ಯಾವ ತಳಿಯ ಮಾವಿನ ಹಣ್ಣುಗಳು ಬರುತ್ತಿವೆ ಎಂಬುದನ್ನು ಈ ಗ್ರಾಫಿಕ್ಸ್‌ನಲ್ಲಿ ತಿಳಿದುಕೊಳ್ಳೋಣ.

ಆಂಧ್ರಪ್ರದೇಶ ಮಾವಿಗೆ ಹೆಸರುವಾಸಿಯಾಗಿದೆ. ಈ ರಾಜ್ಯದಲ್ಲಿ ಬಂಗನಪಲ್ಲಿ, ಸುವರ್ಣರೇಖಾ, ನೀಲಂ ಮತ್ತು ತೋತಾಪುರಿ ಮಾವುಗಳನ್ನು ಬೆಳೆಯಲಾಗುತ್ತದೆ.

ಪಶ್ಚಿಮ ಬಂಗಾಳದಲ್ಲಿ ಫಜ್ಲಿ, ಗುಲಾಬ್ಖಾಸ್, ಹಿಮಸಾಗರ್, ಕಶನ್ ಭೋಗ್, ಲಾಂಗ್ರಾ, ಬಾಂಬೆ ಗ್ರೀನ್ ಮಾವಿನಹಣ್ಣುಗಳು ಲಭ್ಯವಿದೆ.

ಉತ್ತರ ಪ್ರದೇಶದಲ್ಲಿ ಬಾಂಬೆ ಗ್ರೀನ್, ಚೌಸಾ, ದಶಹರಿ ಮತ್ತು ಲಾಂಗ್ರಾ, ಬನಾರಸಿ ಆಮ್ ಲಾಂಗ್ಡಾ ತಳಿಗಳು ಹೆಚ್ಚು ಪ್ರಸಿದ್ಧವಾಗಿದೆ . ಉತ್ತರ ಪ್ರದೇಶದಲ್ಲಿ ಪ್ರತಿ ವರ್ಷ 35 ರಿಂದ 45 ಲಕ್ಷ ಮೆಟ್ರಿಕ್ ಟನ್ ಮಾವು ಉತ್ಪಾದನೆಯಾಗುತ್ತದೆ.

ತಮಿಳುನಾಡಿನಲ್ಲಿ ಅಲ್ಫೋನ್ಸೋ, ತೋತಾಪುರಿ, ಬಂಗಿನಪಲ್ಲಿ, ಮಲ್ಗೋವಾ ಮತ್ತು ನೀಲಂ ಮಾವಿನ ಹಣ್ಣುಗಳು ಸಿಗುತ್ತವೆ. ರಾಜ್ಯದ ಕೃಷ್ಣಗಿರಿಯಲ್ಲಿ ಹೆಚ್ಚು ಮಾವು ಬೆಳೆಯಲಾಗುತ್ತದೆ. ಇಲ್ಲಿ ಸುಮಾರು 3 ಲಕ್ಷ ಟನ್​ ಮಾವಿನ ಹಣ್ಣು ಪ್ರತಿವರ್ಷ ಉತ್ಪಾದನೆಯಾಗುತ್ತಿದೆ.

ಪಂಜಾಬ್​ ನಲ್ಲಿ ಚೌಸಾ, ದಶಹರಿ ಮತ್ತು ಮಾಲ್ಡಾ ಮಾವಿನ ಹಣ್ಣುಗಳು ಪ್ರಸಿದ್ಧವಾದರೆ, ರಾಜಸ್ಥಾನದಲ್ಲಿ ಬಾಂಬೆ ಗ್ರೀನ್, ಚೌಸಾ, ದಶಹರಿ ಮತ್ತು ಲಾಂಗ್ರಾ ಮಾವಿನ ಹಣ್ಣುಗಳು ಹೆಚ್ಚಾಗಿ ಸಿಗುತ್ತವೆ.

ಮಧ್ಯಪ್ರದೇಶದಲ್ಲಿ ಅಲ್ಫಾನ್ಸೋ, ಬಾಂಬೆ ಗ್ರೀನ್, ದಶಹರಿ, ಫಜ್ಲಿ, ಲಾಂಗ್ರಾ, ನೀಲಂ ಮಾವಿನ ಹಣ್ಣುಗಳನ್ನು ಹೆಚ್ಚಾಗಿ ಬೆಳೆಯಲಾಗುತ್ತದೆ.

ಕರ್ನಾಟಕದಲ್ಲಿ ಅಲ್ಫೋನ್ಸೋ, ತೋತಾಪುರಿ, ರಸ್ಪುರಿ, ನೀಲಂ ಮತ್ತು ಮುಲ್ಗೋವ ಮಾವಿನ ಹಣ್ಣುಗಳು ಕರ್ನಾಟಕದಲ್ಲಿ ಹೆಚ್ಚು ಪ್ರಸಿದ್ಧವಾಗಿವೆ.

ಹಿಮಾಚಲ ಪ್ರದೇಶದಲ್ಲಿ ಚೌಸಾ, ದಶಹರಿ, ಲಾಂಗ್ರಾ ಹಾಗೂ ಮಹಾರಾಷ್ಟ್ರದಲ್ಲಿ ಅಲ್ಫಾನ್ಸೋ, ಕೇಸರ್, ಪಿರಿ ಮಾವಿನ ಹಣ್ಣುಗಳು ಸಿಗುತ್ತವೆ.

ಚೌಸಾ, ದಶಹರಿ, ಲಾಂಗ್ರಾ, ಫಜ್ಲಿ ಮಾವಿನ ಹಣ್ಣುಗಳನ್ನು ಹರಿಯಾಣದಲ್ಲಿ ಹೆಚ್ಚಾಗಿ ಕಂಡುಬರುತ್ತವೆ.

ಕೇಸರ್, ಅಲ್ಫೋನ್ಸೋ, ರಾಜಪುರಿ, ಜಮಾದಾರ್, ತೋತಾಪುರಿ, ನೀಲಂ, ದಶರಿ ಮತ್ತು ಲಾಂಗ್ರಾ ಮಾವುಗಳನ್ನು ಗುಜರಾತ್‌ನಲ್ಲಿ ಉತ್ಪಾದಿಸಲಾಗುತ್ತದೆ.

ಬಾಂಬೆ ಗ್ರೀನ್, ಚೌಸಾ, ದಶಹರಿ, ಫಜ್ಲಿ, ಗುಲಾಬ್ಖಾಸ್, ಕಿಶನ್ ಭೋಗ್, ಹಿಮಸಾಗರ್, ಜರ್ದಾಲೂ, ಲಾಂಗ್ರಾ ಮಾವಿನ ತಳಿಗಳನ್ನು ಬಿಹಾರದಲ್ಲಿ ಬೆಳೆಯಲಾಗುತ್ತದೆ.