Farmer Success Story: ಹೊಸ ತಳಿ ಗೋಧಿ ಬೆಳೆದು ಎಕರೆಗೆ 2 ಲಕ್ಷ ಆದಾಯ ಗಳಿಸಿದ ರೈತ, ಫಸಲಿಗೂ ಮೊದಲೇ ಬಿತ್ತನೆ ಬೀಜಕ್ಕಾಗಿ ಅಡ್ವಾನ್ಸ್ ಬುಕ್ಕಿಂಗ್!

ರಾಜಸ್ಥಾನದ ಭರತಪುರ ಜಿಲ್ಲೆಯ ಪಿಪ್ಲಾ ಗ್ರಾಮದ ರೈತ ದಿನೇಶ್ ತೆಂಗುರಿಯಾ ಎಂಬ ರೈತ ಈಗ ದೇಶಾದ್ಯಂತ ರೈತ ಸುದ್ದಿಗೆ ಬಂದಿದ್ದಾನೆ. ಈತನ ಬಗ್ಗೆ ನ್ಯೂಸ್ 18 ವರದಿ ಮಾಡಿದ ಮೇಲೆ ಪ್ರತಿದಿನ ಈತನಿಗೆ ಸಾವಿರಕ್ಕೂ ಹೆಚ್ಚು ಪೋನ್​ ಕರೆಗಳು ಬರುತ್ತಿವೆಯಂತೆ.

ದಿನೇಶ್​ ತೆಂಗುರಿಯಾ ಅವರು ಬೆಳೆದಿರುವ ಗೋಧಿ ಬಗ್ಗೆ ನ್ಯೂಸ್​ 18 ವರದಿ ಪ್ರಕಟಿಸಿತ್ತು. ಇದೀಗ ಐದು ದಿನಗಳಲ್ಲಿ ಈ ಗೋಧಿಯ ಬೀಜಗಳಿಗೆ ಮುಂಗಡ ಬುಕ್ಕಿಂಗ್ ಶುರುವಾಗಿವೆಯಂತೆ. ಇದು ನ್ಯೂಸ್ 18 ಸುದ್ದಿ ದೇಶಾದ್ಯಂತ ಎಷ್ಟು ಪ್ರಭಾವ ಬೀರಿದೆ ಎಂಬುದನ್ನು ತೋರಿಸಿದೆ. ದಿನೇಶ್​ಗೆ ಹೊಸ ತಳಿ ಗೋಧಿಯ ಬಿತ್ತನೆ ಬೀಜಕ್ಕಾಗಿ ದೇಶಾದ್ಯಂತ ಸಾವಿರಾರು ರೈತರು ಕರೆ ಮಾಡುತ್ತಿದ್ದಾರೆ ಎಂದು ದಿನೇಶ್ ಹೇಳಿದ್ದಾರೆ.

ಈ ಗೋಧಿ ಬೆಳೆಯಿಂದ ರೈತರಿಗೆ ಕಡಿಮೆ ವೆಚ್ಚದಲ್ಲಿ ದುಪ್ಪಟ್ಟು ಲಾಭ ಸಿಗಲಿದೆ ಎಂದು ದಿನೇಶ್​ ಹೇಳಿಕೊಂಡಿದ್ದಾರೆ. ದಿನೇಶ್ ವಾರಣಾಸಿ ನಿವಾಸಿ ಪ್ರಕಾಶ್ ರೈ ರಘುವಂಶಿ ಎಂಬುವರಿಂದ ನೇಚರ್ 8 ಅಂಡ್​ ​ 9 ಎಂಬ ಗೋಧಿ ತಳಿಯನ್ನು ಕ್ವಿಂಟಲ್‌ಗೆ 10,000 ರೂ. ನೀಡಿ ಖರೀದಿಸಿ ತಂದಿದ್ದರು.

ಅವರು ಸುಮಾರು 1 ಹೆಕ್ಟೇರ್ ನಲ್ಲಿ ಈ ಭೀಜವನ್ನು ಬಿತ್ತಿದ್ದಾರೆ. ಈಗ ಬೆಳೆ ಬಹುತೇಕ ಕಟಾವಿಗೆ ಬಂದಿದೆ. 1 ಎಕರೆಯಲ್ಲಿ 40 ಕ್ವಿಂಟಾಲ್​ ಇಳುವರಿ ಬಂದಿದೆ.

ನ್ಯೂಸ್ 18 ಈ ಕುರಿತು ವರದಿ ಮಾಡಿದ ನಂತರ, ತಾವು ಬೆಳೆದಿರುವ ಗೋಧಿಯ ಬಿತ್ತನೆ ಬೀಜಗಳಿಗಾಗಿ ಸಾವಿರಾರು ಕರೆಗಳು ಬರುತ್ತಿದೆ ಎಂದು ದಿನೇಶ್​ ತಿಳಿಸಿದ್ದಾರೆ. ತಾವು 10000 ನೀಡಿ ತಂದಿದ್ದರೂ ರೈತರಿಗೆ ಕ್ವಿಂಟಲ್‌ಗೆ 5000 ರೂ. ದರದಲ್ಲಿ ಬೀಜಗಳನ್ನು ಮಾರಾಟ ಮಾಡುವುದಾಗಿ ದಿನೇಶ್ ತಿಳಿಸಿದ್ದಾರೆ.

ಈ ತಳಿಯ ಗೋಧಿಯಿಂದ ರೈತನಿಗೆ ಕಡಿಮೆ ಖರ್ಚಿನಲ್ಲಿ ಹೆಚ್ಚು ಲಾಭ ಸಿಗಲಿದೆ ಎನ್ನುತ್ತಾರೆ ರೈತ ದಿನೇಶ್. ನೀವು ಈ ಬಿತ್ತನೆ ಬೀಜವನ್ನು ಅನ್ನು ಖರೀದಿಸಲು ಬಯಸಿದರೆ, ಮೊಬೈಲ್ ಸಂಖ್ಯೆ 9785914610, 7976110013 ಅನ್ನು ಸಂಪರ್ಕಿಸಬಹುದು.

ಈ ಸುದ್ದಿಯ ನಂತರ ಜಿಲ್ಲೆಯ ಕೃಷಿ ಅಧಿಕಾರಿಗಳು ಸೇರಿದಂತೆ ಸಾವಿರಾರು ಸಂಖ್ಯೆಯ ರೈತರು ಬೆಳೆ ನೋಡಲು ದಿನೇಶ್​ ಜಮೀನಿನ ಬಳಿ ಆಗಮಿಸುತ್ತಿರುವುದು.