Apple Farming: ಈ ತಳಿಯ ಸೇಬನ್ನು ದೇಶದ ಯಾವುದೇ ವಾತಾವರಣದಲ್ಲಾದರೂ ಬೆಳೆಯಬಹುದು! 25 ವರ್ಷದವರೆಗೆ ಆದಾಯ ಪಕ್ಕಾ!

ಸೇಬಿನ ಬಲೆ ತಿಳಿದವರಿಗೆ ಅದನ್ನು ಬೆಳೆದರೆ ಎಷ್ಟು ಲಾಭ ಬರುತ್ತದೆ ಎಂಬುದು ಎಲ್ಲರಿಗೂ ತಿಳಿದಿರುವ ವಿಷಯ. ಆದರೆ ಆ ಬೆಳೆಗೆ ವಾತಾವರಣ ತಂಪಾಗಿರಬೇಕು. ಆದರೆ ಗುಜರಾತ್​ನಲ್ಲಿ ಸೇಬು ಕೃಷಿಗೆ ಸೂಕ್ತ ವಾತಾವರಣ ಇಲ್ಲದ ಕಾರಣ ರೈತರಿಗೆ ಈ ಬಳೆ ಬೆಳೆಯುವುದು ಸವಾಲಾಗಿ ಪರಿಣಮಿಸಿತ್ತು. ಹೊಸ ಹೊಸ ಬಗೆಯ ಬೆಳೆಗಳನ್ನು ಬೆಳೆದರೂ ಸೇಬು ಬೆಳಳೆಯಲು ಮಾತ್ರ ಸಾಧ್ಯವಾಗುತ್ತಿಲ್ಲ ಎಂಬ ಭಾವನೆ ಅವರಲ್ಲಿತ್ತು. ಈಗ ಆ ಕನಸು ಕೂಡ ನನಸಾಗುತ್ತಿದೆ.

ಸರಕಾರದ ಕೃಷಿ ಇಲಾಖೆ ಅಧಿಕಾರಿಗಳು, ಸಂಶೋಧನಾ ಸಂಸ್ಥೆಗಳು, ವಿಜ್ಞಾನಿಗಳು, ತಜ್ಞರು ಸೇರಿ ನಾನಾ ಪ್ರಯೋಗಗಳನ್ನು ಮಾಡಿ ರೈತರೊಂದಿಗೆ ಆಧುನಿಕ ಕೃಷಿ ಮಾಡುತ್ತಿದ್ದಾರೆ. ಈ ಮೂಲಕ ರೈತರ ಆದಾಯವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಇಂತಹ ಪ್ರಾಯೋಗಿಕ ಬೆಳೆಗಳಿಗೆ ಸರಕಾರ ಸಹಾಯಧನ ನೀಡಿ ಪ್ರೋತ್ಸಾಹಿಸುತ್ತಿದೆ.

ಇದೀಗ ವಿಜ್ಞಾನಿಗಳು ಜಮ್ಮು ಮತ್ತು ಕಾಶ್ಮೀರ, ಹಿಮಾಚಲದಂತಹ ಶೀತ ಪ್ರದೇಶ ಹಾಗೂ ಬಿಹಾರದಂತಹ ಬಯಲು ಪ್ರದೇಶದಲ್ಲಿ ಬೆಳೆಯುವ ಹೊಸ ಬಗೆಯ ಸೇಬುಗಳನ್ನು ಅಭಿವೃದ್ಧಿಪಡಿಸಿದ್ದಾರೆ. ಇದು ಗುಜರಾತ್‌ನ ರೈತರಲ್ಲಿ ಸಂತಸವನ್ನು ಮಾಡಿದೆ.

ಹಿಮಾಚಲ ಪ್ರದೇಶ, ಜಮ್ಮು ಮತ್ತು ಕಾಶ್ಮೀರ, ಉತ್ತರಾಖಂಡ ಹೊರತುಪಡಿಸಿ ವಿಜ್ಞಾನಿಗಳು ಅಭಿವೃದ್ಧಿ ಪಡಿಸಿರುವ ತಳಿಯ ಸೇಬನ್ನು ದೇಶದ ಅನೇಕ ಬಯಲು ಪ್ರದೇಶಗಳಲ್ಲಿ ಬೆಳೆಯಬಹುದಾಗಿದೆ. ಬಿಹಾರದ ಕೆಲ ರೈತರು ಈ ರೀತಿಯ ಸೇಬು ಕೃಷಿ ಆರಂಭಿಸಿದ್ದಾರೆ. ಈ ಸೇಬಿನ ತಳಿಗೆ ಹರಿಮಾನ್ 99 ಎಂದು ಹೆಸರಿಸಲಾಗಿದೆ. ಇದು ಶುಷ್ಕ, ಒಣ ಪ್ರದೇಶಗಳಲ್ಲಿ ಸುಲಭವಾಗಿ ಬೆಳೆಯುತ್ತದೆ.

ಕೆಲವು ರೈತರು ಈ ಹರಿಮಾನ್ 99 ತಳಿಯ ಸೇಬನ್ನು ಬೆಳೆಯುವ ಮೂಲಕ ಭಾರಿ ಆದಾಯವನ್ನು ಪಡೆಯುತ್ತಿದ್ದಾರೆ. ಬಿಹಾರದಲ್ಲಿ ಈಗಾಗಲೇ ಹಲವು ರೈತರು ಈ ರೀತಿಯ ಸೇಬು ಕೃಷಿಯತ್ತ ಮುಖ ಮಾಡುತ್ತಿದ್ದಾರೆ.

ಈ ರೀತಿಯ ಸೇಬಿನಲ್ಲಿ ಮೊದಲ ವರ್ಷದಿಂದಲೇ ರೈತರಿಗೆ ಹಣ್ಣುಗಳು ಸಿಗಲಾರಂಭಿಸುತ್ತವೆ. ಉತ್ಪಾದನೆಯೂ ಚೆನ್ನಾಗಿದೆ ಉತ್ತಮವಾಗಿರುತ್ತದೆ. ಇದಲ್ಲದೇ ಮಾರುಕಟ್ಟೆಯಲ್ಲಿ ಈ ಜಾತಿಯ ಸೇಬಿಗೆ ಉತ್ತಮ ಬೆಲೆಯೂ ಸಿಗುತ್ತಿದೆ.

ಈ ತಳಿಯ ಸೇಬನ್ನು ಬೆಳೆಯುವ ಮೂಲಕ ರೈತರು ಒಳ್ಳೆಯ ಲಾಭಗಳಿಸಬಹುದು. ಆದರೆ ಈ ಸೇಬಿನ ಕೃಷಿಯನ್ನು ಪ್ರಾರಂಭಿಸಿದಾಗ, ಆರಂಭದಲ್ಲಿ ಒಂದು ಮರದಿಂದ ಕೇವಲ 5-10 ಕೆಜಿ ಹಣ್ಣುಗಳು ಸಿಗುತ್ತವೆ.

ಈ ಜಾತಿಯ ಮರವು ನೆಟ್ಟ 25 ವರ್ಷಗಳವರೆಗೆ ರೈತರಿಗೆ ಹಣ್ಣುಗಳನ್ನು ನೀಡುತ್ತಲೇ ಇರುತ್ತದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ. ಇದಲ್ಲದೆ, ಈ ಜಾತಿಯ ಸೇಬು ಮರವು 40 ಡಿಗ್ರಿಗಳವರೆಗೆ ತಾಪಮಾನವನ್ನು ತಡೆದುಕೊಳ್ಳಬಲ್ಲದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

Disclaimer: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಒಂದು ಸಾಮಾನ್ಯ ಸುದ್ದಿಯಾಗಿದೆ. ಆದರೆ ಇದರ ಫಲಿತಾಂಶಗಳು ಎಲ್ಲರಿಗೂ ಒಂದೇ ಆಗಿರುವುದಿಲ್ಲ. ಆಯಾ ಪ್ರದೇಶಗಳಲ್ಲಿನ ಹವಾಮಾನ ಪರಿಸ್ಥಿತಿಗಳು ಮತ್ತು ಮಣ್ಣಿನ ಮೇಲೆ ಅವಲಂಬಿತವಾಗಿರುತ್ತದೆ. ಅದನ್ನು ನ್ಯೂಸ್ 18 ಖಚಿತಪಡಿಸಿಲ್ಲ ಎಂಬುದನ್ನು ನಿಮ್ಮ ಗಮನಕ್ಕಿರಲಿ. ಒಂದು ವೇಳೆ ನಿಮಗೂ ಈ ಕೃಷಿಯಲ್ಲಿ ತೊಡಗಿಸಿಕೊಳ್ಳಲು ಆಸಕ್ತಿ ಇದ್ದರೆ ಸಂಬಂಧಿತ ತಜ್ಞರಿಂದ ಸಲಹೆ ಪಡೆಯಿರಿ.