Most Expensive Potato: ಈ ಆಲೂಗಡ್ಡೆ ಬೆಳೆದ್ರೆ ರೈತರು ಕೋಟ್ಯಾಧಿಪತಿಗಳಾಗಬಹುದು! ಇದರ ಬೆಲೆ ಕೆಜಿಗೆ 40-45 ಸಾವಿರ!

ಆಲೂಗಡ್ಡೆ ಸಾಮಾನ್ಯವಾಗಿ ಕೆಜಿಗೆ 25-30 ರೂಪಾಯಿ ಇರುವುದನ್ನ ಕೇಳಿರುತ್ತೇವೆ. ಅತಿ ಬರಪೀಡಿತ ಪ್ರದೇಶವಾದರೆ 40 ರೂ. ಇರಬಹುದು. ಆದರೆ ಅದೇ ಬೆಲೆಗೆ ಸಾವಿರ ಪಟ್ಟು ಹೆಚ್ಚು ಬೆಲೆ ಬಾಳುವ ಆಲೂಗಡ್ಡೆ ಇದೆ ಎಂದರೆ ನಂಬುತ್ತೀರಾ.? ಆ ದುಬಾರಿ ಆಲೂಗಡ್ಡೆ ಎಲ್ಲಿ ಬೆಳೆಯುತ್ತಾರೆ? ಅದರಲ್ಲಿನ ವಿಶೇಷತೆ ಏನು? ಎಂಬುದನ್ನು ಈ ಸುದ್ದಿಯಲ್ಲಿ ತಿಳಿದುಕೊಳ್ಳಿ.

ಈ ಆಲೂಗಡ್ಡೆಯನ್ನ ಲೆ ಬೊನೊಟ್ಟೆ ಎಂದು ಕರೆಯಲಾಗುತ್ತದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಲೆ ಬೊನೊಟ್ಟೆ ಆಲೂಗಡ್ಡೆಗೆ ಭಾರಿ ಬೇಡಿಕೆ ಇದೆ. ಅವು ಪ್ರಪಂಚದ ಕೆಲವೇ ಕೆಲವೇ ಪ್ರದೇಶಗಳಲ್ಲಿ ಮಾತ್ರ ಕಂಡು ಬರುತ್ತವೆ. ಫ್ರಾನ್ಸ್‌ನ ಐಲ್ ಡಿ ನೊಯಿರ್ಮೌಟಿಯರ್ ದ್ವೀಪದಲ್ಲಿ ಮಾತ್ರ ಈ ಆಲೂಗಡ್ಡೆ ಬೆಳೆಯಲಾಗುತ್ತದೆ.

ಈ ಆಲೂಗಡ್ಡೆಯ ವಿಶೇಷವೆಂದರೆ ಇದು ಮರಳು ಮಣ್ಣಿನಲ್ಲಿ ಬೆಳೆಯುತ್ತದೆ. ಕಡಲಕಳೆಯನ್ನ ಈ ಆಲೂಗಡ್ಡೆಗೆ ಗೊಬ್ಬರವಾಗಿ ಬಳಲಾಗುತ್ತದೆ. ಈ ಆಲೂಗಡ್ಡೆ ಬೆಳೆಯನ್ನ 50 ಚದರ ಮೀಟರ್ ಭೂಮಿಯಲ್ಲಿ ಬೆಳೆಸಲಾಗುತ್ತದೆ.

ಲೆ ಬೊನೊಟ್ ಒಂದು ರೀತಿಯ ವಿಭಿನ್ನ ಆಲೂಗಡ್ಡೆಯಾಗಿದ್ದು, ಅದು ಎಲ್ಲಾ ಆಲೂಗಡ್ಡೆಗಳಿಗಿಂತ ರುಚಿಯ ವಿಷಯದಲ್ಲಿ  ಸ್ವಲ್ಪ ಭಿನ್ನವಾಗಿರುತ್ತದೆ. ಇಂತಹ ಅಪರೂಪದ ಆಲೂಗಡ್ಡೆಯನ್ನು ಕರಿ, ಸಾಗು ಅಥವಾ ತಮ್ಮ ದೈನಂದಿನ ಆಹಾರದಲ್ಲಿ ಬಳಸಲು ಯಾರೂ ಧೈರ್ಯ ಮಾಡುವುದಿಲ್ಲ. ಇದನ್ನ ಸೂಪ್‌ಗಳು, ಕ್ರೀಮ್‌ಗಳು, ಪ್ಯೂರಿಗಳನ್ನು ತಯಾರಿಸಲು ಮಾತ್ರ ಬಳಸಲಾಗುತ್ತದೆ.

ಚಿನ್ನವೆಂದು ಪರಿಗಣಿಸಲ್ಪಟ್ಟಿರುವ ಈ ಆಲೂಗಡ್ಡೆಯು ವೈದ್ಯಕೀಯ ಪ್ರಯೋಜನಗಳನ್ನೂ ಹೊಂದಿದೆ. ಇದು ಮನುಷ್ಯನನ್ನು ಅನೇಕ ರೋಗಗಳಿಂದ ರಕ್ಷಿಸುತ್ತದೆ. ಈ ಪ್ರಯೋಜನಕಾರಿ ಆಲೂಗಡ್ಡೆ ಮಾರುಕಟ್ಟೆಯಲ್ಲಿ ಲಭ್ಯವಿಲ್ಲದಿದ್ದರೂ, ಇದನ್ನು ಆನ್‌ಲೈನ್‌ನಲ್ಲಿ ಖರೀದಿಸಬಹುದು. ಇದರ ಬೆಲೆ 44-45 ಸಾವಿರ ರೂ. ಕಾಲಕಾಲಕ್ಕೆ ಈ ಬೆಲೆ ಏರುತ್ತದೆ ಮತ್ತು ಇಳಿಯುತ್ತದೆ. ಒಂದೇ ಮಾತಿನಲ್ಲಿ ಹೇಳುವುದಾದರೆ, ಈ ವಿಧದ ಆಲೂಗಡ್ಡೆಯ ಒಂದು ಕೆಜಿಗೆ ನೀವು ವಿನಿಯೋಗಿಸುವ ಹಣದಿಂದ ಒಂದು ಜೊತೆ ಚಿನ್ನದ ಕಿವಿಯೋಲೆಗಳು ಖರೀದಿಸಬಹುದು ಎಂದರೆ ತಪ್ಪಾಗಲಾರದು. (ಫೋಟೋ ಕ್ರೆಡಿಟ್ - ಕ್ಯಾನ್ವಾ)

ಈ ಆಲೂಗಡ್ಡೆ ಬೀಜಗಳನ್ನು ಫೆಬ್ರವರಿಯಲ್ಲಿ ಬಿತ್ತಲಾಗುತ್ತದೆ. 3 ತಿಂಗಳ ನಂತರ ಅದನ್ನು ಎಚ್ಚರಿಕೆಯಿಂದ ಕೈಯಿಂದಲೇ ಕೊಯ್ಲು ಮಾಡಲಾಗುತ್ತದೆ. ದುಬಾರಿ ತಳಿಯಾಗಿರುವ ಈ ಬೆಳೆಯನ್ನು ಯಾವುದೇ ಯಂತ್ರಗಳನ್ನು ಬಳಸದೆ ಕೈಯಿಂದಲೇ ಕೊಯ್ಲು ಮಾಡಲಾಗುತ್ತದೆ.

(Disclaimer: ಇಲ್ಲಿ ನೀಡಲಾದ ಮಾಹಿತಿ ಇಂಟರ್​ನೆಟ್ ಪಡೆದದ್ದು​ ಮತ್ತು ತಜ್ಞರ ವೈಯಕ್ತಿಕ ಅಭಿಪ್ರಾಯಗಳನ್ನು ಪ್ರತಿನಿಧಿಸುತ್ತದೆ. News 18 ಕನ್ನಡ ಅಥವಾ ಅದರ ನಿರ್ವಹಣೆಯು ಅದಕ್ಕೆ ಜವಾಬ್ದಾರರಾಗಿರುವುದಿಲ್ಲ. ಈ ರೀತಿಯ ಕೃಷಿಯನ್ನು ಮಾಡುವ ಮೊದಲು ನೀವು ಸಲಹೆಗಾರರನ್ನು ಸಂಪರ್ಕಿಸಲು ಮರೆಯದಿರಿ.)