Success Story: ಡಬಲ್​ ಡಿಗ್ರಿ ಮಾಡಿ ಕೃಷಿಗೆ ಇಳಿದ ಯುವಕ! 3 ಎಕರೆಯಲ್ಲಿ ವರ್ಷಕ್ಕೆ 40 ಲಕ್ಷ ಆದಾಯಗಳಿಸಿದ MBA ಗ್ರ್ಯಾಜುಯೆಟ್

ಪ್ರಸ್ತುತ ಕೃಷಿ ಕ್ಷೇತ್ರವು ವೇಗವಾಗಿ ಬೆಳೆಯುತ್ತಿದೆ. ಆದರೆ ಇಂದಿನ ಯುವಜನತೆ ಕೃಷಿಯಲ್ಲಿ ಹೆಚ್ಚು ಆಸಕ್ತಿ ತೋರುತ್ತಿಲ್ಲ. ಆದರೂ ಲಕ್ಷಗಟ್ಟಲೆ ದುಡಿಯುತ್ತಿದ್ದರೂ ಉನ್ನತ ಶಿಕ್ಷಣ ಮುಗಿಸಿ ಕೃಷಿಯನ್ನೇ ಕೈಗೆತ್ತಿಕೊಂಡಿರುವ ಕೆಲವು ಯುವಕರಿದ್ದಾರೆ. ಹಿಮಾಚಲ ಪ್ರದೇಶದಲ್ಲಿ ಮಂದೀಪ್ ಎಂಬ ಯುವಕ ಅದಕ್ಕೆ ಉತ್ತಮ ನಿದರ್ಶನವಾಗಿದ್ದಾರೆ. ಆತ ಎಂಬಿಎ ಮುಗಿಸಿದ ನಂತರ ಕಂಪನಿಯೊಂದರಲ್ಲಿ ಮ್ಯಾನೇಜರ್ ಆಗಿ ವೃತ್ತಿ ಜೀವನ ಆರಂಭಿಸಿದರು.

ಐದು ವರ್ಷಗಳ ಕಾಲ ಬಹುರಾಷ್ಟ್ರೀಯ ಕಂಪನಿಯಲ್ಲಿ ಉನ್ನತ ಹುದ್ದೆಯಲ್ಲಿ ಕೆಲಸ ಮಾಡಿದ ನಂತರ, ಮಂದೀಪ್ ತನ್ನ ಕುಟುಂಬದೊಂದಿಗೆ ತನ್ನ ಹುಟ್ಟೂರಾದ ಸೋಲನ್‌ಗೆ ಮರಳಲು ನಿರ್ಧರಿಸಿದರು. ಸೋಲನ್‌ಗೆ ಬಂದ ನಂತರ, ಮಂದೀಪ್ ಪಾಳು ಭೂಮಿಯಲ್ಲಿ ಕೃಷಿ ಮಾಡಲು ಯೋಚಿಸಿದ್ದಾರೆ. ಆದರೆ, ಅವರು ಸಾಂಪ್ರದಾಯಿಕವಾಗಿ ಇತರ ರೈತರಂತೆ ಕೃಷಿ ಮಾಡದೆ ವಿಭಿನ್ನ ರೀತಿಯಲ್ಲಿ ಕೃಷಿ ಮಾಡಲು ಬಯಸಿದ್ದರು. ಹಾಗಾಗಿ ತೋಟಗಾರಿಕೆ ಕೃಷಿಯತ್ತ ಮುಖ ಮಾಡಿದರು.

ಮಂದೀಪ್​ ಕೃಷಿ ಆರಂಭಿಸುವ ಮುನ್ನ ತಮ್ಮ ಪ್ರದೇಶದಲ್ಲಿ ಋತುಗಳು ಮತ್ತು ಹವಾಮಾನ ಹೇಗಿರುತ್ತದೆ? ಅದರ ಬಗ್ಗೆ ಮಾಹಿತಿ ಕಲೆ ಹಾಕಿದ್ದಾರೆ. ನಂತರ ಅವರು ಕೃಷಿಯ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರನ್ನು ಭೇಟಿಯಾದರು. ಇದೆಲ್ಲಾ ಮುಗಿದ ಮೇಲೆ ಅವರು ಕಿವಿ ಹಣ್ಣಿನ ಕೃಷಿ ಮಾಡಲು ನಿರ್ಧರಿಸಿದ್ದಾರೆ.

ಕಿವಿ ಹಣ್ಣಿನ ಕೃಷಿಯ ಬಗ್ಗೆ ಸಂಪೂರ್ಣ ಜ್ಞಾನ ಪಡೆಯಲು ಮನದೀಪ್ ಅನೇಕ ಪುಸ್ತಕಗಳನ್ನು ಓದಿದ್ದಾಗಿ ತಿಳಿಸಿದ್ದಾರೆ. ಇದಕ್ಕಾಗಿ ಅವರು ಹೆಚ್ಚಿನ ಸಮಯವನ್ನು ಗ್ರಂಥಾಲಯದಲ್ಲಿ ಕಳೆದಿದ್ದಾರೆ. ವಿಶ್ವವಿದ್ಯಾನಿಲಯದ ಪ್ರಾಧ್ಯಾಪಕರೊಂದಿಗೂ ಕೃಷಿ ಕುರಿತು ಚರ್ಚಿಸಿದ್ದಾರೆ. ಇಷ್ಟೆಲ್ಲಾ ಮಾಡಿದ ನಂತರ ಕಿವಿ ಬೇಸಾಯಕ್ಕೆ ಮುಂದಾಗಿದ್ದಾರೆ.

ಮಂದೀಪ್ ತೋಟಗಾರಿಕೆ ಇಲಾಖೆಯೊಂದಿಗೆ ಚರ್ಚಿಸಿದ ನಂತರ 2014ರಲ್ಲಿ ತಮ್ಮ ಮೂರು ಎಕರೆ ಜಮೀನಿನಲ್ಲಿ ಕಿವಿ ಹಣ್ಣಿನ ತೋಟಗಾರಿಕೆಯನ್ನು ಪ್ರಾರಂಭಿಸಿದರು. ಈ ತೋಟದಲ್ಲಿ ಅವರು ಕಿವಿಯ ಸುಧಾರಿತ ಪ್ರಭೇದಗಳನ್ನು ನೆಟ್ಟಿದ್ದರು.

ಮಂದೀಪ್ ತೋಟಗಾರಿಕೆ ಇಲಾಖೆಯೊಂದಿಗೆ ಚರ್ಚಿಸಿದ ನಂತರ 2014ರಲ್ಲಿ ತಮ್ಮ ಮೂರು ಎಕರೆ ಜಮೀನಿನಲ್ಲಿ ಕಿವಿ ಹಣ್ಣಿನ ತೋಟಗಾರಿಕೆಯನ್ನು ಪ್ರಾರಂಭಿಸಿದರು. ಈ ತೋಟದಲ್ಲಿ ಅವರು ಕಿವಿಯ ಸುಧಾರಿತ ಪ್ರಭೇದಗಳನ್ನು ನೆಟ್ಟಿದ್ದರು.

2017ರಲ್ಲಿ, ಕೀವಿಹಣ್ಣು ಪೂರೈಕೆಗಾಗಿ ಮಂದೀಪ್​ ವೆಬ್‌ಸೈಟ್‌ನಲ್ಲಿ ಆನ್‌ಲೈನ್ ಬುಕಿಂಗ್‌ಗಳನ್ನು ಆರಂಭಿಸಿದ್ದಾರೆ. ಈ ವೆಬ್‌ಸೈಟ್‌ನಲ್ಲಿ ಖರೀದಿದಾರರಿಗೆ ಹಣ್ಣನ್ನು ಯಾವಾಗ ಕೀಳಲಾಯಿತು? ಯಾವಾಗ ಪ್ಯಾಕ್ ಮಾಡಲಾಯಿತು? ಎಂಬುದು ಸೇರಿದಂತೆ ಹಲವು ಮಾಹಿತಿ ನೀಡಲಾಗಿದೆ. ನಿಧಾನವಾಗಿ ಆರಂಭವಾದ ವ್ಯಾಪಾರ ಇದೀಗ ದೇಶಾದ್ಯಂತ ಹರಡತೊಡಗಿದೆ. ಮಂದೀಪ್​ಗೆ ಹೈದರಾಬಾದ್, ಬೆಂಗಳೂರು, ದೆಹಲಿ, ಉತ್ತರಾಖಂಡ, ಪಂಜಾಬ್ ಮತ್ತು ಹರಿಯಾಣ ಸೇರಿದಂತೆ ರಾಜ್ಯಗಳಿಂದ ಕಿವಿ ಹಣ್ಣಿನ ಆರ್ಡರ್‌ಗಳನ್ನು ಬರುತ್ತಿವೆ.