Marigold: ಈ ಹೂ ಬೆಳೆಯಲು ಕಡಿಮೆ ಬಂಡವಾಳ ಸಾಕು! ಅಧಿಕ ಆದಾಯ, ಹೀಗೆ ಮಾಡಿದರೆ ಬಂಪರ್ ಪ್ರಾಫಿಟ್

ರೈತರು ತಮ್ಮ ಖಾಲಿ ಜಮೀನಿನಲ್ಲಿ ಮಾರಿಗೋಲ್ಡ್‌ (ಚೆಂಡು ಹೂವು) ಬೆಳೆಸುವ ಮೂಲಕ ಉತ್ತಮ ಆದಾಯವನ್ನು ಪಡೆಯಬಹುದು. ಮಾರಿಗೋಲ್ಡ್ ಹೂಗಳಿಗೆ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆಯಿದೆ. ಇದರ ಉತ್ಪಾದನೆಯು ರೈತರಿಗೆ ತುಂಬಾ  ಆದಾಯವನ್ನು ತಂದುಕೊಡಲಿದೆ.

ಮಾರಿಗೋಲ್ಡ್ ಅಥವಾ ಚೆಂಡು ಹೂ ಜನಪ್ರಿಯ ಹೂವುಗಳಲ್ಲಿ ಒಂದಾಗಿದೆ. ಇದನ್ನು ವರ್ಷವಿಡೀ ಲಭ್ಯವಿರುತ್ತದೆ ಮತ್ತು ಎಲ್ಲರೂ ಇಷ್ಟಪಡುತ್ತಾರೆ. ಈ ಹೂವು ಎಲ್ಲಾ ಕಡೆಯೂ ಸುಲಭವಾಗಿ ಸಿಗುತ್ತದೆ. ಹಬ್ಬ ಹರಿದಿನಗಳಲ್ಲದೇ ಮದುವೆ ಸೀಸನ್‌ನಲ್ಲಿಯೂ ಇವುಗಳನ್ನು ಬೆಳಸಲಾಗುತ್ತದೆ.

ಚೆಂಡು ಹೂಗಳು ವಾಹನಗಳಿಗೆ ಅಲಂಕರಿಸಲು, ಮನೆಗಳನ್ನು ಅಲಂಕರಿಸಲು ಮತ್ತು ಮಂಟಪಗಳನ್ನು ಅಲಂಕರಿಸಲು ಬೇಡಿಕೆಯಿದೆ. ಮಾರಿಗೋಲ್ಡ್​ ಅನ್ನು ವರ್ಷಕ್ಕೆ ಎರಡು ಬಾರಿ ಬೆಳೆಸಲಾಗುತ್ತದೆ. ರಾಮ ನವಮಿ, ನವರಾತ್ರಿ, ಮದುವೆಯ ಸಂದರ್ಭದಲ್ಲಿ ಇದರ ಬಳಕೆ ಹೆಚ್ಚು ಬೇಡಿಕೆ ಇರುತ್ತದೆ. ಮತ್ತೊಂದೆಡೆ ಆಗಸ್ಟ್-ಸೆಪ್ಟೆಂಬರ್​ನಲ್ಲಿ ಈ ಗಿಡಗಳನ್ನು ನೆಡಲಾಗುತ್ತದೆ.

ಚೆಂಡು ಹೂವುಗಳು ತಂಪಾದ ವಾತಾವರಣದ ಬೆಳೆ. ಶೀತ ವಾತಾವರಣದಲ್ಲಿ ಇದರ ಗುಣಮಟ್ಟ ಉತ್ತಮವಾಗಿರುತ್ತದೆ. ಮೊದಲು ಹೊಲವನ್ನು ಉಳುಮೆ ಮಾಡಿ, ನೆಡಲಾಗುತ್ತದೆ. ಇದರೊಂದಿಗೆ ಗೊಬ್ಬರವನ್ನೂ ಹಾಕಿದರೆ, ಉತ್ತಮ ಇಳುವರಿ ಬರುತ್ತದೆ.

ಚೆಂಡು ಹೂವುಗಳನ್ನು ಎಲ್ಲಾ ಮಣ್ಣಿನಲ್ಲಿ ಬೆಳೆಸಲಾಗುತ್ತದೆ ಆದರೆ ಫಲವತ್ತಾದ ಕಪ್ಪು ಮಣ್ಣು ಹೆಚ್ಚು ಸೂಕ್ತವಾಗಿದೆ. ಎಲ್ಲಾ ಕಾಲಕ್ಕೂ ಚೆಂಡು ಕೃಷಿ ಮಾಡಬಹುದು. ಆದರೆ ಫೆಬ್ರವರಿ ಮೊದಲ ವಾರ ಮತ್ತು ಜುಲೈ ಮೊದಲ ವಾರದಲ್ಲಿ ಗಿಡ ನೆಟ್ಟರೆ, ಏಪ್ರಿಲ್ ಹಾಗೂ ಸೆಪ್ಟೆಂಬರ್​ ವೇಳೆಗೆ ಮಾರುಕಟ್ಟೆಗೆ ಹೂವು ಪೂರೈಕೆ ಮಾಡಬಹುದು.

ಕಡಿಮೆ ಅವಧಿಯಲ್ಲಿ ಆದಾಯ ತರಬಲ್ಲ ಮಾರಿಗೋಲ್ಡ್ ಕೃಷಿಗೆ ರೈತರು ಮುಂದೆ ಬರುತ್ತಿದ್ದಾರೆ. ಎಕರೆಗೆ 8 ಸಾವಿರದಿಂದ 10 ಸಾವಿರ ಬಂಡವಾಳ ಹಾಕಿ 40 ಕ್ವಿಂಟಲ್​ವರೆಗೆ ಇಳುವರಿ ಪಡೆಯುತ್ತಿದ್ದಾರೆ.

ಮಾರಿಗೋಲ್ಡ್ ಕೃಷಿ ಮಾಡುವ ರೈತರು ಜನರ ಕಣ್ಣಿಗೆ ಕಾಣದ ಪ್ರದೇಶಗಳ ಬದಲಾಗಿ ನಿತ್ಯವೂ ಜನ ಬಂದು ಹೋಗುವ ಪ್ರಮುಖ ರಸ್ತೆಗಳ ಪಕ್ಕದಲ್ಲಿಯೇ ಸಾಗುವಳಿ ಮಾಡುತ್ತಿದ್ದಾರೆ. ಇದರಿಂದಾಗಿ ಚೆಂಡು ಹೂಗಳು ಆ ರಸ್ತೆಗಳಲ್ಲಿ ಸಂಚರಿಸುವ ವಾಹನ ಸವಾರರನ್ನು ಆಕರ್ಷಿಸುತ್ತಿವೆ. ಇದರಿಂದ ಉತ್ತಮ ವ್ಯಾಪಾರ ಕೂಡ ಆಗುತ್ತದೆ.