Success Story: ದೇಸಿ ತಳಿ ಬದನೆ ಬೆಳೆದ ರೈತ, 16 ಗುಂಟೆಯಲ್ಲಿ 2 ಲಕ್ಷ ಆದಾಯ!

ಇತ್ತೀಚಿನ ದಿನಗಳಲ್ಲಿ ಬಹುತೇಕದ ದೇಶದ ಎಲ್ಲಾ ಭಾಗಗಳಲ್ಲೂ ಸಾಂಪ್ರದಾಯಿಕ ಕೃಷಿಗೆ ಬದಲಾಗಿ ಸಾವಯವ ಕೃಷಿ ಮಾಡುತ್ತಿದ್ದಾರೆ. ಅಲ್ಲದೆ ತಾತನ ಕಾಲದಿಂದ ಬೆಳೆದುಕೊಂಡು ಬಂದಿದ್ದ ಬೆಳೆಗಳಿಗೆ ಪೂರ್ಣವಿರಾಮ ಹಾಕಿ ಲಾಭದಾಯಕ ವಾಣಿಜ್ಯ ಬೆಳೆಗಳನ್ನು ಬೆಳೆಯುತ್ತಿದ್ದಾರೆ.

ತಮಿಳುನಾಡಿನ ಕೆ.ಕೆ. ನಗರದ ರೈತ ಪಾಂಡಿಯನ್ (42) 11 ವರ್ಷಗಳಿಂದ ಸಾವಯವ ಕೃಷಿ ಮಾಡುತ್ತಿದ್ದಾರೆ. ಇವರು ವಿರತಿಕುಪ್ಪಂ ಪ್ರದೇಶದ 40 ಸೆಂಟ್ಸ್ (16 ಗುಂಟೆ) ಜಮೀನಿನಲ್ಲಿ ಸೇವಂತಂಪಟ್ಟಿ ಎಂಬ ಸ್ಥಳೀಯ ತಳಿಯ ಕಪ್ಪುಬದನೆ ಬೆಳೆಯುತ್ತಿದ್ದಾರೆ.

ಈ ಬದನೆ ಕೃಷಿ ಪದ್ಧತಿ ಕುರಿತು ರೈತ ಪಾಂಡಿಯನ್ ಮಾತನಾಡಿ, ಬದನೆ ಕೃಷಿಯನ್ನು ಉತ್ತಮವಾಗಿ ನಿರ್ವಹಿಸಿದರೆ ಖಂಡಿತ ಉತ್ತಮ ಲಾಭವನ್ನು ಕಾಣಬಹುದಾಗಿದೆ ಎಂದ ಅವರು, ಬದನೆ ಬೆಳೆಯಲು ಇಚ್ಛಿಸುವ ರೈತರು, ಆರಂಭದಲ್ಲೇ ಎಕರೆಗಟ್ಟಲೇ ಕೃಷಿ ಮಾಡದೆ, ಮೊದಲು ಸಣ್ಣ ಪ್ರಮಾಣದಲ್ಲಿ ಕೃಷಿ ಮಾಡಬೇಕು ಎಂದು ಸಲಹೆ ನೀಡಿದ್ದಾರೆ. 30 ಸೆಂಟ್ಸ್ 40 ಸೆಂಟ್​ಗಳಲ್ಲಿ ಮೊದಲು ಕೃಷಿ ಮಾಡಿ ನಂತರ ಎಕರೆಗಟ್ಟಲೆ ಬೆಳೆಯಬೇಕು ಎಂದರು.

40 ಸೆಂಟ್ಸ್ ಜಮೀನಿನಲ್ಲಿ ಬದನೆಕಾತಿ ಕೃಷಿ ಮಾಡುತ್ತಿದ್ದೇನೆ. ಇದು ನೆಟ್ಟ 55 ದಿನಗಳ ನಂತರ ಗಿಡಗಳು ಫಲ ನೀಡುತ್ತವೆ. ನಾನು 40 ಸೆಂಟ್ಸ್ ಭೂಮಿಯಲ್ಲಿ ಸಾವಿರ ಗಿಡಗಳು ನೆಟ್ಟಿದ್ದೇನೆ. ಪ್ರತಿ ಗಿಡ ಫಲ ನೀಡಿದ 70 ದಿನಗಳಲ್ಲಿ 30 ಕೆಜಿಗೂ ಹೆಚ್ಚು ಬದನೆಕಾಯಿಯನ್ನು ನೀಡಲಿದೆ.

ಬದನೆ ಬೆಳೆಗಾರರು ಖಂಡಿತವಾಗಿಯೂ ಮಣ್ಣಿನ ಬಗ್ಗೆ ಹೆಚ್ಚು ಗಮನ ಹರಿಸಬೇಕು. ಇದಲ್ಲದೆ, ಕೀಟಗಳು ಅವುಗಳನ್ನು ಸ್ಪರ್ಶಿಸದಂತೆ ಜಾಗರೂಕರಾಗಿರಬೇಕು. ಕೆಲವೊಮ್ಮೆ ಯಾವುದೇ ಕೀಟ ಸೋಂಕಿಗೆ ಒಳಗಾಗಿದ್ದರೆ.. ಅನೇಕ ನೈಸರ್ಗಿಕ ಕೀಟನಾಶಕಗಳನ್ನು ಬಳಸಬೇಕು.

ಭೂಮಿಯಲ್ಲಿ ಯಾವುದೇ ಕಳೆ ಇರಬಾರದು. ತಿಂಗಳಿಗೆ 5 ಬಾರಿ ಕಾಯಿಗಳನ್ನು ಕೊಯ್ಲು ಮಾಡಬೇಕು. ಒಮ್ಮೆ ಕೊಯ್ಲು ಮಾಡಿದರೆ ಹತ್ತು ಸಾವಿರ ಉತ್ತಮ ಆದಾಯ ಸಿಗುತ್ತಿದೆ ಎಂದ ಪಾಂಡಿಯನ್ ಗಿಡಗಳನ್ನು ಒಂದಕ್ಕೊಂದು ಹತ್ತಿರವಾಗಿ ನೆಡದೆ 3×3 ಅಡಿ ಅಂತರದಲ್ಲಿ ನೆಡಬೇಕು. ತಾವೂ 40 ಸೆಂಟ್ಸ್ ಭೂಮಿಗೆ ಹತ್ತು ಸಾವಿರ ಹೂಡಿಕೆ ಮಾಡಿರುವುದಾಗಿದೆ ತಿಳಿಸಿದರು.

ಗಿಡಗಳ ಖರೀದಿಯಿಂದ ಅವುಗಳು ಫಲ ನೀಡುವವರೆಗೆ ಸುಮಾರು 15 ಸಾವಿರದವರೆಗೆ ಖರ್ಚಾಗಿದೆ. ಒಂದು ಎಕರೆಯಲ್ಲಿ ಬೆಳೆದರೆ 40 ಸಾವಿರ ಖರ್ಚು ತಗಲಬಹುದು. ಆದರೆ 50 ದಿನಗಳ ನಂತರ ಎಕರೆಗೆ ಎರಡು ಲಕ್ಷ ರೂಪಾಯಿಗಳವರೆಗೆ ಗಳಿಸಬಹುದು ಎಂದು ಪಾಂಡಿಯನ್ ವಿಶ್ವಾಸದಿಂದ ಹೇಳುತ್ತಾರೆ.