PM Kisan Samman Nidhi: ಪಿಎಂ ಕಿಸಾನ್​ ಹಣ ನಿಮಗೆ ಬಂದಿಲ್ವಾ? ಹೀಗೆ ಮಾಡಿ, ದುಡ್ಡು ನಿಮ್ಮ ಖಾತೆಗೆ ಜಮಾ ಆಗುತ್ತೆ!

ಕೇಂದ್ರ ಸರ್ಕಾರ ರೈತರ ಬ್ಯಾಂಕ್ ಖಾತೆಗಳಿಗೆ ಪಿಎಂ ಕಿಸಾನ್ ಸಮ್ಮಾನ್ ನಿಧಿಯ 13 ನೇ ಕಂತನ್ನು ಜಮಾ ಮಾಡಿದೆ. ಫೆಬ್ರವರಿ 27 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು 8 ಕೋಟಿ ರೈತರಿಗೆ 2 ಸಾವಿರದಂತೆ ರೈತರ ಖಾತೆಗಳಿಗೆ ಯೋಜನೆಯ 16,800 ಕೋಟಿ ರೂಪಾಯಿ ಜಮಾ ಮಾಡಿದ್ದಾರೆ.

ಆದರೆ 12ನೇ ಕಂತಿನಂತೆ ಹಲವು ರೈತರಿಗೆ ಈ ಕಂತಿನಲ್ಲೂ ಹಣ ಬಂದಿಲ್ಲ. ಇದರಿಂದ ಅನೇಕ ಫಲಾನುಭವಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಫಲಾನುಭವಿಗಳ ಪಟ್ಟಿಯಲ್ಲಿ ಹೆಸರು ಇದ್ದರೂ 13ನೇ ಕಂತು ಸಿಗದೆ ಕಂಗಾಲಾಗಿದ್ದಾರೆ.

ಆದರೆ ಈ ಹಣವೂ ಸಿಗದಿದ್ದರೆ ಟೆನ್ಷನ್ ಮಾಡಿಕೊಳ್ಳಬೇಡಿ. ನೀವು ಅರ್ಹರಾಗಿದ್ದರೆ ಒಂದು ಪೈಸೆಯೂ ನಷ್ಟವಾಗುವುದಿಲ್ಲ. ನೀವು ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯಲ್ಲಿ ದಾಖಲಾಗಿದ್ದರೂ ಸಹ, ಕೆಲವು ಕಾರಣಗಳಿಂದಾಗಿ ನಿಮಗೆ ಬರಬೇಕಾದ ಹಣ ಜಮಾ ಆಗದೆ ಇರಬಹುದು. ನೋಂದಣಿ ಸಮಯದಲ್ಲಿ ತಪ್ಪು ವಿಳಾಸ, ತಪ್ಪು ಬ್ಯಾಂಕ್ ಖಾತೆ ಸಂಖ್ಯೆ, NPCI ಅಥವಾ PM ಕಿಸಾನ್ ಖಾತೆಯ eKYC ಯಲ್ಲಿ ಆಧಾರ್ ಲಿಂಕ್​ ಸಮಸ್ಯೆಯಿಂದ ನಿಮ್ಮ ಖಾತೆಗೆ ಹಣವನ್ನು ಬಂದಿರುವುದಿಲ್ಲ.

ಪಿಎಂ ಕಿಸಾನ್ ಪೋರ್ಟಲ್‌ನಲ್ಲಿ ನಿಮ್ಮ ಹೆಸರನ್ನು ರಾಜ್ಯ ಸರ್ಕಾರ ಅಪ್‌ಲೋಡ್ ಮಾಡಿದ್ದರೆ ನೀವು ಚಿಂತಿಸಬೇಕಾಗಿಲ್ಲ. ನೀವು ಒಂದು ಪೈಸೆಯನ್ನು ಕಳೆದುಕೊಳ್ಳುವುದಿಲ್ಲ. ಯಾವುದೋ ಕಾರಣದಿಂದ ನಿಮ್ಮ ಕಂತು ಜಮಾ ಆಗದಿದ್ದರೆ, ಹಣ ಬರಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ.

ಯಾವುದೇ ತಪ್ಪಿನಿಂದ ವಿಳಂಬವಾಗದಿದ್ದರೆ, ತಪ್ಪನ್ನು ಸರಿಪಡಿಸಿಕೊಳ್ಳಿ. ಅದರ ನಂತರ ಒಟ್ಟು ಮೊತ್ತ ನಿಮ್ಮ ಖಾತೆಗೆ ಜಮಾ ಮಾಡಲಾಗುತ್ತದೆ. ಒಂದು ವೇಳೆ ಯಾವುದೋ ಕಾರಣದಿಂದ ರೈತನ ಹೆಸರನ್ನು ಸರ್ಕಾರ ತಿರಸ್ಕರಿಸಿದ್ದರೆ, ಅವರು ಈ ಯೋಜನೆಗೆ ಅರ್ಹರಾಗಿರುವುದಿಲ್ಲ ಮತ್ತು ಪ್ರಧಾನ ಮಂತ್ರಿ ಕಿಸಾನ್ ಯೋಜನೆ ಹಣವನ್ನು ಪಡೆಯಲಾಗುವುದಿಲ್ಲ.

ನಿಮ್ಮ ಈಗಿನ ಸ್ಟೇಟಸ್​ ಬಗ್ಗೆ ಪರಿಶೀಲಿಸಲು, ಪಿಎಂ ಕಿಸಾನ್ ಅಧಿಕೃತ ವೆಬ್‌ಸೈಟ್ pmkisan.gov.in ಗೆ ಹೋಗಿ. ಇಲ್ಲಿ ನೀವು ಫಾರ್ಮರ್ ಕಾರ್ನರ್ (Farmers Corner)​ ಎಂದು ಬರೆದಿರುವುದನ್ನು ಕಾಣುತ್ತೀರಿ, ಅದರ ಮೇಲೆ ಕ್ಲಿಕ್ ಮಾಡಿ. ಇಲ್ಲಿ ಆಧಾರ್ ಸಂಖ್ಯೆ, ಖಾತೆ ಸಂಖ್ಯೆ ಅಥವಾ ಫೋನ್ ಸಂಖ್ಯೆಯನ್ನು ನಮೂದಿಸಿ. ನಂತರ ಕ್ಯಾಪ್ಚಾ ನಮೂದಿಸಿ.(ಸಾಂಕೇತಿಕ ಚಿತ್ರ)

ನೀವು ಇದನ್ನು ಮಾಡಿದ ತಕ್ಷಣ, ನಿಮ್ಮ ಖಾತೆಯ ಸಂಪೂರ್ಣ ಮಾಹಿತಿಯು ನಿಮ್ಮ ಮುಂದೆ ಕಾಣಿಸಿಕೊಳ್ಳುತ್ತದೆ. ನಿಮ್ಮ ದಾಖಲೆಗಳು ಮತ್ತು ವಿವರಗಳನ್ನು ಇಲ್ಲಿ ಪರಿಶೀಲಿಸಿ. ಯಾವುದೇ ಮಾಹಿತಿಯು ತಪ್ಪಾಗಿದ್ದರೆ, ಅದನ್ನು ಸರಿಪಡಿಸಿ. ಯಾವುದೇ ದಾಖಲೆಯ ಕಾರಣದಿಂದಾಗಿ ಅರ್ಜಿಯು ಸ್ಥಗಿತಗೊಂಡಿದ್ದರೆ, ಆ ದಾಖಲೆಯನ್ನು ಆನ್‌ಲೈನ್‌ನಲ್ಲಿಯೂ ಅಪ್‌ಲೋಡ್ ಮಾಡಬಹುದು.(ಸಾಂಕೇತಿಕ ಚಿತ್ರ)

ಹಣ ಲಭ್ಯವಿಲ್ಲದಿದ್ದರೆ, ಈ ಪೋರ್ಟಲ್ ಹೊರತುಪಡಿಸಿ, ನೀವು ಪಿಎಂ ಕಿಸಾನ್ ಸಹಾಯವಾಣಿ ಸಂಖ್ಯೆಗೆ ಕರೆ ಮಾಡುವ ಮೂಲಕ ಸಹಾಯ ಪಡೆಯಬಹುದು. ಪಿಎಂ ಕಿಸಾನ್ ಸಹಾಯವಾಣಿ ಸಂಖ್ಯೆ 155261 ಅನ್ನು ಸಂಪರ್ಕಿಸಿ ನೀವು ಪರಿಹಾರವನ್ನು ಪಡೆಯಬಹುದು. ಅದೇ ರೀತಿ, ಪಿಎಂ ಕಿಸಾನ್ ಟೋಲ್ ಫ್ರೀ ಸಂಖ್ಯೆ- 18001155266 ಗೆ ಕರೆ ಮಾಡುವ ಮೂಲಕ, ನೀವು ಇನ್ನೂ ಹಣವನ್ನು ಏಕೆ ಸ್ವೀಕರಿಸಿಲ್ಲ ಎಂಬುದರ ಬಗ್ಗೆ ಮಾಹಿತಿ ಪಡೆದುಕೊಳ್ಳಬಹುದು.