Business Idea: ಇದು ಕೇವಲ ಲಕ್​ಗಷ್ಟೇ ಅಲ್ಲ, ಇದ್ರಿಂದ ಲಕ್ಷ ಲಕ್ಷ ಹಣ ಕೂಡ ಗಳಿಸಬಹುದು!

ಕಡಿಮೆ ಹೂಡಿಕೆ ಮಾಡುವ ಬ್ಯುಸಿನೆಸ್​ಗಳು ಹೆಚ್ಚು ಕ್ಲಿಕ್​ ಆಗುತ್ತಿರುವುದನ್ನು ನಾವೆಲ್ಲರೂ ನೋಡಿದ್ದೇವೆ. ನೀವು ಸಣ್ಣ ಉದ್ಯೋಗದಲ್ಲಿ ಹೆಚ್ಚಿನ ಲಾಭವನ್ನು ಗಳಿಸಲು ಬಯಸಿದರೆ, ಈ ವ್ಯವಹಾರ ಕಲ್ಪನೆಯು ನಿಮಗೆ ತುಂಬಾ ಉಪಯುಕ್ತವಾಗಿರುತ್ತದೆ. ಇಲ್ಲಿ ಕೂಡ ಒಂದು ಅಂಥದ್ದೇ ಬ್ಯುಸಿನೆಸ್​ ಐಡಿಯಾದ ಬಗ್ಗೆ ನಿಮಗೆ ತಿಳಿಸಿದ್ದೇವೆ.

ಇದರಲ್ಲಿ ನೀವು ಕಡಿಮೆ ಹೂಡಿಕೆ ಮಾಡಬೇಕು ಮತ್ತು ಲಾಭವು ಲಕ್ಷಗಳಲ್ಲಿ ಬರುತ್ತದೆ. ಹೌದು, ನಾವು ಬೋನ್ಸಾಯ್ ಸಸ್ಯ ವ್ಯವಹಾರದ ಬಗ್ಗೆ ಮಾತನಾಡುತ್ತಿದ್ದೇವೆ. ಬೋನ್ಸಾಯ್ ಗಿಡಕ್ಕೆ ಇಂದಿನ ಕಾಲದಲ್ಲಿ ಹೆಚ್ಚಿನ ಬೇಡಿಕೆಯಿದೆ.

ಏಕೆಂದರೆ ಅದು ಅದೃಷ್ಟವನ್ನು ತರುತ್ತದೆ ಎಂದು ಪರಿಗಣಿಸಲಾಗಿದೆ. ಜನರು ಈ ಸಸ್ಯವನ್ನು ತಮ್ಮ ಮನೆಗಳಲ್ಲಿ ಅದೃಷ್ಟ ಅಥವಾ ಅಲಂಕಾರಿಕ ಸಸ್ಯವಾಗಿ ಇರಿಸುತ್ತಾರೆ.

ಕೇವಲ 20 ಸಾವಿರ ರೂಪಾಯಿಯಲ್ಲಿ ಬೋನ್ಸಾಯ್ ಗಿಡ ಬೆಳೆಸಿ ಲಕ್ಷಗಟ್ಟಲೆ ಆದಾಯ ಪಡೆಯಬಹುದು. ನಿಮ್ಮ ಪ್ರಕಾರ, ನೀವು ಮೊದಲು ಈ ವ್ಯವಹಾರವನ್ನು ಸಣ್ಣ ಅಥವಾ ದೊಡ್ಡ ಪ್ರಮಾಣದಲ್ಲಿ ಪ್ರಾರಂಭಿಸಬಹುದು. ಕ್ರಮೇಣ ಲಾಭ ಗಳಿಸುವ ಮೂಲಕ ಈ ವ್ಯವಹಾರವನ್ನು ಹೆಚ್ಚಿಸಬಹುದು.

ಈ ಗಿಡವನ್ನು ಅದೃಷ್ಟವಾಗಿ ಬಳಸುತ್ತಾರೆ.ಜನರು ಇದನ್ನು ತಮ್ಮ ಮನೆ ಮತ್ತು ಕಚೇರಿಗಳಲ್ಲಿ ಅಲಂಕಾರಕ್ಕಾಗಿ ಇಟ್ಟುಕೊಳ್ಳುತ್ತಾರೆ. ಇದು ತುಂಬಾ ಸುಂದರವಾಗಿಯೂ ಕಾಣುತ್ತದೆ. ಇದರಿಂದ ಬೇಡಿಕೆಯೂ ಹೆಚ್ಚುತ್ತಿದೆ. ಹಾಗಾಗಿಯೇ ಮಾರುಕಟ್ಟೆಗಳಲ್ಲಿ ಒಂದು ಗಿಡದ ಬೆಲೆ 300 ರಿಂದ 40 ಸಾವಿರ ರೂಪಾಯಿ ಇದೆ.

ಬಿಹಾರದ ಗಯಾ ಬಡಾವಣೆಯ ನಿವಾಸಿ ಜನಾರ್ದನ್ ಕುಮಾರ್ ಕೂಡ ಬೋನ್ಸಾಯ್ ವ್ಯಾಪಾರದಿಂದ ಉತ್ತಮ ಆದಾಯ ಪಡೆಯುತ್ತಿದ್ದಾರೆ. 2004 ರಿಂದ, ಅವರು ಬಿಹಾರ ಬೋನ್ಸಾಯ್ ಕಲೆಯ ಹೆಸರಿನಲ್ಲಿ ಈ ವ್ಯವಹಾರವನ್ನು ಪ್ರಾರಂಭಿಸಿದರು.

ಇಂದು ಅವರ ಬೋನ್ಸಾಯ್ ಸಸ್ಯವು ದೇಶದ ಪ್ರತಿಯೊಂದು ಭಾಗಕ್ಕೂ ಹೋಗುತ್ತದೆ. 20-25 ವರ್ಷದ ಬೋನ್ಸಾಯ್ ಗಿಡ ಅವರ ಬಳಿ ಇದೆ. ಇದರಲ್ಲಿ ಆಲದ, ದೇವದಾರು,ಕರೋಂಡ, ಅರಳಿ, ಪಾಕಡ್ ಹೊರತುಪಡಿಸಿ ಔಷಧೀಯ ಸಸ್ಯಗಳು ಮತ್ತು ಸಾಂಬಾರ ಸಸ್ಯಗಳಿವೆ

ಬೋನ್ಸಾಯ್ ಗಿಡಗಳು ಜನಾರ್ದನ್ ಬಳಿ 3000 ರಿಂದ 40000 ರೂಪಾಯಿವರೆಗೆ ಲಭ್ಯವಿದೆ. ಬೋನ್ಸಾಯ್ ಕಲೆ ಜಪಾನಿನ ಕಲೆ ಎಂದು ಹೇಳಿದರು. ಇದರಲ್ಲಿ ಒಂದು ಸಸ್ಯವನ್ನು ಅಭಿವೃದ್ಧಿಪಡಿಸಿದ ರೀತಿಯಲ್ಲಿ ಹಲವು ವರ್ಷಗಳ ನಂತರವೂ ಅದು ದೊಡ್ಡ ಸಸ್ಯಗಳ ಸಣ್ಣ ರೂಪವಾಗಿ ಉಳಿಯುತ್ತದೆ.