Agriculture: ಭತ್ತ, ಗೋಧಿ ಬಿಟ್ಟು ಬೀಟ್ರೂಟ್ ಬೆಳೆಯುತ್ತಿರುವ ರೈತರು! ದುಪ್ಪಟ್ಟು ಆದಾಯ

ಲಿಚ್ಚಿ ಹಣ್ಣಿಗೆ ಹೆಸರುವಾಸಿಯಾದ ಮುಜಾಫರ್‌ಪುರದಲ್ಲಿ ಈಗ ಹಲವು ಬಗೆಯ ಕೃಷಿ ಆರಂಭವಾಗಿದೆ. ಸಾಂಪ್ರದಾಯಿಕ ಬೆಳೆಗಳಾದ ಗೋಧಿ ಮತ್ತು ಭತ್ತವನ್ನು ಬಿಟ್ಟು ಅಲ್ಲಿನ ರೈತರು ಅನೇಕ ರೀತಿಯ ಹಣ್ಣುಗಳು ಮತ್ತು ತರಕಾರಿಗಳನ್ನು ಬೆಳೆಯುವಲ್ಲಿ ಸಕ್ರಿಯರಾಗಿದ್ದಾರೆ.

ಮುಜಾಫರ್‌ಪುರದ ಗೈಘಾಟ್, ಬೋಚಹಾನ್ ಮತ್ತು ಬಾಂದ್ರಾ ಬ್ಲಾಕ್‌ಗಳಲ್ಲಿ ರೈತರು ಹೆಚ್ಚಿನ ಪ್ರಮಾಣದಲ್ಲಿ ಬೀಟ್ರೂಟ್​ಗಳನ್ನು ಬೆಳೆಯುತ್ತಿದ್ದಾರೆ. ಇದು ರೈತರಿಗೂ ತುಂಬಾ ಉತ್ತಮ ಆದಾಯ ತಂದುಕೊಡುತ್ತಿದೆ. ಡಿಸೆಂಬರ್‌ನಲ್ಲಿ ಬೀಟ್ರೂಟ್ ಬೀಜಗಳನ್ನು ಬಿತ್ತಲಾಗುತ್ತದೆ ಮತ್ತು ಅವುಗಳನ್ನು ಏಪ್ರಿಲ್‌ನಲ್ಲಿ ಕೀಳಲಾಗುತ್ತದೆ.

ಬೀಟ್‌ರೂಟ್ ಬೆಳೆದಿರುವ ರೈತ ಪರಮಾನಂದ ರಾಮ್ , ನಾನು ಪ್ರಥಮ ಬಾರಿಗೆ ಬೀಟ್ರೂಟ್ ಕೃಷಿ ಮಾಡಿದ್ದೇನೆ. ಅರ್ಧ ಎಕರೆಗೂ ಕಡಿಮೆ ಜಮೀನಿನಲ್ಲಿ ಸುಮಾರು 10 ಕ್ವಿಂಟಲ್  ಬೀಟ್ರೂಟ್  ಬೆಳೆದಿರುವುದಾಗಿ ತಿಳಿಸಿದ್ದಾರೆ.

ಮುಜಾಫರ್‌ಪುರದ ಮಣ್ಣು ಬೀಟ್ರೂಟ್ ಬೆಳೆಗೆ​ ಸೂಕ್ತವಾಗಿದೆ. ಗೋಧಿ ಮತ್ತು ಭತ್ತದ ಹೊರತಾಗಿ ಬೀಟ್ರೂಟ್ ​ ಕೃಷಿಯು ದೊಡ್ಡ ಲಾಭದಾಯಕ ವ್ಯವಹಾರವಾಗಿದೆ ಎಂದು ಪರಮಾನಂದ ಹೇಳಿದ್ದಾರೆ.

ಬೀಟ್ರೂಟ್ ಬೆಳೆಗೆ ಗೊಬ್ಬರವನ್ನು ಸರಿಯಾದ ಸಮಯಕ್ಕೆ ಹಾಕುವುದು ಕೂಡ ಒಂದು ಪ್ರಮುಖ ಅಂಶವಾಗಿದೆ. ರಸಗೊಬ್ಬರ ಮತ್ತು ಕೀಟನಾಶಕಗಳನ್ನು ಸರಿಯಾಗಿ ಬಳಸಿದರೆ, ಕೆಲವೇ ಗುಂಟೆ ಭೂಮಿಯಲ್ಲಿ 10 ಕ್ವಿಂಟಾಲ್‌ಗಿಂತ ಹೆಚ್ಚು ಬೀಟ್ರೋಟ್​ಗಳನ್ನು ಬೆಳೆಯಬಹುದು ಎಂದು ಅವರು ಹೇಳಿದ್ದಾರೆ.

ಮಂಡಿಯಲ್ಲಿ ಬೀಟ್ರೂಟ್ ಕೆಜಿಗೆ 10 ರೂಪಾಯಿವರೆಗೆ ಮಾರಾಟವಾಗುತ್ತಿದೆ. ಬೇರೆಯವರ 8 ವರೆ ಬಿಘಾ ಜಮೀನಿನಲ್ಲಿ ಕೃಷಿ ಮಾಡುತ್ತಿದ್ದೇವೆ. ಈ ಬೆಳೆಯಿಂದ ಭತ್ತ-ಗೋಧಿಯಲ್ಲಿ ಸಿಗುತ್ತಿದ್ದ ಆದಾಯಕ್ಕಿಂತ ಡಬಲ್ ಆದಾಯ ಸಿಗುತ್ತಿದೆ ಎಂದಿದ್ದಾರೆ.

ಇದೀಗ ಬೇರು ಸಮೇತ ಬೀಟ್ರೂಟ್ ಕೀಳುವ ಕೆಲಸ ನಡೆಯುತ್ತಿದೆ. ಸುಮಾರು ಅರ್ಧ ಕಿಲೋ ಗಾತ್ರದ ಪ್ರತಿ ಬೀಟ್ರೂಟ್ ​​ಗಳು ಗದ್ದೆಯಲ್ಲಿ ಬೆಳೆದಿವೆ ಎಂದು ಪರಮಾನಂದ ಮಾಹಿತಿ ನೀಡಿದ್ದಾರೆ.