Edible oil | Cooking oil : ಈ ಕೆಳಗಿನ ಕಾರಣಗಳಿಂದಾಗಿ ಇಳಿಕೆ ಆಗಲಿದೆ ಅಡುಗೆ ಎಣ್ಣೆ ದರ

ಬೆಲೆಗಳ ಹೊರೆಯಿಂದಾಗಿ ದೇಶದ ಆರ್ಥಿಕ ಪರಿಸ್ಥಿತಿ ತತ್ತರಿಸಿದ ಹಿನ್ನೆಲೆ ಕೇಂದ್ರ ಸರ್ಕಾರ ಇಂಧನ ಬೆಲೆ ಇಳಿಕೆ ಮಾಡಿದೆ. ತೆರಿಗೆಯನ್ನು ಹಿಂಪಡೆದುಕೊಳ್ಳುವ ಮೂಲಕ ಕೇಂದ್ರ ತೈಲ ಬೆಲೆ ಇಳಿಸಿದೆ. ಈ ನಡುವೆ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಆಗುತ್ತಿರುವ ಬೆಳವಣಿಗೆಯಿಂದ ಅಡುಗೆ ತೈಲ ಬೆಲೆ ಸಹ ಇಳಿಕೆಯತ್ತ ಸಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ದೇಶದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನ ಕಡಿತಗೊಳಿಸುವುದಾಗಿ ಕೇಂದ್ರ ಹಣಕಾಸು ಸಚಿವರು ಶನಿವಾರ ಘೋಷಿಸಿದ್ದರು. ಹೊಸ ಸುಂಕಗಳು ಭಾನುವಾರದಿಂದ ಆಯಾ ರಾಜ್ಯಗಳಲ್ಲಿ ಜಾರಿಗೆ ಬಂದಿದ್ದು, ಪೆಟ್ರೋಲ್ ಲೀಟರ್‌ ಗೆ 8 ರೂ. ಮತ್ತು ಡೀಸೆಲ್ ದರ ಲೀಟರ್ 6 ರೂ. ಕಡಿಮೆ ಮಾಡಿದೆ.

ಉಜ್ವಲ ಯೋಜನೆಯಡಿಯಲ್ಲಿ ಸಿಲಿಂಡರ್ ಪಡೆದ ಫಲಾನುಭವಿಗಳಿಗೆ 200 ರೂ ಸಬ್ಸಿಡಿ ಸಿಗಲಿದೆ. ಇದರ ಜೊತೆಗೆ ಸಿಮೆಂಟ್ ಬೆಲೆ ಸಹ ಇಳಿಕೆಯಾಗುತ್ತಿದೆ. ಇದೇ ರೀತಿ ಅಡುಗೆ ಎಣ್ಣೆ ಬೆಲೆ ಸಹ ಇಳಿಕೆಯಾಗು ಸಾಧ್ಯತೆಗಳಿವೆ. (ಸಾಂದರ್ಭಿಕ ಚಿತ್ರ)

ಭಾರತ ವಿದೇಶದಿಂದ ಹೆಚ್ಚಿನ ಪ್ರಮಾಣದಲ್ಲಿ ತಾಳೆ ಮತ್ತು ಸೂರ್ಯಕಾಂತಿ ಎಣ್ಣೆಯನ್ನು ಆಮದು ಮಾಡಿಕೊಳ್ಳುತ್ತದೆ. ರಷ್ಯಾ ಮತ್ತು ಉಕ್ರೇನ್ ಯುದ್ಧದಿಂದಾಗಿ ಕಳೆದ ನಾಲ್ಕು ತಿಂಗಳಲ್ಲಿ ಅಡುಗೆ ಎಣ್ಣೆ ದರ ಏರಿಕೆಯಾಗಿತ್ತು. ತಾಳೆ ಎಣ್ಣೆ ರಫ್ತಿನ ಮೇಲೆ ಇಂಡೋನೇಷ್ಯಾ ನಿಷೇಧ ಹಾಕಿದ್ದರಿಂದ ಸಹಜವಾಗಿ ಬೆಲೆ ಏರಿಕೆಯಾಗಿತ್ತು. (ಸಾಂದರ್ಭಿಕ ಚಿತ್ರ)

ಆದರೆ ಇದೀಗ ಇಂಡೋನೇಷ್ಯಾ ತಾಳೆ ಎಣ್ಣೆ ರಫ್ತಿನ ಮೇಲಿನ ನಿಷೇಧವನ್ನು ಹಿಂತೆಗೆದುಕೊಂಡಿದೆ. ಇತ್ತ ಉಕ್ರೇನ್ ನಿಂದ ಮತ್ತೆ ಸೂರ್ಯಕಾಂತಿ ತೈಲ ಆಗಮಿಸುವ ಸಾಧ್ಗತೆಗಳಿವೆ. ಇದರಿಂದ ಭಾರತದಲ್ಲಿ ಅಡುಗೆ ಎಣ್ಣೆ ದರ ಕುಸಿಯುವ ಸಾಧ್ಯತೆಗಳಿವೆ. ಜೂನ್ ಮೊದಲ ವಾರದಿಂದಲೇ ಅಡುಗೆ ಎಣ್ಣೆ ದರ ಇಳಿಕೆ ಆಗಬಹುದು ಎಂದು ವ್ಯಾಪಾರಸ್ಥರು ಹೇಳುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇಂಡೋನೇಷ್ಯಾ ವಾರ್ಷಿಕವಾಗಿ 46 ಮಿಲಿಯನ್ ಟನ್ ತಾಳೆ ಎಣ್ಣೆಯನ್ನು ಉತ್ಪಾದಿಸುತ್ತದೆ. ಇದು ತನ್ನ ಆಹಾರದ ಅಗತ್ಯಗಳಿಗಾಗಿ 9 ಮಿಲಿಯನ್ ಟನ್‌ಗಳನ್ನು ಬಳಸುತ್ತದೆ, ಇನ್ನೂ 9 ಮಿಲಿಯನ್ ಟನ್‌ಗಳನ್ನು ಜೈವಿಕ ಡೀಸೆಲ್ ಯೋಜನೆಗೆ ಬಳಸುತ್ತದೆ ಮತ್ತು ಉಳಿದ 28 ಮಿಲಿಯನ್ ಟನ್‌ಗಳನ್ನು ರಫ್ತು ಮಾಡುತ್ತದೆ. ಇಂಡೋನೇಷ್ಯಾ ಏಪ್ರಿಲ್ 28 ರಿಂದ ತಾಳೆ ಎಣ್ಣೆ ರಫ್ತಿನ ಮೇಲೆ ನಿಷೇಧ ಹೇರಿದ್ದರಿಂದ ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಅಡುಗೆ ಎಣ್ಣೆಗಳ ಬೆಲೆ ಏರಿಕೆಯಾಗಿದೆ. (ಸಾಂದರ್ಭಿಕ ಚಿತ್ರ)

ತಾಳೆ ಎಣ್ಣೆ ರಫ್ತಿನ ಮೇಲಿನ ನಿಷೇಧವನ್ನು ಹಿಂತೆಗೆದುಕೊಳ್ಳುವುದಾಗಿ ಇಂಡೋನೇಷ್ಯಾ ಘೋಷಿಸಿದ ನಂತರ ಮಾರುಕಟ್ಟೆಯಲ್ಲಿ ಬೆಲೆಗಳು ಶೇಕಡಾ 5 ರಷ್ಟು ಕುಸಿದವು. ನಿಷೇಧ ತೆರವು ಸೋಮವಾರದಿಂದ (ಮೇ 23) ಜಾರಿಗೆ ಬರಲಿದೆ. ಅಂದರೆ ಸೋಮವಾರದಿಂದ ರಫ್ತು ಪುನರಾರಂಭವಾದರೆ, ಮುಂದಿನ ವಾರದೊಳಗೆ ಭಾರತದಲ್ಲಿ ಅಡುಗೆ ತೈಲ ಬೆಲೆಗಳು ಕುಸಿಯುವ ನಿರೀಕ್ಷೆಯಿದೆ. (ಸಾಂದರ್ಭಿಕ ಚಿತ್ರ)

ರಷ್ಯಾ ಯುದ್ಧಕ್ಕೂ ಮುನ್ನ ಭಾರತದ ಸೂರ್ಯಕಾಂತಿ ಎಣ್ಣೆಯ ಮಾಸಿಕ ಬಳಕೆ 2 ಲಕ್ಷ ಟನ್‌ಗಳಷ್ಟಿತ್ತು. ಪೂರೈಕೆ ಕ್ಷೀಣಿಸಿದ ಕಾರಣ ಇಲ್ಲಿ ಬಳಕೆಯೂ ಕಡಿಮೆಯಾಗಿದೆ. ಈಗ ಉಕ್ರೇನ್‌ನಿಂದ ತೈಲ ಪೂರೈಕೆಯು ಸ್ಥಿರವಾಗಿ ಹೆಚ್ಚುತ್ತಿದೆ. ಇದು ತಿಂಗಳಿಗೆ ಹೆಚ್ಚುವರಿ 20,000 ರಿಂದ 25,000 ಟನ್ ಸೂರ್ಯಕಾಂತಿ ಎಣ್ಣೆಯನ್ನು ಸೇರಿಸುವ ನಿರೀಕ್ಷೆಯಿದೆ. ಒಟ್ಟಾರೆ ಅಡುಗೆ ಎಣ್ಣೆ ಬೆಲೆ ನಿಯಂತ್ರಣಕ್ಕೆ ಬರುತ್ತಿದೆ. (ಸಾಂದರ್ಭಿಕ ಚಿತ್ರ)