DA Hike: ಕೇಂದ್ರ ಸರ್ಕಾರಿ ನೌಕರರಿಗೆ ಗುಡ್ ನ್ಯೂಸ್; ಮೊದಲ ಬಾರಿಗೆ ಈ ಪ್ರಮಾಣದಲ್ಲಿ ಡಿಎ ಹೆಚ್ಚಳ!

ಸಾಮಾನ್ಯವಾಗಿ ಕೇಂದ್ರ ಸರ್ಕಾರಿ ನೌಕರರ ತುಟ್ಟಿಭತ್ಯೆಯನ್ನು ಶೇ.3 ಅಥವಾ ಶೇ.4 ರಷ್ಟು ಹೆಚ್ಚಿಸಲಾಗುತ್ತದೆ. ಕೇಂದ್ರ ಸರ್ಕಾರವು ವರ್ಷಕ್ಕೆ ಎರಡು ಬಾರಿ ಡಿಎಯನ್ನು ಹೆಚ್ಚಿಸುತ್ತದೆ. ಪ್ರತಿ ವರ್ಷ ಜನವರಿಯಲ್ಲಿ ಮತ್ತು ಜುಲೈನಲ್ಲಿ ಎರಡು ಬಾರಿ ಡಿಎ ಹೆಚ್ಚಳ ಮಾಡಲಾಗುತ್ತದೆ. ಈ ವರ್ಷ ಜುಲೈನಲ್ಲಿ ಡಿಎ ಏರಿಕೆಯಾಗಲಿದೆ. ಈ ಬಾರಿ ನೌಕರರು ಮತ್ತು ಪಿಂಚಣಿದಾರರಿಗೆ ಡಿಎ ಮತ್ತು ಡಿಆರ್ ಶೇ.5ರಷ್ಟು ಹೆಚ್ಚಳವಾಗಲಿದೆ ಎಂಬ ವರದಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಡಿಎ ಹೆಚ್ಚಳ ಮಾಡುವಾಗ ಕೇಂದ್ರ ಸರ್ಕಾರ ಅಖಿಲ ಭಾರತ ಗ್ರಾಹಕ ಬೆಲೆ ಸೂಚ್ಯಂಕ (AICPI) ಡೇಟಾವನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ. ಈ ಡೇಟಾ ಉದ್ಯೋಗಿಗಳ ಡಿಎ ಹೆಚ್ಚಳವನ್ನು ನಿರ್ಧರಿಸುತ್ತದೆ. ಈ ಅಂಕಿಅಂಶಗಳ ಪ್ರಕಾರ, ಡಿಎ ವರ್ಷಕ್ಕೆ ಕೇವಲ 3 ಪ್ರತಿಶತ ಅಥವಾ 4 ಪ್ರತಿಶತದಷ್ಟು ಹೆಚ್ಚಾಗುತ್ತದೆ. ಕಳೆದ ಬಾರಿ ಶೇ.3ರಷ್ಟು ಡಿಎ ಹೆಚ್ಚಿಸಲಾಗಿತ್ತು. ಇದರಿಂದ ಡಿಎ ಶೇ.34 ರಿಂದ ಶೇ.34ಕ್ಕೆ ಏರಿಕೆಯಾಗಿದೆ. (ಸಾಂದರ್ಭಿಕ ಚಿತ್ರ)

ಇತ್ತೀಚಿನ AICPI ದತ್ತಾಂಶವನ್ನು ಆಧರಿಸಿ, ಉದ್ಯೋಗಿಗಳಿಗೆ DA ಈ ಬಾರಿ 5% ರಷ್ಟು ಹೆಚ್ಚಾಗುವ ನಿರೀಕ್ಷೆಯಿದೆ. ಎಐಸಿಪಿಐ ಅಂಕಿಅಂಶಗಳನ್ನು ಗಮನಿಸಿದರೆ, ಜನವರಿಯಲ್ಲಿ 125.1 ಅಂಕಗಳಿಷ್ಟಿತ್ತು. ಫೆಬ್ರವರಿಯಲ್ಲಿ 125 ಅಂಕಗಳು, ಮಾರ್ಚ್‌ ನಲ್ಲಿ 126 ಅಂಕಗಳು ಮತ್ತು ಏಪ್ರಿಲ್‌ನಲ್ಲಿ 127.7 ಅಂಕಗಳಿತ್ತು. ಹಣದುಬ್ಬರದಿಂದಾಗಿ ಎಐಸಿಪಿಐ ಅಂಕಿಅಂಶಗಳು ಹೆಚ್ಚುತ್ತಿವೆ. ಇದರ ಪರಿಣಾಮವಾಗಿ ಉದ್ಯೋಗಿಗಳು ಹೆಚ್ಚುವರಿ ಡಿಎ ಪಡೆಯುವ ಸಾಧ್ಯತೆಗಳಿವೆ. (ಸಾಂದರ್ಭಿಕ ಚಿತ್ರ)

ಕೇಂದ್ರ ಸರಕಾರ ಶೇ.5ರಷ್ಟು ಡಿಎ ಹೆಚ್ಚಿಸಿದರೆ ಉದ್ಯೋಗಿಗಳಿಗೆ ಸಂತಸದ ಸುದ್ದಿ ಆಗಲಿದೆ. ಉದ್ಯೋಗಿಗಳು 39 ಪ್ರತಿಶತ ಡಿಎ ಪಡೆಯುತ್ತಾರೆ. ನೌಕರರಿಗೆ ಡಿಎ ಹೆಚ್ಚಾದಂತೆ ಪಿಂಚಣಿದಾರರಿಗೆ ಡಿಆರ್ ಕೂಡ ಹೆಚ್ಚಾಗುತ್ತದೆ. ಜುಲೈ 1 ರಂದು ಡಿಎ ಹೆಚ್ಚಳದ ಘೋಷಣೆಯನ್ನು ನೌಕರರು ನಿರೀಕ್ಷಿಸುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಕೇಂದ್ರ ಸರಕಾರವು ಶೇ.4ರಷ್ಟು ಡಿಎಯನ್ನು ಹೆಚ್ಚಿಸಿದರೆ, 56,900 ರೂಪಾಯಿ ಮೂಲ ವೇತನ ಪಡೆಯುವವರಿಗೆ ಶೇ.38ರ ದರದಲ್ಲಿ 22,191 ರೂಪಾಯಿ ಡಿಎ ಸಿಗುತ್ತದೆ. ಪ್ರಸ್ತುತ, ಡಿಎ 34 ಪ್ರತಿಶತ 19,346 ರೂ.ನಷ್ಟಿದೆ. ಶೇ.5 ರಷ್ಟು ಡಿಎ ಹೆಚ್ಚಳದಿಂದ 2,845 ರೂ.ಗಳ ಹೆಚ್ಚುವರಿ ವೇತನ ದೊರೆಯಲಿದೆ. (ಸಾಂದರ್ಭಿಕ ಚಿತ್ರ)

ಕೇಂದ್ರ ಸರ್ಕಾರ ಡಿಎ ಹೆಚ್ಚಳದ ಬಗ್ಗೆ ನಿರ್ಧರಿಸಿದರೆ, 50 ಲಕ್ಷ ಕೇಂದ್ರ ಸರ್ಕಾರಿ ನೌಕರರು ಮತ್ತು 65 ಲಕ್ಷ ಪಿಂಚಣಿದಾರರಿಗೆ ಪ್ರಯೋಜನವಾಗಲಿದೆ. (ಸಾಂದರ್ಭಿಕ ಚಿತ್ರ)

ಜುಲೈ 1 ರಂದು ಡಿಎ ಹೆಚ್ಚಳ ಘೋಷಣೆಗಾಗಿ ನೌಕರರು ಮತ್ತು ಪಿಂಚಣಿದಾರರು ಕಾತರದಿಂದ ಕಾಯುತ್ತಿದ್ದಾರೆ. ಮತ್ತೊಂದೆಡೆ ಉದ್ಯೋಗಿಗಳು ಜನವರಿ 2020 ರಿಂದ ಜೂನ್ 2021 ರವರೆಗೆ 18 ತಿಂಗಳ ಡಿಎ ಬಾಕಿಯನ್ನು ಹೊಂದಿದ್ದಾರೆ. (ಸಾಂದರ್ಭಿಕ ಚಿತ್ರ)

ಕಳೆದ ಹಲವು ದಿನಗಳಿಂದ ಬೆಲೆಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿವೆ. ಅಡುಗೆ ಎಣ್ಣೆ ಬೆಲೆ, ದಿನನಿತ್ಯ ಸಾಮಾಗ್ರಿಗಳು ಸೇರಿದಂತೆ ಎಲ್ಲದರ ಬೆಲೆಯೂ ಏರಿಕೆಯಾಗುತ್ತಿದೆ. ಮೇ ನಲ್ಲಿ ಟೊಮಾಟೋ ಬೆಲೆ 100 ರೂ.ಯ ಗಡಿ ದಾಟಿತ್ತು. (ಸಾಂದರ್ಭಿಕ ಚಿತ್ರ)