Home Loan Rates: ಕಡಿಮೆ ಬಡ್ಡಿ ದರದಲ್ಲಿ ಹೋಮ್ ಲೋನ್ ಟ್ರೈ ಮಾಡ್ತಿದ್ದೀರಾ? ಈ ಐದು ಬ್ಯಾಂಕ್​ ಬೆಸ್ಟ್​ ಆಯ್ಕೆ

Home Loan Interest Rates | ಸ್ವಂತ ಮನೆ ಹೊಂದಬೇಕು ಅನ್ನೋದು ಎಲ್ಲರ ಕನಸು ಆಗಿರುತ್ತದೆ. ಸ್ವಂತ ಮನೆ ಕಟ್ಟಲು ಅಥವಾ ಖರೀದಿಗೆ ಮುಂದಾಗುತ್ತಿರುವ ಜನರಿಗೆ ಗುಡ್​ ನ್ಯೂಸ್ ಬಂದಿದೆ. ಸದ್ಯ ಅನೇಕ ಬ್ಯಾಂಕ್​ಗಳು ಗೃಹ ಸಾಲ ನೀಡುತ್ತಿವೆ. ಯಾವ ಬ್ಯಾಂಕ್ ಅಗ್ಗದ ದರದಲ್ಲಿ ಸಾಲ ಕೊಡುತ್ತಿವೆ ಎಂಬುದರ ಮಾಹಿತಿ ಇಲ್ಲಿದೆ.

ಆರ್‌ಬಿಐನ ರೆಪೋ ದರ ಏರಿಕೆ ಬ್ಯಾಂಕ್‌ ಮತ್ತು ಗ್ರಾಹಕರ ಮೇಲೆ ಪರಿಣಾಮ ಬೀರುತ್ತಿವೆ. ಅನೇಕ ಬ್ಯಾಂಕ್‌ಗಳು ಈಗಾಗಲೇ ಗೃಹ ಸಾಲದ ಮೇಲಿನ ಬಡ್ಡಿ ದರವನ್ನು ಹೆಚ್ಚಿಸಿವೆ. ಮುಂದಿನ ದಿನಗಳಲ್ಲಿ ಮತ್ತೆ ರೆಪೋ ದರ ಏರಿಕೆ ಆಗುವ ಸಾಧ್ಯತೆಗಳಿವೆ. ಅಂದರೆ ಸಾಲದ ದರಗಳು ಮತ್ತೆ ಏರಿಕೆ ಆಗಬಹುದು. (ಸಾಂದರ್ಭಿಕ ಚಿತ್ರ)

ಮುಂದಿನ ದಿನಗಳಲ್ಲಿ ಗೃಹ ಸಾಲದ ಮೇಲಿನ ಬಡ್ಡಿ ದರ ಏರಿಕೆಯಾಗುವ ಸಾಧ್ಯತೆಗಳಿವೆ. ಸದ್ಯ ಈ ಐದು ಬ್ಯಾಂಕ್​ಗಳು ಕಡಿಮೆ ಬಡ್ಡಿ ದರದಲ್ಲಿ ಸಾಲ ನೀಡುತ್ತಿವೆ. (ಸಾಂದರ್ಭಿಕ ಚಿತ್ರ)

ಪ್ರಸ್ತುತ ಮಾರುಕಟ್ಟೆಯಲ್ಲಿ ಕಡಿಮೆ ಬಡ್ಡಿ ದರದಲ್ಲಿ ಗೃಹ ಸಾಲವನ್ನು ನೀಡುತ್ತಿರುವ ಟಾಪ್ 5 ಬ್ಯಾಂಕ್‌ಗಳ ಮಾಹಿತಿ ಇಲ್ಲಿದೆ. ಕರೂರ್ ವೈಶ್ಯ ಬ್ಯಾಂಕ್ ಕೂಡ ಸೇರಿದೆ. ಈ ಬ್ಯಾಂಕಿನಲ್ಲಿ RLLR ಶೇ.9, ಕನಿಷ್ಠ ಬಡ್ಡಿ ದರ 8.05 ಪ್ರತಿಶತ ಮತ್ತು ಗರಿಷ್ಠ ಬಡ್ಡಿ ದರ 10.25 ಪ್ರತಿಶತದಷ್ಟಿದೆ. (ಸಾಂದರ್ಭಿಕ ಚಿತ್ರ)

ಖಾಸಗಿ ವಲಯದ ಪ್ರಮುಖ ಬ್ಯಾಂಕ್​ ಆಗಿರುವ HDFC ಬ್ಯಾಂಕ್ 8.1 ಶೇಕಡಾ RLLR ಅನ್ನು ಹೊಂದಿದೆ. ಅಲ್ಲದೆ ಕನಿಷ್ಠ ಬಡ್ಡಿ ದರವು ಶೇ.8.1. ಗರಿಷ್ಠ ಬಡ್ಡಿ ದರ ಶೇ8.9 ರಷ್ಟಿದೆ. (ಸಾಂದರ್ಭಿಕ ಚಿತ್ರ)

ಕರ್ಣಾಟಕ ಬ್ಯಾಂಕ್‌ನಲ್ಲಿ ಆರ್‌ಎಲ್‌ಎಲ್‌ಆರ್ ಶೇಕಡಾ 7.95 ಆಗಿದೆ. ಈ ಬ್ಯಾಂಕ್‌ನಲ್ಲಿ ಕನಿಷ್ಠ ಬಡ್ಡಿ ದರವು ಶೇ.8.24 ಮತ್ತು ಗರಿಷ್ಠ ಬಡ್ಡಿ ದರ ಶೇ.9.59 ರಷ್ಟಿದೆ. (ಸಾಂದರ್ಭಿಕ ಚಿತ್ರ)

ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿನ ಗೃಹ ಸಾಲದ ದರಗಳು ಹೀಗಿವೆ. RLLR ಶೇಕಡಾ 8.7 ಆಗಿದೆ. ಕನಿಷ್ಠ ಬಡ್ಡಿ ದರ ಶೇ8.25 ಮತ್ತು ಗರಿಷ್ಠ ಬಡ್ಡಿ ದರ ಶೇ.10.1ರಷ್ಟಿದೆ. (ಸಾಂದರ್ಭಿಕ ಚಿತ್ರ)

ಬ್ಯಾಂಕ್ ಆಫ್ ಮಹಾರಾಷ್ಟ್ರ ಕೂಡ ಕಡಿಮೆ ಬಡ್ಡಿದರದಲ್ಲಿ ಸಾಲ ನೀಡುತ್ತಿದೆ. ಆರ್‌ಎಲ್‌ಎಲ್‌ಆರ್‌ ಶೇ.8.7ರಷ್ಟು ಮುಂದುವರಿದಿದೆ. ಕನಿಷ್ಠ ಬಡ್ಡಿ ದರ ಶೇ.8.3 ಮತ್ತು ಗರಿಷ್ಠ ಬಡ್ಡಿ ದರವು 9.7 ಪ್ರತಿಶತದಷ್ಟು ಮುಂದುವರಿಯುತ್ತದೆ. (ಸಾಂದರ್ಭಿಕ ಚಿತ್ರ)

ಈ ದರಗಳು ನವೆಂಬರ್ 3 ರ ಪ್ರಕಾರ ಕನಿಷ್ಠ ಬಡ್ಡಿ ದರಕ್ಕೆ ಅಪಾಯದ ಪ್ರೀಮಿಯಂ ಅನ್ನು ಸೇರಿಸುವ ಮೂಲಕ ಬ್ಯಾಂಕುಗಳು ಬಡ್ಡಿಯನ್ನು ವಿಧಿಸುತ್ತವೆ. ಗೃಹ ಸಾಲ ಪಡೆಯುವ ಉದ್ದೇಶ ಹೊಂದಿರುವವರು ಆನ್‌ಲೈನ್‌ನಲ್ಲಿಯೂ ಅರ್ಜಿ ಸಲ್ಲಿಸಬಹುದು. ಅಥವಾ ಬ್ಯಾಂಕ್ ಶಾಖೆಗೆ ಹೋಗಿ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದು. (ಸಾಂದರ್ಭಿಕ ಚಿತ್ರ)