2000 Notes Exchange ಮಾಡಿಸುವಾಗ ಜೋಪಾನ, ಈ ತಪ್ಪು ಮಾಡಿದ್ರೆ 1 ರೂಪಾಯಿನೂ ನಿಮ್ಗೆ ಸಿಗಲ್ಲ!

ಮೊನ್ನೆಯಷ್ಟೇ ಆರ್​​ಬಿಐ 2 ಸಾವಿರ ರೂಪಾಯಿ ನೋಟುಗಳನ್ನು ಹಿಂಪಡೆಯುವುದಾಗಿ ಘೋಷಿಸಿದೆ. ಇದರಿಂದ ಜನಸಾಮಾನ್ಯರಿಗೆ ಶಾಕ್​ ಎದುರಾಗಿದೆ ಅಂದರೆ ತಪ್ಪಾಗಲ್ಲ. ಈ ಹಿಂದೆಯೂ ನೋಟುಗಳನ್ನು ಬ್ಯಾನ್ ಮಾಡುವಾಗ ಯಾವುದೇ ಮಾಹಿತಿಯನ್ನು ನೀಡಿರಲಿಲ್ಲ. ಈಗಲೂ ಕೂಡ ಇದೇ ಆಗಿದೆ. ಇನ್ಮುಂದೆ 2 ಸಾವಿರ ರೂಪಾಯಿ ನೋಡೋಕೆ ಆಗೋದಿಲ್ಲ.

ಸೆಪ್ಟೆಂಬರ್​ 30ರವರೆಗೆ ಮಾತ್ರ 2 ಸಾವಿರ ರೂಪಾಯಿ ನೋಟುಗಳು ಚಲಾವಣೆಯಲ್ಲಿರುತ್ತೆ. ಇಂದಿನಿಂದ ಎಲ್ಲಾ ಬ್ಯಾಂಕ್​ಗಳಲ್ಲಿ ನೋಟುಗಳ ಬದಲಾವಣೆ ಮಾಡಿಸಿಕೊಳ್ಳಬಹುದು. ಅಕ್ಟೋಬರ್​ 1ರಿಂದ 2 ಸಾವಿರ ರೂಪಾಯಿ ನೋಟುಗಳು ಕಾಣಿಸೋದಿಲ್ಲ. ಹೀಗಾಗಿ ನೀವು ನಿಮ್ಮ ಹತ್ತಿರದ ಬ್ಯಾಂಕ್​ಗಳಿಗೆ ಹೋಗಿ ನೋಟುಗಳನ್ನು ಬದಲಾಯಿಸಿಕೊಳ್ಳಬೇಕು.

ನೀವೂ ಕೂಡ 2 ಸಾವಿರ ರೂಪಾಯಿ ನೋಟುಗಳನ್ನು ಎಕ್ಸ್​ಚೇಂಜ್​ ಮಾಡೋಕೆ ಬ್ಯಾಂಕ್​ಗೆ ಹೋಗ್ತಿದ್ರೆ, ಕೆಲವೊಂದು ವಿಷಯಗಳನ್ನು ನೀವು ತಿಳಿದುಕೊಂಡಿರಲೇ ಬೇಕು. ಇಲ್ಲದಿದ್ರೆ ನಿಮಗೆ ನಷ್ಟ.

ನೀವು ನೀಡುವ 2 ಸಾವಿರ ರೂಪಾಯಿ ನೋಟುಗಳನ್ನು ಬ್ಯಾಂಕ್ ಸಿಬ್ಬಂದಿ​ ಮಷಿನ್​ನಲ್ಲಿ ಚೆಕ್ ಮಾಡಿ ನಿಮಗೆ ಬೇರೆ ನೋಟುಗಳನ್ನು ನೀಡುತ್ತಾರೆ. ಒಂದು ವೇಳೆ ನಿಮಗೆ ಅರಿವಿಲ್ಲದೇ ನಕಲಿ 2 ಸಾವಿರ ರೂಪಾಯಿ ನೋಟು ನಿಮ್ಮ ಬಳಿ ಇದ್ದರೆ ಕಷ್ಟ. ಯಾಕೆಂದ್ರೆ ನಿಮಗೆ ತಿಳಿಯದೇ ನಿಮ್ಮ ಬಳಿ ಇದ್ದ ನಕಲಿ ನೋಟುಗಳನ್ನು ಬ್ಯಾಂಕ್​ಗೆ ಕೊಟ್ಟು, ಅವರಿಗೆ ಅದು ನಕಲಿ ಅಂತ ಗೊತ್ತಾದ್ರೆ ನಿಮಗೆ ಒಂದು ರೂಪಾಯಿ ಕೂಡ ಸಿಗೋದಿಲ್ಲ.

ಗ್ರಾಹಕರು ನೀಡುವ ಎಲ್ಲ 2 ಸಾವಿರ ರೂಪಾಯಿ ನೋಟುಗಳನ್ನು ನೋಟ್ ಸರ್ಟಿಂಗ್ ಯಂತ್ರಗಳಲ್ಲಿ ಹಾಕಿ ಚೆಕ್​ ಮಾಡಲಾಗುತ್ತೆ. ಹೀಗೆ ಮಾಡೋದಕ್ಕೆ ಸ್ವತಃ ಆರ್​ಬಿಐ ನಿರ್ದೇಶನ ನೀಡಿದೆ.

ಒಂದು ವೇಳೆ ನೀವು ನಕಲಿ ನೋಟುಗಳನ್ನು ಬ್ಯಾಂಕ್​ಗೆ ಕೊಟ್ಟರೆ, ಬ್ಯಾಂಕ್​ ಸಿಬ್ಬಂದಿ ನಿಮಗೆ ಒಂದು ರೂಪಾಯಿ ಕೂಡ ಪಾವತಿಸೋದಿಲ್ಲ. ಆ ನಕಲಿ ನೋಟುಗಳನ್ನು ಮರುಬಳಕೆಯಾಗದಂತೆ ಸುಟ್ಟು ಹಾಕಲಾಗುತ್ತೆ.

ಆರ್‌ಬಿಐ ನಿಯಮಾವಳಿ ಪ್ರಕಾರ ನಕಲಿ ನೋಟುಗಳಿಗೆ ಒಂದು ರೂಪಾಯಿಯೂ ವಾಪಸ್ ಬರುವುದಿಲ್ಲ. ಅಲ್ಲದೆ ಉದ್ದೇಶಪೂರ್ವಕವಾಗಿ ನಕಲಿ ಕರೆನ್ಸಿ ತಂದಿರುವುದು ಗೊತ್ತಾದರೆ ದಂಡ ಹಾಗೂ ಜೈಲು ಶಿಕ್ಷೆಗೆ ನೀವು ಗುರಿಯಾಗಬಹುದು.

ಒಂದು ವೇಳೆ ಗ್ರಾಹಕರು ಕೊಟ್ಟ ನಕಲಿ ನೋಟುಗಳನ್ನು ಗುರಿತಿಸಲು ಬ್ಯಾಂಕ್​ ವಿಫಲವಾದರೆ, ಅವರಿಗೂ ಆರ್​​ಬಿಐ ಭಾರೀ ದಂಡ ವಿಧಿಸುತ್ತೆ. ಹೀಗಾಗಿ ನೀವು ಕೂಡ 2 ಸಾವಿರ ರೂಪಾಯಿ ನೋಟು ಎಕ್ಸ್​ಚೇಂಜ್​ ಮಾಡಲು ಹೋಗುವ ಮುನ್ನ ಈ ವಿಚಾರ ತಿಳಿದುಕೊಂಡಿರಿ.