Helmet Rules: ಸರಿಯಾಗಿ ಹೆಲ್ಮೆಟ್​ ಹಾಕಿದ್ರೂ ಬೀಳುತ್ತೆ 1000 ದಂಡ, ಹೊಸ ಟ್ರಾಫಿಕ್ ನಿಯಮ ಜಾರಿ!

ದೇಶದಲ್ಲಿ ವಾಹನಗಳ ಸಂಖ್ಯೆ ಹೆಚ್ಚಿದೆ. ಪ್ರತಿ ಮನೆಗೂ ಒಂದಕ್ಕಿಂತ ಹೆಚ್ಚು ವಾಹನಗಳು ಇದ್ದೇ ಇರುತ್ತೆ. ಇದೀಗ ದ್ವಿಚಕ್ರ ವಾಹನ ಸವಾರರಿಗೆ ಕೇಂದ್ರ ಸರ್ಕಾರ ಬಿಗ್​ ಶಾಕ್ ನೀಡಿದೆ ಎಂದರೆ ತಪ್ಪಾಗಲ್ಲ.

ಹೆಲ್ಮೆಟ್​ ಧರಿಸಿ ನಿಯಮ ಪಾಲಿಸಿದ್ರೂ ನೀವು ಒಂದು ಸಾವಿರ ರೂಪಾಯಿ ದಂಡ ಕಟ್ಟಬೇಕು. ಅರೇ ಹೆಲ್ಮೆಟ್​ ಹಾಕಿದ್ರೂ ದಂಡ ಯಾಕ್​ ಕಟ್ಟಬೇಕು ಗುರೂ ಅಂತ ನೀವು ಕೇಳಬಹುದು. ಈ ನಿಯಮ ಮೊದಲಿನಿಂದಲೂ ಜಾರಿಯಲ್ಲಿದೆ.

ಅದೇನೆಂದರೆ ವಾಹನ ಚಲಾಯಿಸುವವರು ಹಾಫ್​ ಹೆಲ್ಮೆಟ್​ ಹಾಕುವಂತಿಲ್ಲ. ಸಂಪೂರ್ಣವಾಗಿ ಹೆಡ್​ ಕವರ್ ಆಗುವಂತಹ ಹೆಲ್ಮೆಟ್​ ಅನ್ನೇ ಹಾಕಬೇಕು ಅಂತ ಈ ಹಿಂದಿನಿಂದಲೂ ಹೇಳಿಕೊಂಡು ಬರಲಾಗಿತ್ತು.

ಈಗ ಹಾಫ್​ ಹೆಲ್ಮೆಟ್​ ಹಾಕಿಕೊಂಡು ಬೇಕಾಬಿಟ್ಟಿ ಗಾಡಿ ಓಡಿಸಿದರೆ ಕಂಡಿತ ನಿಮಗೆ 1000 ದಂಡ ವಿಧಿಸಬಹುದು. ಹೀಗಾಗಿ ವಾಹನ ಚಲಾಯಿಸುವಾಗ ಯಾವಾಗಲೂ ಸೇಫ್​ ಆಗಿರುವಂತಹ ಹೆಲ್ಮೆಟ್​ ಅನ್ನೇ ಧರಿಸಿ.

ಸಂಚಾರ ನಿಯಂತ್ರಣಕ್ಕಾಗಿ ಪೊಲೀಸರು ಮತ್ತು ಅಧಿಕಾರಿಗಳು ಹಲವು ಹೊಸ ನಿಯಮಗಳನ್ನು ಪರಿಚಯಿಸುತ್ತಿದ್ದಾರೆ. ಹೆಚ್ಚುತ್ತಿರುವ ಟ್ರಾಫಿಕ್ ಸಮಸ್ಯೆಯನ್ನು ಗಮನದಲ್ಲಿಟ್ಟುಕೊಂಡು ಅದನ್ನು ನಿಯಂತ್ರಿಸಲು ಹೊಸ ಸಂಚಾರ ನಿಯಮಗಳನ್ನು ಅಳವಡಿಸಿಕೊಳ್ಳಲಾಗುತ್ತಿದೆ.

ಬಿಐಎಸ್ ನೋಂದಾಯಿತ ಹೆಲ್ಮೆಟ್ ಅನ್ನೇ ಹಾಕಬೇಕು. ಇಲ್ಲದಿದ್ದರೆ ಸೆಕ್ಷನ್ 194 ಡಿ ಎಂವಿಎ ಪ್ರಕಾರ 1000 ರೂ ದಂಡವನ್ನು ಪಾವತಿಸಬೇಕಾಗುತ್ತದೆ.

ರಸ್ತೆ ಸಾರಿಗೆ ಇಲಾಖೆಯು ಇತ್ತೀಚೆಗೆ ಮಕ್ಕಳನ್ನು ಸಾಗಿಸುವಾಗ ಅನುಸರಿಸಬೇಕಾದ ಹಲವಾರು ಸುರಕ್ಷತಾ ನಿಯಮಗಳನ್ನು ರೂಪಿಸಿದೆ. ವಯಸ್ಕರು ಹೆಲ್ಮೆಟ್ ಧರಿಸಬೇಕು, ಮಕ್ಕಳು ಸಹ ಬೆಲ್ಟ್ ಧರಿಸಬೇಕು ಎಂದು ಸ್ಪಷ್ಟಪಡಿಸಲಾಗಿದೆ.

ಇನ್ನೂ ಬೈಕ್​ನ ವೇಗ ಗಂಟೆಗೆ 40 ಕಿ.ಮೀ.ಗಿಂತ ಹೆಚ್ಚಿದ್ದರೂ 1000 ರೂಪಾಯಿ ದಂಡ ತೆರಬೇಕಾಗುತ್ತದೆ ಎಂದು ನಾಗರಿಕರಿಗೆ ಸೂಚಿಸಲಾಗಿದೆ. ಇದರ ಹೊರತಾಗಿ 3 ತಿಂಗಳವರೆಗೆ ಪರವಾನಗಿಯನ್ನು ರದ್ದುಗೊಳಿಸಬಹುದು.