Bigg Boss Kannada: ರಾಕಿ ರೆಡಿ ಮಾಡಿದ ಜಾಕಿನಾ ಅಮೂಲ್ಯ ಗೌಡ? ರಾಜಣ್ಣ ಮಾತಿನ ಮರ್ಮ ಇದು!

ಬಿಗ್ ಬಾಸ್ ಸೀನಸ್ 09ರಲ್ಲಿ ರಾಕೇಶ್ ಅಡಿಗ ಮತ್ತು ಅಮೂಲ್ಯ ಗೌಡ ಸದಾ ಜೊತೆಗೆ ಇರುತ್ತಾರೆ. ತುಂಬಾ ಮಾತನಾಡುತ್ತಾರೆ. ಅದು ಎಲ್ಲರಿಗೂ ಗೊತ್ತಿರುವ ವಿಷಯ.

ಅಮೂಲ್ಯ ರೂಪೇಶ್ ಶೆಟ್ಟಿ ಬಳಿ ಬಿಡದೇ ಮಾತನಾಡಿದ್ದಕ್ಕೆ, ರೂಪೇಶ್ ರಾಜಣ್ಣ ಕಾಮೆಂಟ್ ಹೇಳ್ತಾರೆ. ಅಮೂಲ್ಯ ಇಷ್ಟು ಚೆನ್ನಾಗಿ ಮಾತನಾಡೋಕೆ ರಾಕಿ ಕಾರಣ. ಆರ್ ಜೆ ಅಂದ್ರೆ ರಾಕಿ ರೆಡಿ ಮಾಡಿದ ಜಾಕಿ ಎಂದು ಹೇಳ್ತಾರೆ.

ಆಗ ರಾಕೇಶ್ ಅಡಿಗ ರಾಜಣ್ಣನಿಗೆ ಕಣ್ಣು ಹೊಡೆದು, ಈ ರೀತಿ ಮಾತನಾಡುವುದು ತಪ್ಪು. ನನ್ನಿಂದ ಅವಳು ಮಾತನಾಡುತ್ತಾಳೆ ಎಂದ್ರೆ ಏನ್ ಅರ್ಥ. ಲೈನ್ ಕ್ರಾಸ್ ಮಾಡಬೇಡಿ ಎಂದು ರಾಜಣ್ಣನಿಗೆ ಹೇಳುತ್ತಾರೆ.

ನಾನು ಆಕೆಯ ಒಳ್ಳೆಯ ಗುಣಗಳನ್ನು ಹೇಳಿದ್ದು. ಎಷ್ಟು ಚೆನ್ನಾಗಿ ಪಟ ಪಟ ಮಾತನಾಡುತ್ತಾರೆ ಅಂತ. ಅದಕ್ಕೆ ಏಕೆ ರೇಗುತ್ತೀರಿ. ನಾನು ಲೈನ್ ಹಾಕಿಕೊಂಡೇ ಕೂತಿದ್ದೇನೆ ಎಂದು ರಾಜಣ್ಣ ಹೇಳ್ತಾರೆ.

ತಮಾಷೆ ಮಾಡ್ತಾ ಇದ್ರೆ, ನೀವು ಮಾಡಿ. ನನ್ನನ್ನು ಯಾಕೆ ಮಧ್ಯೆ ತರುತ್ತೀರಿ. ನಾನು ಮಾತನಾಡುವುದನ್ನು ಹೇಳಿ ಕೊಟ್ಟಿದ್ದೀನಾ? ಎಂದು ರಾಕಿ ರಾಜಣ್ಣನಿಗೆ ಪ್ರಶ್ನೆ ಮಾಡ್ತಾರೆ. ಆಗ ಅಮೂಲ್ಯ ಒಂದು ನಿಮಿಷ ಎಂದು ಹೇಳಿದ್ರೂ ಇಬ್ಬರು ಕೇಳಿಸಿಕೊಳ್ಳಲಿಲ್ಲ.

ನೀವಿಬ್ಬರು ಏನಾದ್ರೂ ಮಾತನಾಡಿಕೊಳ್ಳಿ. ನನ್ನ ಹೆಸರು ಮಧ್ಯೆದಲ್ಲಿ ತರಬೇಡಿ ಎಂದು ಅಮೂಲ್ಯ ಗೌಡ ಬೇಸರ ಮಾಡಿಕೊಂಡು, ಎದ್ದು ಗಾರ್ಡನ್ ಏರಿಯಾಗೆ ಹೋಗ್ತಾರೆ.

ಅಮೂಲ್ಯ ಹೊರಗೆ ಹೋದ ಮೇಲೆ ರಾಜಣ್ಣ-ರಾಕಿ ಅಕ್ಕ ಪಕ್ಕ ಕೂತು ನಗುತ್ತಾರೆ. ರಾಜಣ್ಣ ನೀವು ಇನ್ನೂ ಜೋರಾಗಿ ಜಗಳ ಆಡಬೇಕಿತ್ತು ಎಂದು ರಾಕೇಶ್ ಅಡಿಗ ಹೇಳ್ತಾರೆ.

ನಂತರ ಗಾರ್ಡನ್ ಏರಿಯಾಗೆ ಹೋಗಿ, ನಾವು ಮಾಡಿದ್ದು ತಮಾಷೆಗಾಗಿ. ನಿನ್ನ ಬಕ್ರಾ ಮಾಡಲು ಅಷ್ಟೇ ಎಂದು ರಾಕೇಶ್, ರಾಜಣ್ಣ ಅಮೂಲ್ಯ ಗೌಡರನ್ನು ಸಮಾಧಾನ ಮಾಡ್ತಾರೆ.