Viral News: ನಿದ್ರೆ ಮಾಡಲು ಉದ್ಯೋಗಿಗಳಿಗೆ ರಜೆ ನೀಡಿದ ಬೆಂಗಳೂರಿನ ಕಂಪನಿ!

ನೀವು ಕೆಲಸ ಮಾಡುವ ಕಂಪನಿಯೇ ನಿಮ್ಮ ಬಳಿ ಒಂದು ದಿನ ಮಲಗೋಕೆ ಎಂದೇ ರಜೆ ಕೊಟ್ಟರೆ! ಅಬ್ಬಾ! ಇದೇನು ನಂಬೋಕೆ ಸಾಧ್ಯವಿಲ್ಲದ ವಿಷಯ ಅಂದ್ಕೊಂಡ್ರಾ? ಅಲ್ಲ ಕಣ್ರೀ! (ಸಾಂದರ್ಭಿಕ ಚಿತ್ರ)

ಬೆಂಗಳೂರು ಮೂಲದ ಸ್ಟಾರ್ಟಪ್ ಒಂದು ತನ್ನ ಉದ್ಯೋಗಿಗಳಿಗೆ ವಿಶ್ವ ನಿದ್ರಾ ದಿನದಂದು ಒಂದು ದಿನ ಮಲಗಲು ನೀಡುವ ಮೂಲಕ ಅಚ್ಚರಿ ಮೂಡಿಸಿದೆ. (ಸಾಂದರ್ಭಿಕ ಚಿತ್ರ)

ವೇಕ್​ಫಿಟ್ ಎಂಬ ಬೆಂಗಳೂರಿನ ತನ್ನ ಉದ್ಯೋಗಿಗಳಿಗೆ ಮಲಗುವ ಸಲುವಾಗಿ ಒಂದು ದಿನ ರಜೆ ತೆಗೆದುಕೊಳ್ಳಲು ಅವಕಾಶ ನೀಡಿದೆ. ಈ ಕುರಿತು ಅಧಿಕೃತವಾಗಿ ಇಮೇಲ್ ಕಳಿಸಿದೆ. (ಸಾಂದರ್ಭಿಕ ಚಿತ್ರ)

“ವಿಶ್ವ ನಿದ್ರಾ ದಿನದ ಆಚರಣೆ ಮಾಡಲು ವೇಕ್​ಫಿಟ್ ಕಂಪನಿಯ ಎಲ್ಲ ಉದ್ಯೋಗಿಗಳಿಗೆ ಮಾರ್ಚ್ 17, 2023 ರಂದು ವಿಶ್ರಾಂತಿ ದಿನವನ್ನಾಗಿ ನೀಡಲಾಗಿದೆ. ಈ ರಜೆಯು ನಿಮ್ಮ ವೀಕೆಂಡ್​ನ್ನು ಸುದೀರ್ಘವಾಗಿರಿಸಲಿದೆ. ನೀವು ಅಗತ್ಯವಿರುವ ವಿಶ್ರಾಂತಿ ಪಡೆಯಬಹುದು” ಎಂದು ಕಂಪನಿ ಉದ್ಯೋಗಿಗಳಿಗೆ ಇಮೇಲ್ ಕಳುಹಿಸಿದೆ. (ಸಾಂದರ್ಭಿಕ ಚಿತ್ರ)

ಇಮೇಲ್​ನಲ್ಲಿ ಕಂಪನಿಯು ತನ್ನ ಎಲ್ಲಾ ಉದ್ಯೋಗಿಗಳಿಗೆ ಮಾರ್ಚ್ 17 ಅನ್ನು ಐಚ್ಛಿಕ ರಜಾದಿನವಾಗಿ ನೀಡುವುದಾಗಿ ತಿಳಿಸಿದೆ.  ಆಸಕ್ತ ಉದ್ಯೋಗಿಗಳು ನಿದ್ರೆ ಮಾಡಲು ರಜೆ ಪಡೆಯಬಹುದು ಎಂದು ಮಾಹಿತಿ ನೀಡಿದೆ. (ಸಾಂದರ್ಭಿಕ ಚಿತ್ರ)

ಯಾವುದೇ ವ್ಯಕ್ತಿಗೆ ನಿದ್ದೆ ಅತಿ ಮುಖ್ಯ. ಆರೋಗ್ಯಕರವಾಗಿರಬೇಕಾದರೆ ನಮ್ಮ ದೇಹ ಬಯಸುವ ವಿಶ್ರಾಂತಿಯನ್ನು ನಾವು ನೀಡಬೇಕು. ಇಲ್ಲವೆಂದಾರೆ ಒಮ್ಮೆಗೇ ಆರೋಗ್ಯ ಕೈಕೊಟ್ಟು ದೀರ್ಘಕಾಲಕ್ಕೆ ವಿಶ್ರಾಂತಿ ಪಡೆಯುವಂತೆ ಮಾಡುತ್ತದೆ ನಮ್ಮ ದೇಹ. ಟೆನ್ಶನ್ ಬಿಟ್ಟು ಹಾಯಾಗಿ ನಿದ್ರಿಸೋದು ಅಭ್ಯಾಸ ಮಾಡಿ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ವಿಶ್ವ ನಿದ್ರಾ ದಿನಕ್ಕೆ ವೇಕ್​ಫಿಟ್ ಕಂಪನಿ ತನ್ನ ಉದ್ಯೋಗಿಗಳಿಗೆ ನೀಡಿದ ಈ ಮಲಗುವ ಆಫರ್ ಭರ್ಜರಿ ವೈರಲ್ ಆಗ್ತಿದೆ. ಇತರ ಕಂಪನಿಯ ಉದ್ಯೋಗಿಗಳಲ್ಲಿ ಅಸೂಯೆ ಹುಟ್ಟುವಂತೆ ಮಾಡಿದೆ! (ಸಾಂದರ್ಭಿಕ ಚಿತ್ರ)