Interesting Fact: ಮಳೆ ಬಂದಾಗ ಟ್ರಾಫಿಕ್ ಹೆಚ್ಚಾಗುತ್ತೆ ಏಕೆ?

ಬೆಂಗಳೂರು ಟ್ರಾಫಿಕ್ ಹೆಸರು ಕೇಳಿದರೆ ಸಾಕು, ವಾಹನ ಸವಾರರಿಗೆ ಯಾಕಪ್ಪಾ ಬೇಕು ಈ ರಗಳೆ ಅನಿಸುತ್ತೆ. ಅದರಲ್ಲೂ ಮಳೆಗಾಲದಲ್ಲಂತೂ ರಾಜ್ಯ ರಾಜಧಾನಿಯ ಟ್ರಾಫಿಕ್ ತಲೆಬಿಸಿ ಕೊಡುತ್ತೆ. (ಸಾಂದರ್ಭಿಕ ಚಿತ್ರ)

ಹಾಗಾದರೆ ಮಳೆ ಬಂದರೆ ಬೆಂಗಳೂರು ಟ್ರಾಫಿಕ್ ಹೆಚ್ಚಾಗುವುದು ಏಕೆ ಎಂದು ಯಾರಿಗಾದರೂ ಪ್ರಶ್ನೆ ಹುಟ್ಟುತ್ತದೆ. ಇದಕ್ಕೆ ಒಂದಿಷ್ಟು ಕಾರಣಗಳು ಇಲ್ಲಿವೆ. (ಸಾಂದರ್ಭಿಕ ಚಿತ್ರ)

ಮಳೆ ಸುರಿಯುವಾಗ ವೇಗವಾಗಿ ವಾಹನ ಓಡಿಸಲು ಸಾಧ್ಯವಿಲ್ಲ. ವಾಹನಗಳು ಸ್ಪಷ್ಟವಾಗಿ ಕಾಣಿಸುವುದಿಲ್ಲ. ಜೋರಾಗಿ ಬೀಳುವ ಮಳೆ ಹನಿಗಳು ಕಣ್ಣಿಗೆ ಚುಚ್ಚುತ್ತವೆ. ಇದೇ ಕಾರಣಕ್ಕೆ ವೇಗವಾಗಿ ವಾಹನ ಚಾಲನೆ ಮಾಡಲು ಆಗುವುದಿಲ್ಲ. ರಸ್ತೆಯಲ್ಲಿ ಅಲ್ಲಲ್ಲಿ ನಿಂತಿರುವ ಮಳೆ ನೀರಿನ ಕಾರಣ ಗಾಡಿಯನ್ನು ಓಡಿಸಲು ಕಷ್ಟವಾಗುತ್ತದೆ. ಇವೆಲ್ಲವೂ ಟ್ರಾಫಿಕ್ ಜಾಮ್​ಗೆ ಕಾರಣವಾಗುತ್ತವೆ. (ಸಾಂದರ್ಭಿಕ ಚಿತ್ರ)

ಜೊತೆಗೆ ಮಳೆ ಬಂದಾಗ ಎಲ್ಲರೂ ಮನೆ ಸೇರುವ ಗಡಿಬಿಡಿಯಲ್ಲಿರುತ್ತಾರೆ. ಇದೇ ಕಾರಣಕ್ಕೆ ಎಲ್ಲರೂ ವೇಗವಾಗಿ ಗಾಡಿ ಓಡಿಸಲು ಪ್ರಯತ್ನಿಸುತ್ತಾರೆ. ಇದು ಯಾರನ್ನೂ ಮುಂದೆ ಹೋಗಲು ಬಿಡುವುದಿಲ್ಲ. (ಸಾಂದರ್ಭಿಕ ಚಿತ್ರ)

ಜೊತೆಗೆ ಮಳೆ ಬಂದಾಗ ಬೈಕ್​ಗಳಿಗಿಂತ ಹೆಚ್ಚು ಕಾರು ಬಳಸುವವರೇ ಹೆಚ್ಚು. ಇದು ಇನ್ನಷ್ಟು ಟ್ರಾಫಿಕ್ ಜಾಮ್ ಆಗಲು ಕಾರಣವಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಮಳೆಗಾಲದಲ್ಲಿ ವೇಗವಾಗಿ ವಾಹನ ಚಲಾಯಿಸುವುದಕ್ಕಿಂತ ನಿಧಾನವಾಗಿ ಚಲಾಯಿಸುವುದೇ ಒಳ್ಳೆಯದು. ವೇಗದ ವಾಹನ ಚಾಲನೆ ಅಪಾಯಕ್ಕೆ ಆಹ್ವಾನ ನೀಡುತ್ತದೆ ಎಚ್ಚರ. (ಸಾಂದರ್ಭಿಕ ಚಿತ್ರ)

ಹೀಗೆ ಮಳೆಗಾಲದಲ್ಲಿ ಟ್ರಾಫಿಕ್ ಹೆಚ್ಚಾದರೂ ಸರಿ ನಿಧಾನವಾಗಿ ವಾಹನ ಚಾಲನೆ ಮಾಡುವುದೇ ಬೆಸ್ಟ್. ನೀವು ಸಹ ನಿಧಾನವಾಗಿಯೇ ವಾಹನ ಓಡಿಸಿ ಆರಾಮವಾಗಿ ಮನೆ ಸೇರಿ. (ಸಾಂದರ್ಭಿಕ ಚಿತ್ರ)