NICE Road Toll: ರಸ್ತೆ ರಿಪೇರಿ ಮಾಡುವಾಗಲೂ ಟೋಲ್! ಪ್ರಮುಖ ಹೆದ್ದಾರಿ ಪ್ರಯಾಣಿಕರು ಹೈರಾಣ

ಬೆಂಗಳೂರು ಮೈಸೂರು ಎಕ್ಸ್​ಪ್ರೆಸ್​ವೇ  ಟೋಲ್ ಬಗ್ಗೆ ಇತ್ತೀಚಿಗಷ್ಟೇ ಭಾರೀ ಚರ್ಚೆ, ಗದ್ದಲವಾಗಿತ್ತು. ನಿಗದಿಪಡಿಸಿದ ಟೋಲ್ ಶುಲ್ಕ ತೀವ್ರ ಹೆಚ್ಚಾಗಿದೆ ಎಂಬ ಆರೋಪ ಕೇಳಿಬಂದಿತ್ತು. ಈ ಬೆನ್ನಲ್ಲೇ ರಾಜ್ಯದ ಇನ್ನೊಂದು ಪ್ರಮುಖ ಹೆದ್ದಾರಿಯ ಟೋಲ್ ಬಗ್ಗೆ ಆಕ್ರೋಶ ಕೇಳಿಬರುತ್ತಿದೆ. (ಸಾಂದರ್ಭಿಕ ಚಿತ್ರ)

ರಾಜ್ಯದಲ್ಲಿ ಈ ಹಿಂದೆ ಗಲಾಟೆ ಎಬ್ಬಿಸಿದ್ದ ನೈಸ್ ರಸ್ತೆಯ ಟೋಲ್ ಶುಲ್ಕದ ಬಗ್ಗೆಯೇ ಸಾರ್ವಜನಿಕ ಟೀಕೆ ಕೇಳಿಬಂದಿದೆ. (ಸಾಂದರ್ಭಿಕ ಚಿತ್ರ)

ನೈಸ್ ರಸ್ತೆಯಲ್ಲಿ ದುರಸ್ತಿ ಮತ್ತು ಮರು-ಟಾರಿಂಗ್ ಕಾಮಗಾರಿ ಕೆಲವು ತಿಂಗಳುಗಳಿಂದ ನಡೆಯುತ್ತಿದೆ. ಆದರೂ ಈ ಹಿಂದಿನಂತೆಯೇ ಟೋಲ್ ಶುಲ್ಕವನ್ನು ಪಡೆಯಲಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಹೀಗೆ ಕಾಮಗಾರಿ ಪ್ರಕ್ರಿಯೆ ನಡೆಯುತ್ತಿರುವಾಗ ಟೋಲ್ ಶುಲ್ಕ ಪಡೆಯುವುದು ಅಪರಾಧವಾಗಿದೆ. ರಸ್ತೆ ಕಾಮಗಾರಿ ಮುಗಿಯುವವರೆಗೆ ಟೋಲ್ ತೆಗೆದುಕೊಳ್ಳುವುದನ್ನು ನಿಲ್ಲಿಸುವಂತೆ ಸರ್ಕಾರ ಆದೇಶಿಸಬೇಕು ಎಂದು ಹಿರಿಯ ಪತ್ರಕರ್ತ, ನೆಟ್‌ವರ್ಕ್ 18ನ ಗ್ರೂಪ್ ಎಡಿಟೋರಿಯಲ್ ಅಡ್ವೈಸರ್ (ಸೌತ್) ಡಿಪಿ ಸತೀಶ್ ಅವರು ಆಗ್ರಹಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನ ನೈಸ್ ರಸ್ತೆಯನ್ನು (Bengaluru NICE Road) ರೂಪಿಸುವ ಪೆರಿಫೆರಲ್ ಮತ್ತು ಲಿಂಕ್ ರಸ್ತೆಗಳ ಟೋಲ್ ಜುಲೈ 1 ರಿಂದ ಹೆಚ್ಚಾಗಿತ್ತು. ಈಕುರಿತು ನಂದಿ ಎಕನಾಮಿಕ್ ಕಾರಿಡಾರ್ ಎಂಟರ್‌ಪ್ರೈಸಸ್ ಲಿಮಿಟೆಡ್ ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿತ್ತು. (ಸಾಂದರ್ಭಿಕ ಚಿತ್ರ)

ಜುಲೈ 1 ರಿಂದ ಎಲೆಕ್ಟ್ರಾನಿಕ್ಸ್ ಸಿಟಿ ಮೇಲ್ಸೇತುವೆ ಮತ್ತು ಅತ್ತಿಬೆಲೆ ಟೋಲ್ ಬೂತ್​ನಲ್ಲಿ ಶುಲ್ಕವನ್ನು ಹೆಚ್ಚಿಸಲಾಗಿದೆ. ಇದಲ್ಲದೇ ನೈಸ್ ರಸ್ತೆಯಲ್ಲಿ ಪ್ರತಿ ಕಿಲೋಮೀಟರ್ ಟೋಲ್ ಎಲೆಕ್ಟ್ರಾನಿಕ್ಸ್ ಸಿಟಿ ಎಲಿವೇಟೆಡ್ ಎಕ್ಸ್​ಪ್ರೆಸ್​ವೇಗಿಂತ  ಕಡಿಮೆ ಇರುತ್ತದೆ ಎಂದು ಈ ಹಿಂದೆ ಪ್ರಕಟಣೆಯಲ್ಲಿ ತಿಳಿಸಲಾಗಿತ್ತು. (ಸಾಂದರ್ಭಿಕ ಚಿತ್ರ)

ಸದ್ಯ ನೈಸ್ ರೋಡ್ ಟೋಲ್ ಶುಲ್ಕದ ಕುರಿತು ಎದ್ದಿರುವ ಆಕ್ರೋಶದಿಂದ ಸರ್ಕಾರ ಪ್ರಯಾಣಿಕರಿಗೆ ಸಹಕಾರಿ ಕ್ರಮ ಕೈಗೊಳ್ಳಲಿದೆಯೇ ಎಂದು ಕಾದುನೋಡಬೇಕಿದೆ. (ಸಾಂದರ್ಭಿಕ ಚಿತ್ರ)