Train Cancel: 2 ದಿನ ಈ ಮಾರ್ಗದ ರೈಲುಗಳ ಸಂಚಾರ ರದ್ದು

ಬೆಂಗಳೂರು, ಮೈಸೂರು ಸೇರಿದಂತೆ ವಿವಿಧ ಭಾಗದ ರೈಲು ಪ್ರಯಾಣಿಕರಿಗೆ 2 ದಿನಗಳ ಕಾಲ ರೈಲು ಸಮಸ್ಯೆ ಆಗಲಿದೆ ಎಂದು ಭಾರತೀಯ ರೈಲ್ವೆ ಇಲಾಖೆ ಮಾಹಿತಿ ನೀಡಿದೆ. ರೈಲ್ವೆ ಹಳಿ ರಿಪೇರಿ ಸೇರಿದಂತೆ ಅನೇಕ ಕಾಮಾಗಾರಿಗಳು ನಡೆಯುತ್ತಿರುವ ಕಾರಣದಿಂದ ಮೇ 25ರಿಂದ ಮೇ 27ರ ವರೆಗೆ ಕೆಲ ರೈಲುಗಳನ್ನು ರದ್ದು ಮಾಡಲಾಗಿದೆ.

ರೈಲು ಸಮಸ್ಯೆ ಆಗುತ್ತಿರುವ ಬಗ್ಗೆ ಟ್ವೀಟ್​ ಮಾಡಿರುವ ಭಾರತೀಯ ರೈಲ್ವೆ ಹಲವು ಕಡೆಗಳಲ್ಲಿ ಕ್ರಾಸಿಂಗ್ ಸಮಸ್ಯೆಗಳಿದ್ದು, ಇನ್ನೂ ಹಲವೆಡೆ ಹಳಿಗಳ ಕಾಮಗಾರಿ ಮಾಡಲಾಗುತ್ತಿದೆ. ಈ ಕಾರಣದಿಂದ ಕೆಲ ಸಮಯದವರೆಗೆ ರೈಲುಗಳ ಸಮಸ್ಯೆ ಆಗುತ್ತದೆ. ಅಲ್ಲದೇ, ರೈಲುಗಳನ್ನು ರದ್ದು ಮಾಡಲಾಗಿದೆ ಎಂದು ಮಾಹಿತಿ ನೀಡಿದೆ.

ಈ ಕಾಮಗಾರಿಗಳ ಕಾರಣದಿಂದ ಉತ್ತರ ಕರ್ನಾಟಕ ಭಾಗದ ಅನೇಕ ರೈಲುಗಳು ರದ್ದಾಗಿವೆ. ಇಷ್ಟೇ ಅಲ್ಲದೇ ಮೈಸೂರು, ಚಿತ್ರದುರ್ಗ, ತಾಳಗುಪ್ಪ ಹೋಗುವ ಅನೇಕ ರೈಲುಗಳ ಸಂಚಾರದಲ್ಲಿ ವ್ಯತ್ಯಯ ಆಗಲಿದೆ. ಯಾವೆಲ್ಲಾ ರೈಲುಗಳು ರದ್ದಾಗಲಿದೆ ಎಂಬುದು ಇಲ್ಲಿದೆ.

ಕೆಎಸ್‌ಆರ್‌-ಬೆಂಗಳೂರು ರೈಲು ಸಂಖ್ಯೆ 12614 ಸಂಚಾರ ರದ್ದು ಮಾಡಲಾಗಿದ್ದು, ಮೇ 25, 27ರಂದು ಬೆಂಗಳೂರು ಕೆಎಸ್‌ಆರ್‌ನಿಂದ ತುಮಕೂರು ತೆರಳುವ ರೈಲು (06571) ಸಂಚಾರ ಸ್ಥಗಿತ ಮಾಡಲಾಗಿದೆ ಎಂದು ಇಲಾಖೆ ಮಾಹಿತಿ ನೀಡಿದೆ.

ಮೇ 25, 27ರಂದು ಯಶವಂತಪುರ- ಶಿವಮೊಗ್ಗ ನಗರ (16579) ಮಾರ್ಗದ ರೈಲುಗಳ ಸಂಚಾರದಲ್ಲಿ ಸಹ ಸಮಸ್ಯೆ ಆಗಲಿದ್ದು, ಮೇ 25 ರಂದು ಕೇವಲ ಒಂದು ದಿನಕ್ಕೆ ಮಾತ್ರ ಯಶವಂತಪುರ- ವಾಸ್ಕೋ 17309 ಸಂಖ್ಯೆಯ ರೈಲು ಸಂಚಾರ ರದ್ದು ಮಾಡಲಾಗಿದೆ.

ಹಾಗೆಯೇ, ಮೇ 25 ರಂದು ಮೈಸೂರು-ಬೆಳಗಾವಿ (17326), ಮೇ 27ರಂದು ಯಶವಂತಪುರ-ವಾಸ್ಕೋ (17309) ರೈಲು ಸಹ ಸ್ಥಗಿತಗೊಂಡಿದ್ದು, ಈ ಭಾಗದಲ್ಲಿ ಪ್ರಯಾಣ ಮಾಡುವ ಪ್ರಯಾಣಿಕರಿಗೆ ಬದಲಿ ವ್ಯವಸ್ಥೆ ಅಥವಾ ಪರ್ಯಾಯ ಮಾರ್ಗವನ್ನು ಅನುಸರಿಸುವಂತೆ ಇಲಾಖೆ ಸೂಚನೆ ನೀಡಿದೆ.

ಇನ್ನು ಚಿಕ್ಕಮಗಳೂರುನಿಂದ ಯಶವಂತಪುರ ರೈಲನ್ನು ಮೇ 25 ಮತ್ತು ಮೇ 27ರಂದು ಹಾಗೂ ಮೇ 25, 27ರಂದು ತುಮಕೂರು-ಬೆಂಗಳೂರು (06576) ತಾತ್ಕಾಲಿಕವಾಗಿ ರದ್ದು ಮಾಡಲಾಗಿದೆ. ಹಾಗೆಯೇ, ಮೇ 25, 27ರಂದು ತಾಳಗುಪ್ಪ ಬೆಂಗಳೂರು (20652) ರೈಲನ್ನು ಸಹ ಸ್ಥಗಿತಗೊಳಿಸಲಾಗಿದೆ.

ಮೇ 25, 27ರಂದು ಕೆಎಸ್‌ಆರ್‌-ಧಾರವಾಡ (12725), ಮೇ 25, 27ರಂದು ಧಾರವಾಡ- ಬೆಂಗಳೂರು (12726), ಮೇ 25, 27ರಂದು ತುಮಕೂರು-ಚಾಮರಾಜನಗರ ರೈಲು (17346), ಮೇ 27ರಂದು ಹುಬ್ಬಳ್ಳಿ-ರಾಮೇಶ್ವರಂ (07355), ಮೇ 26 ವಾಸ್ಕೋ- ಬೆಂಗಳೂರು ಯಶವಂತಪುರ (17310) ರೈಲುಗಳ ಸಂಚಾರದಲ್ಲಿ ವ್ಯತ್ಯಾಸವಾಗಲಿದೆ.