Republic Day Traffic Rules: ಗಣರಾಜ್ಯೋತ್ಸವದಂದು ಬೆಂಗಳೂರಿನ ಈ ರಸ್ತೆಗಳಿಗೆ ಬರಲೇಬೇಡಿ!

ಗಣರಾಜ್ಯೋತ್ಸವ ದಿನಾಚರಣೆಯಂದು ಬೆಂಗಳೂರಿನಲ್ಲಿ ಬಿಗಿ ಬಂದೋಬಸ್ತ್ ಮಾಡಲು ಪೊಲೀಸರು ಹಲವು ಕ್ರಮಗಳನ್ನು ಕೈಗೊಂಡಿದ್ದಾರೆ. ವಾಹನ ಪ್ರಯಾಣಿಕರಿಗೆ ಹಲವು ಸೂಚನೆ-ನಿಯಮಗಳನ್ನೂ ನೀಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಜನವರಿ 26ರಂದು 8.30 ರಿಂದ 10.30 ರವರೆಗೂ ಕಬ್ಬನ್ ರಸ್ತೆಯಲ್ಲಿ ಬಿಆರ್​ವಿ ಜಂಕ್ಷನ್​ನಿಂದ ಕಾಮರಾಜ್ ರಸ್ತೆ ಜಂಕ್ಷನ್​ವರೆಗೆ ಸಂಚಾರ ನಿರ್ಬಂಧ ಆದೇಶ ಜಾರಿಗೊಳಿಸಲಾಗಿದೆ.  (ಸಾಂದರ್ಭಿಕ ಚಿತ್ರ)

ಇನ್​ಫೆಂಟ್ರಿ ರಸ್ತೆಯಲ್ಲಿ ಮಣಿಪಾಲ್ ಸೆಂಟರ್ ಕಡೆಗೆ ಹೋಗುವ ವಾಹನಗಳು – ಇನ್​ಫೆಂಟ್ರಿ ರೋಡ್-ಸಫೀನಾ ಪ್ಲಾಜಾ- ಬಲಕ್ಕೆ ತಿರುವು ಪಡೆದು ಕಾಮರಾಜ ರೋಡ್​ನತ್ತ ಪ್ರಯಾನಿಸಲು ಟ್ರಾಫಿಕ್ ಪೊಲೀಸರು ಸೂಚಿಸಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಕಬ್ಬನ್ ರೋಡ್ - ಮಣಿಪಾಲ್ ಸೆಂಟರ್ ಜಂಕ್ಷನ್​ನಿಂದ ಬಿಆರ್​ವಿಯತ್ತ ಬರುವ ವಾಹನಗಳು- ಎಂಜಿ ರೋಡ್, ಮೇಯೋಹಾಲ್ ,ಕಾವೇರಿ ಎಂಪೋರಿಯಂ - ಅನಿಲ್ ಕುಂಬ್ಳೆ ರೋಡ್ ಕಡೆ ಪ್ರಯಾಣಿಸಬೇಕಿದೆ.  (ಸಾಂದರ್ಭಿಕ ಚಿತ್ರ)

ಸೆಂಟ್ರಲ್ ಸ್ಟ್ರೀಟ್ - ಅನಿಲ್ ಕುಂಬ್ಳೆ ವೃತ್ತದಿಂದ ಶಿವಾಜಿನಗರ ಬಸ್ ನಿಲ್ದಾಣವರೆಗೆ ವಾಹನ ನಿಲುಗಡೆಯಲ್ಲಿ ನಿಷೇಧಿಸಲಾಗಿದೆ. ಅಲ್ಲದೇ, ಕಬ್ಬನ್ ರೋಡ್ - ಸಿಇಟಿ ವೃತ್ತದಿಂದ ಕೆಆರ್ ರೋಡ್ & ಕಬ್ಬನ್ ರೋಡ್, ಎಂಜಿ ರೋಡ್ - ಅನಿಲ್ ಕುಂಬ್ಳೆ ವೃತ್ತದಿಂದ ಕ್ವೀನ್ಸ್ ಸರ್ಕಲ್​ವರೆಗೂ ವಾಹನ ನಿಲುಗಡೆಯನ್ನು ನಿರ್ಬಂಧಿಸಿ ಆದೇಶಿಸಲಾಗಿದೆ.  (ಸಾಂದರ್ಭಿಕ ಚಿತ್ರ)

ಕಾರು ಪಾಸ್​ಗಳನ್ನ ಹೊಂದಿರುವ ಆಹ್ವಾನಿತರು ಪಾಸ್​ಗಳಲ್ಲಿ ನಿಗದಿಪಡಿಸಿದ ಸ್ಥಳಗಳಲ್ಲೇ ಕಾರು ಪಾರ್ಕಿಂಗ್ ಮಾಡುವಂತೆ ಟ್ರಾಫಿಕ್ ಪೊಲೀಸರು ಸೂಚನೆ ನೀಡಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಹೀಗಾಗಿ ಜನವರಿ 26ರಂದು ಈ ಸೂಚನೆಯನ್ನು ಅನುಸರಿಸಿ ವಾಹನಗಳನ್ನು ರಸ್ತೆಗಿಳಿಸಲು ಬೆಂಗಳೂರು ಟ್ರಾಫಿಕ್ ಪೊಲೀಸರು ಸೂಚನೆ ನೀಡಿದ್ದಾರೆ. (ಸಾಂದರ್ಭಿಕ ಚಿತ್ರ)